Heta mbaʼe ojeʼe jepi umi vevídare, ha algúnope igustoiterei oñembyaty omokõʼimi hag̃ua iñamigokuérandi. Ótro katu ndoʼuséi ni michĩmi, ha oĩ avei umi omokõva okaʼu peve. Péro, ¿mbaʼépa heʼi la Biblia umi vevída alkoólikare?

1. ¿Ivaípa jaʼu vevída alkoólika?

La Biblia ndeʼíri ivaiha jaʼu vevída. Upéva rangue heʼi voi haʼeha peteĩ rregálo Ñandejára omeʼẽva ñandéve. Por ehémplo, heʼi ‘pe víno ombovyʼaha umi héntepe’ (Salmo 104:14, 15). La Biblia heʼi avei heta Ñandejára siérvo yma guare hoʼu hague vevída alkoólika (1 Timoteo 5:23).

2. ¿Mbaʼe konséhopa omeʼẽ la Biblia umi odesidívape hoʼu vevída?

Jehovápe ndogustaiete voi peteĩ kristiáno okaʼu térã hoʼu rasa vevída (Gálatas 5:21). Iñeʼẽme heʼi voi: “Aníkena rejogua umi hoʼu rasapávape víno” (Proverbios 23:20). Upévare jadesidíramo jaʼutaha vevída, tahaʼe jepe raʼe ñaneañoháme, ndovaléi jaʼu rasa voi. Por ehémplo, ndovaléi jaʼu ndaikatuvéi peve ñapensa porã, ndaikatúi ñakontrola umi mbaʼe jaʼe ha jajapóva, térã katu japerhudika ñande salu. Ha oiméramo ijetuʼu ñandéve jajejokokuaa, iporãvéta jadesidíramo ndajaʼuiete voi umi vevída.

3. ¿Mbaʼéichapa ikatu jahechauka jarrespetaha umi ótro odesidíva?

Káda únomante odesidi vaʼerã hoʼútapa vevída térãpa nahániri. Upévare ndaikatúi jaʼe oĩ vaiha peteĩ persóna odesidíramo hoʼutaha vevída, ha ndovaléi jajopy peteĩ ndoʼuséivape hoʼu hag̃ua (Romanos 14:10). Péro péicha avei, oĩramo oñeñandu vaítava jaʼu haguére vevída iporãvéta ndajajapóinteramo upéva (elee Romanos 14:21). ¿Mbaʼérepa? Pórke “jasegi vaʼerã jajapo pe ideprovéchotava ñande rapichápe, ha ani ñandévente ou porãtava” (elee 1 Corintios 10:23, 24).

EJEPYʼAMONGETAMÍNA

4. Nde edesidi vaʼerã heʼútapa vevída térãpa nahániri

¿Mbaʼépa opensa vaʼekue Jesús umi vevída alkoólikare? Jaikuaa hag̃ua upéva ikatu jareko enkuénta pe primer milágro haʼe ojapo vaʼekue. Elee Juan 2:1-11, ha upéi erresponde koʼã porandu:

• Erekóvo enkuénta ko milágro, ¿mbaʼépa Jesús opensa umi vevídare ha avei umi hoʼúvare vevída?

• Jesús ndeʼíri vaʼekue ivaiha jaʼu vevída. Upéicharõ, ¿mbaʼépa opensa vaʼerã umi kristiáno peteĩ odesidívare omokõtaha?

Entéro kristiáno ningo ikatu odesidi hoʼútapa vevída, péro péva ndeʼiséi siémpre iporãtaha ojapo upéva. Elee Proverbios 22:3, ha upéi epensa iporãtapa reʼu vevída koʼã situasiónpe:

• remaneháta jave peteĩ veíkulo térã reipurúta peteĩ mákina.

• nderyeguasu.

• peteĩ doktór heʼi ndéve ndovaleiha reʼu vevída.

• ijetuʼu ndéve ani hag̃ua rehasa la rrája reʼu jave vevída.

• pe léi oĩva nde paíspe nopermitíri ndéve heʼu vevída.

