¿Ndépa reikuaa porãseve Jehovápe?

¿Mbaʼéichapa nde reñeimahina haʼeha Ñandejára Jehová? ¿Repensápa haʼeha álgien iñimportantetereímava, ha upéicha rupi ñande ndaikatumoʼãiha ñañemoag̃ui hese? ¿Térã repensápa haʼeha peteĩ persóna ipoderosoitereíva, péro ndorekóiva sentimiénto? ¿Ndépa reikuaa porãseve Jehovápe? Iñeʼẽ la Biblia rupive, haʼe omombeʼu ñandéve umi kualida porãite orekóva, ha avei mbaʼeichaitépa ojepyʼapy nderehe.

1. ¿Mbaʼérepa ndaikatúi jahecha Ñandejárape?

Juan 4:24 heʼi: “Ñandejára ningo peteĩ espíritu”. Ñandejára Jehová ndoguerekói peteĩ kuérpo jarekoháicha ñande yvypóra. Haʼe peteĩ espíritu oikóva yvágape, ha upévare ndaikatúi jahecha chupe.

2. ¿Mbaʼeichagua persónapa Jehová?

Ndaikatúiramo jepe jahecha Jehovápe, si ikatu jaikuaa mbaʼeichagua persónapa haʼe, ha umi kualida porãite orekóva. La Biblia heʼi voi: “Jehová ningo ohayhu pe hustísia, upévare ndohejareimoʼãi umi iñeʼẽrendúvape chupe” (Salmo 37:28). Haʼe ningo ‘ombyasy ha oiporiahuvereko’ la héntepe, koʼýte umi osufrívape (Santiago 5:11). “Jehová ag̃ui oĩ umi osufrívagui, haʼe osalva umi oñekevrantávape ha oñeñandúvape yvýre” (Salmo 34:18). ¿Ha ndépa reikuaa raʼe Jehovápe oafektaha umi mbaʼe jajapóva? Por ehémplo, peteĩ persóna odesidíramo ojapo álgo ivaíva, upéva omoñeñandu vai Jehovápe (Salmo 78:​40, 41). Péro peteĩ persóna odesidíramo ojapo iporãva, upéva ombovyʼaiterei chupe (elee Proverbios 27:11).

3. ¿Mbaʼéichapa Jehová ohechauka ñanderayhuha?

Jehová ningo oporohayhueterei, ha upéva haʼe voi pe kualida iñimportantevéva haʼe orekóva. Upévare la Biblia heʼi: “Ñandejára ningo mborayhu” (1 Juan 4:8). Jehová ohechauka ñanderayhuha la Biblia rupive. Péro ndahaʼéi upéva añónte, avei entéro mbaʼe ojapo vaʼekue rupive (elee Hechos 14:17). ¡Epensamína mbaʼeichaitépa ñandekrea porã vaʼekue! Por ehémplo, haʼe omeʼẽ ñandéve la kapasida jahecha hag̃ua umi kolór porã porã, jadisfruta umi músika igústova, ha avei umi tembiʼu hepa jepéva. Haʼéngo ndoipotái jaikovénte, oipota javyʼa ha jadisfruta voi la ñande vída.

EJEPYʼAMONGETAMÍNA

4. Pe espíritu sánto haʼe pe fuérsa orekóva Ñandejára

Ñande ningo jaipuru ñande po jajapo hag̃ua heta mbaʼe. Upéicha avei, Jehová ojaposéramo álgo oipuru ijespíritu sánto upearã. La Biblia ohechauka porã pe espíritu sánto ndahaʼeiha peteĩ persóna ni peteĩ ánhel oikóva yvágape, síno haʼeha pe fuérsa Ñandejára oipurúva ojapo hag̃ua ivolunta. Elee Lucas 11:13; Hechos 2:17 ha avei inóta, ha upéi erresponde ko porandu:

• Ñandejára heʼi ikatuha ‘oñohẽ’ ijespíritu umi persóna ári, ¿mbaʼéichapa upéva ohechauka pe espíritu sánto ndahaʼeiha peteĩ persóna térã peteĩ ánhel, síno haʼeha pe fuérsa oipurúva Ñandejára?

