¿Nemanduʼápa koʼã mbaʼére?

¿Releépa raʼe umi rrevísta Ñemañaha osẽ vaʼekue ko áñope? Ehechamína ikatúpa nemanduʼa koʼã mbaʼére:

¿Mbaʼépa jahupytýta ñañemotiémporamo ñañemboʼe hag̃ua Jehovápe, jaleéramo Iñeʼẽ ha jajepyʼamongeta hese?

Koʼã mbaʼe ñanepytyvõta jadesidi porãve hag̃ua, ñandevalevéta ñaporomboʼe hag̃ua ha jajeroviavéta Jehováre (w22.01, páh. 30, 31).

¿Mbaʼérepa iporã jajerovia Jehováre ha umi onombra vaʼekuére ñandegia hag̃ua?

Koʼág̃ama voi jajerovia vaʼerã Jehováre ha jarrespeta umi ansiáno odesidíva. Upéicha ifasilvéta ñandéve jasegi hag̃ua umi instruksión jarresivítava pe jehasa asy guasu aja, nañantendéiramo jepe umíva o haʼetéramo jepe la naisentidopáiva (w22.02, páh. 4-6).

¿Mbaʼépa ontendekase raʼe pe ánhel heʼírõ guare Zacaríaspe oĩha peteĩ “plomáda Zorobabel pópe”? (Zac. 4:8-10).

Upe visión oasegura kuri Jehová puévlope pe témplo oñemopuʼãva hína oñeterminataha, ha michĩvéramo jepe, ojepurutaha ojeadora hag̃ua Jehovápe haʼe oipotahaichaite (w22.03, páh. 16, 17).

¿Mbaʼéichapa ikatu ñamoĩ ehémplo porã umi mbaʼe jaʼéva rupive? (1 Tim. 4:12).

Ñañeʼẽ vaʼerã trankílo porãnte predikasiónpe, japurahéi ñande pyʼaite guive rreunionhápe, ñakomenta pyʼỹi, jaʼe siémpre la siertoguávante ha jaʼe umi mbaʼe omokyreʼỹtava ñande rapichakuérape (w22.04, páh. 6-9).

Daniel kapítulo 7-pe oñemensiona 4 animál salváhe térã goviérno, ¿péro mbaʼérepa Apocalipsis 13:1, 2-pe oñemensiona koʼã 4 haʼeramoguáicha peteĩnte?

Pe animál salváhe oñemensionáva Apocalipsis 13-pe norreprensentái peteĩ goviérnope añónte, síno orrepresenta entéro umi poténsia mundiál oexisti vaʼekue ko múndope (w22.05, páh. 9).

¿Mbaʼéichapa ikatu jahechauka ñaimeha segúro Jehová ihustoha?

Oiméramo algúno ñandetrata vai raʼe térã opeka ñane kóntrape, jaipeʼa vaʼerã ñandehegui pe pochy ha ani ñandepyʼaro. Jahejánte pe situasión Jehová pópe. Haʼe katuete oipeʼáta umi mbaʼe ñanembohasa asýva pe pekádo káusare (w22.06, páh. 10, 11).

¿Mbaʼépa oreko vaʼerã enkuénta peteĩ ermáno oñemboʼéva oñepyrũ mboyve térã opa rire umi rreunión?

Pe orasión aja, pe ermáno noñemoĩri vaʼerã omeʼẽ konsého pe kongregasiónpe térã ojapo peteĩ anúnsio. Espesiálmente oñepyrũvo peteĩ rreunión natekotevẽi “oñemboʼe puku” (Mat. 6:7) (w22.07, páh. 24, 25).

¿Mbaʼépa heʼise “umi ojapo vaʼekue ivaíva” orresusitataha “ojehusga hag̃ua”? (Juan 5:29).

Chupekuéra ningo ndojehusgamoʼãi en fórma negatíva umi mbaʼe ojapo vaʼekuére omano mboyve. Ojehusgáta chupekuéra ojehechávo mbaʼetekópa oñekomporta hikuái ha mbaʼépa opensa orresusita rire (w22.09, páh. 18).

¿Mbaʼépa heʼi vaʼekue ermáno Rutherford peteĩ asambléa ojejapo vaʼekuépe septiembre de 1922-pe?

Upe asambléa ningo ojejapo vaʼekue Cedar Póintpe, ha upépe ermáno Rutherford heʼi vaʼekue: “¡Péina, pe Rréi ogovernáma! Peẽ peñeʼẽ vaʼerã hérape. ¡Upévare tapeho peikuaauka, peikuaauka, peikuaauka mávapa pe Rréi ha irréino!” (w22.10, páh. 3-5).

Según Isaías kapítulo 30, ¿mbaʼéichapa Jehová ñanepytyvõ ñaaguanta hag̃ua?

Upe kapítulo ohechauka haʼe ojapoha upéva de 3 fórma: 1) Ohendu ha okontesta umi ñane ñemboʼe, 2) ñandegia, ha 3) ñanevendesi koʼág̃ama voi ha amo gotyove (w22.11, páh. 9).

¿Mbaʼérepa ikatu jaʼe Salmo 37:10, 11, 29 oñekumplíma hague yma ha oñekumpli jeytaha amo gotyove?

Umi mbaʼe David heʼi vaʼekue oñekumpli vaʼekue Israélpe, pórke Salomón ogovernaha tiémpope ojeiko porãiterei vaʼekue. Ha tiémpo rire, Jesús osita vaʼekue la heʼíva versíkulo 11 oñeʼẽrõ guare pe paraísore (Mat. 5:5; Luc. 23:43) (w22.12, páh. 8-10, 14).