• reime peteĩ odesidívandi ndoʼumoʼãiha ni michĩmi pórke anteve iprovléma vaʼekue upévape.

¿Iporãtapa remoĩramo ojeʼu hag̃ua vevída peteĩ kasamientohápe térã peteĩ fiestítape? Eikuaa hag̃ua mbaʼépa nepytyvõta edesidi hag̃ua, ehecha pe VIDÉO.

VIDÉO: ¿Iporãtapa oñemoĩramo vevída peteĩ kasamientohápe? (2:41)

Elee Romanos 13:13 ha 1 Corintios 10:31, 32. Elee rire káda téxto erresponde ko porandu:

• ¿Mbaʼéichapa ko téxto ikatu nepytyvõ edesidi hag̃ua peteĩ mbaʼe ogustáva Jehovápe?

5. Nde edesidi vaʼerã mboýpa heʼúta

Oiméramo edesidi heʼutaha vevída alkoólika nemanduʼa vaʼerã Jehová ndeʼiriha ivaiha jaʼu, péro ndoipotái jaʼu rasa. ¿Mbaʼérepa? Elee Oseas 4:11, 18, ha upéi erresponde ko porandu:

• ¿Mbaʼépa ikatu oiko peteĩ persóna omokõ rasáramo?

¿Mbaʼépa ikatu ñanepytyvõ ani hag̃ua jahasa la rrája? Ñarrekonose vaʼerã la ndaikatúiva jajapo, ha ñamoĩ límite. Elee Proverbios 11:2, ha upéi erresponde ko porandu:

• ¿Mbaʼérepa iporãta edesidi mboýpa reʼúta reñepyrũ mboyve voi reʼu vevída?

6. ¿Mbaʼépa ikatu oipytyvõ umi hoʼu rasávape vevída?

VIDÉO: “Ambyasy umi mbaʼe ajapo vaʼekue” (6:32)

• Ohechaukaháicha pe vidéo, ¿mbaʼéichapa oñekomporta vaʼekue Dmitry okaʼu jave?

• ¿Ifásilpa raʼe chupe oheja hag̃ua la vevída?

• ¿Mbaʼéichapa amo ipahápe ohejaite raʼe la ivísio?

Elee 1 Corintios 6:10, 11, ha upéi erresponde koʼã porandu:

• ¿Ivaieterei piko añete la jakaʼu? ¿Mbaʼépa heʼi la Biblia?

• ¿Mbaʼérepa jaʼekuaa peteĩ omokõ rasáva ikatuha okambia?

Elee Mateo 5:30, ha upéi erresponde ko porandu:

• Pe ehémplo Jesús oipuru vaʼekue heʼi tekotevẽramo ñaikytĩ vaʼerãha ñande po Jehová ñandeguerohory hag̃ua, ha upéva ohechauka jajesakrifikámante vaʼerãha. ¿Mbaʼépa upéicharõ ikatu rejapo oiméramo reñehaʼã hína reheja pe vevída?a

Elee 1 Corintios 15:33, ha upéi erresponde ko porandu:

• ¿Mbaʼéichapa ndeperhudikáta rejeheʼáramo umi omokõ rasávare?

RRESÚMEN

Ikatu jaʼu ha jadisfruta umi vevída alkoólika, péro Jehová ndoipotái jaʼu rasa ni jakaʼu.

Rrepáso

• ¿Mbaʼépa heʼi la Biblia umi vevída alkoólikare?

• ¿Mbaʼérepa ipeligrosoite ñamokõ rasa?

• ¿Mbaʼéichapa ikatu jahechauka jarrespetaha oĩramo odesidíva hoʼutaha térã ndoʼumoʼãiha vevída?

EINVESTIGA HAG̃UA

¿Mbaʼépa oipytyvõta umi imitãvape odesidi porã hag̃ua?

Ekalkula porã reʼu mboyve vevída (2:31)

Ehecha mbaʼe mbaʼépa ikatu rejapo rehejaséramo pe vevída.