Jehová ningo oipuru ijespíritu sánto omeʼẽ hag̃ua ñandéve la Biblia, ha ojapo hag̃ua umi mbaʼe porãite oĩva ikreasiónpe. Elee Salmo 33:6 ha 2 Pedro 1:20, 21, ha upéi erresponde ko porandu:

• ¿Mbaʼe mbaʼépa ojapo Jehová ijespíritu sánto rupive?

5. Jehová oreko heta kualida iporãitereíva

Moisés haʼe vaʼekue peteĩ Ñandejára siérvo ifiélva, péro haʼe oikuaa porãseve kuri chupe. Pévare Moisés heʼi Ñandejárape: “Eikuaaukána chéve nde rape ikatu hag̃uáicha roikuaa porã” (Éxodo 33:13). Upémarõ, Jehová omombeʼu chupe algúno umi kualida porãite orekóva. Elee Éxodo 34:​4-6, ha upéi erresponde koʼã porandu:

• ¿Mbaʼeichagua kualida porãpa Jehová omombeʼu Moiséspe orekoha?

• ¿Mbaʼe kualida Jehová orekóvapa ndéve ndegustave?

6. Jehová ojepyʼapy ñanderehe

Umi israelita haʼe vaʼekue Ñandejára puévlo, ha oĩ vaʼekue esklávoramo Egíptope. ¿Mbaʼéichapa oñeñandu vaʼekue Jehová ohechávo haʼekuéra osufrietereiha? Ehendu pe ÁUDIO ha esegi la lektúra, térã elee Éxodo 3:​1-10, ha upéi erresponde koʼã porandu:

ÁUDIO: Jehová ojepyʼapy ipuévlo osufri jave (2:45)

• Según pe rreláto, ¿mbaʼéichapa oñeñandu Jehová ohecha jave umi hénte osufriha? (Ehecha jey versíkulo 7 ha 8).

• ¿Ndépa ere Jehová ñanepytyvõseha, ha orekoha podér ojapo hag̃ua upéva? ¿Mbaʼérepa repensa upéicha?

7. Pe kreasión ohechauka avei umi kualida porãite orekóva Jehová

Ikatu jaikuaa umi kualida porãite Jehová orekóva jajepyʼamongetávo ikreasiónre. Ehecha pe VIDÉO. Upéi elee Romanos 1:20, ha erresponde ko porandu:

VIDÉO: Pe kreasión ohechauka Jehová ñanderayhuetereiha. Ñande rete (1:57)

• Remañávo pe kreasiónre, ¿mbaʼe kualida orekóva Jehovápa rehechakuaa?

RRESÚMEN

Jehová ningo haʼe peteĩ persóna ndaikatúiva jahecha, péro orekóva heta kualida iporãitereíva. Haʼe ningo ñanderayhueterei, ha upéva haʼe voi hína pe kualida iñimportantevéva orekóva.

Rrepáso

• ¿Mbaʼérepa ñande ndaikatúi jahecha Jehovápe?

• ¿Mbaʼépa hína pe espíritu sánto?

• ¿Mbaʼe kualida iporãvapa oreko Jehová?

EINVESTIGA HAG̃UA

Eanalisa umi 4 kualida iñimportantevéva orekóva Ñandejára.

“¿Mbaʼeichagua persónapa Ñandejára?” (Ñemañaha número 1 de 2019)

Ehecha mbaʼérepa la Biblia heʼi pe espíritu sánto haʼeha Ñandejára po.

“¿Mbaʼépa pe espíritu sánto?” (Artíkulo oĩva jw-pe)

Peteĩ karai isiégova opensa vaʼekue Ñandejára ndojepyʼapyiha hese, emañamína mbaʼépa oipytyvõ chupe okambia hag̃ua opensa lája.

“Avyʼa ikatu haguére aipytyvõ ótrope” (Ñemañaha 1 de octubre de 2015)