“Mbaʼépa ikatu rejapo ani hag̃ua reʼu rasa vevída?” (Ñemañaha Enero-Marzo de 2010)

¿Iporãpa kristianokuéra ovrinda?

“Oñeporandúva jepi” (Ñemañaha mayo de 2007)

Pe experiénsia héravape “Akaʼuhárente voi aiko vaʼekue”, ehecha mbaʼépa oipytyvõ peteĩ karaípe oheja hag̃ua pe vevída.

“La Biblia okambia chupekuéra” (La Atalaya 1 de mayo de 2012)

Káda uno jareko ñande gústo jaelehíta jave mbaʼéichapa ñañemonde ha jajearregláta. Ha umi konsého bíblico ñanepytyvõkuaa jaelehi hag̃ua umi ao ñandegustáva ha Jehová oguerohorýva. Jahechamína unos kuánto koʼã konsého.

1. ¿Mbaʼépa jareko vaʼerã enkuénta jajearregláta jave?

Jaelehíta jave ñande aorã jareko vaʼerã enkuénta tekotevẽha ñamonde ao idesénteva, jahechauka japororrespetaha ha ñaneakãguapyha. Avei tekotevẽ siémpre ñanepotĩ, ‘ojapoháicha umi omombaʼeguasúva Ñandejárape’ (1 Timoteo 2:9, 10). Upéicharõ oĩ 4 kósa jareko vaʼerã enkuénta. 1) Ñande ao idesénte vaʼerã. Oiméne rehechakuaáma mbaʼéichapa oñemonde umi Testígo oho hag̃ua rreunionhápe. Káda uno oreko diferénte gústo, péro umi ao ha peinádo oipurúva siémpre ohechauka orrespetaha Ñandejárape. 2) Jahechauka vaʼerã jarrespetaha ñande rapichápe. Upévare ndovaléi jaipuru ao mbykýva, hesakãva, ñandejopyetereíva térã ijexaherádova jaipotaitereígui oñemaña ñanderehe. 3) Jahechauka vaʼerã ‘ñaneakãguapyha’. Upévare ndajaikói jasegi oimehaichagua móda pyahu osẽva guive. 4) Jahechauka vaʼerã ‘ñamombaʼeguasuha Ñandejárape’. Upéicha ifásilta ojepilla hag̃ua jaserviha Jehovápe (1 Corintios 10:31).

2. ¿Mbaʼérepa jareko vaʼerã enkuénta ermanokuérape jajearregláta jave?

Káda uno ningo jareko derécho jaelehívo mbaʼéichapa ñañemonde ha jajearregláta. Péro jareko vaʼerã enkuénta noiméipa umi mbaʼe jaelehíva omolestáta ótrope. ¿Mbaʼérepa? Pórke ndajajaposéi mbaʼeve omoñeñandu vaítava avavépe. Upéva rangue, “jajapo vaʼerã umi mbaʼe ideprovéchotava ñande rapichápe ha omombaretétava chupe” (elee Romanos 15:1, 2).

3. ¿Mbaʼéichapa ñañemonde vaʼerã umi ñanderecháva oikuaase hag̃ua Jehovápe?

Ñande ningo siémpre ñañehaʼã ñañatende ñañemonde lájare, péro koʼýte jaháta jave rreunionhápe térã ñasẽta jave predikasiónpe. Pe mensáhe japredikáva ningo iñimportanteterei, ha upévare nahiʼãi la hénte opensa vai ñanderehe ñañemonde vai rupi. Upéva rangue, ñañemonde porã vaʼerã ikatu hag̃uáicha umi hénte ñanderecháva oikuaaseve Jehovápe. Ha péicha ‘ñamoporãvéta ñande Salvadór Ñandejára omboʼéva’ (Tito 2:10).

EJEPYʼAMONGETAMÍNA

4. Ñañemonde ha jajearregla lája ohechauka vaʼerã jarrespetaha Jehovápe

¿Mbaʼérepa iñimportantete ñañatende ñane píntare? Elee Salmo 47:2, ha upéi erresponde koʼã porandu:

• ¿Mbaʼérepa jareko vaʼerã enkuénta ñarrepresentaha Jehovápe jaelehíta jave ñande aorã?

• ¿Ndépa ere iñimportanteha ñañemonde porã jaha hag̃ua rreunionhápe ha ñasẽ hag̃ua predikasiónpe? ¿Mbaʼérepa repensa upéicha?

5. ¿Mbaʼépa ñanepytyvõta jaelehi porã hag̃ua ñande aorã ha jajearregla porã hag̃ua?

Ehecha pe VIDÉO.

VIDÉO: “Siémpre pejapo vaʼerã entéro mbaʼe pembotuicha hag̃ua Ñandejárape” (10:18)

Tahaʼe jaipurútaramo umi ao hepýva térã nahániri, siémpre jajeasegura vaʼerã umíva ipotĩha ha opyta porãha pe moménto ha pe lugár ñaimehápe g̃uarã. Elee 1 Corintios 10:24 ha 1 Timoteo 2:9, 10. Upéi eanalisa mbaʼérepa naiporãi jaipuru koʼãichagua ao:

• ikyʼa ha ichalaipáva.

• ñandejopýva, mbykyetereíva térã hesakãva.

Ñande kristiáno ningo natekotevẽvéima ñakumpli pe léi mosáika. Péro upe léi ñanepytyvõ ñantende hag̃ua mbaʼéichapa opensa Jehová. Elee Deuteronomio 22:5, ha upéi erresponde ko porandu:

• ¿Mbaʼérepa naiporãi umi kuimbaʼe oñemonde kuñáicha ni umi kuña kuimbaʼéicha?

Elee 1 Corintios 10:32, 33 ha 1 Juan 2:15, 16, ha upéi erresponde koʼã porandu:

• ¿Mbaʼérepa ñañatende vaʼerã ani hag̃ua ñane pínta oofende la héntepe térã ñane ermanokuérape?

• ¿Mbaʼéichapa oñemonde ha ojearregla la hénte upe nde reikohárupi?

• ¿Ndépa ere peteĩ kristiánore opyta porãtaha oñemonde haʼekuéraicha? ¿Mbaʼérepa repensa upéicha?

RRESÚMEN

Jaelehíta jave mbaʼéichapa ñañemonde ha jajearregláta, jahechauka vaʼerã jarrespetaha Jehovápe ha ñande rapichakuérape.

Rrepáso

• ¿Mbaʼérepa iñimportánte Jehovápe g̃uarã ñañatende ñane píntare?

• ¿Mbaʼe mbaʼépa jareko vaʼerã enkuénta jadesidíta jave mbaʼéichapa ñañemonde ha jajearregláta?

• ¿Mbaʼéichapa ñañemonde vaʼerã ikatu hag̃uáicha umi ñanderecháva oikuaase Jehovápe?

EINVESTIGA HAG̃UA

Ehecha mbaʼépa ikatu opensa nderehe la hénte asegún mbaʼéichapa reñemonde.

“¿Mbaʼetekópa che pínta?” (Artíkulo oĩva jw-pe)

¿Mbaʼérepa iñimportánte ereko enkuénta mbaʼéichapa ikatu ndeperhudika umi tatuáhe?

“¿Mbaʼépa heʼi la Biblia umi tatuáhere?” (Artíkulo oĩva jw-pe)

Ehecha hetave konsého ikatúva nepytyvõ edesidi porã hag̃ua.

“¿Jahechaukápa ñañemonde lájare ñambotuichaha Ñandejárape?” (Ñemañaha septiembre de 2016)

Peteĩ kuñakaraípe ijetuʼu vaʼekue orrespeta hag̃ua umi ótro oñemonde lája. Ehecha mbaʼépa oipytyvõ chupe okambia hag̃ua.

“Ndaaseptaséi vaʼekue mbaʼéichapa umi ótro oñemonde” (¡Despertad! 22 de diciembre de 2003)