15 “Oklunọ, wàlẹblanuna visunnu ṣie, na adíngbenọ de wẹ ewọ, bọ e sọ to awutujẹ. E nọ jai jẹ miyọ́n mẹ whẹwhẹ bosọ nọ jai jẹ osin mẹ whẹwhẹ.+ 16 N’ko hẹn ẹn yì devi towe lẹ dè, ṣigba yé ma penugo nado hẹnazọ̀ngbọna ẹn.”

17 Mẹdopo sọn gbẹtọgun lọ mẹ sọ gblọnna ẹn dọmọ: “Mẹplọntọ, yẹn plan visunnu ṣie wá dè we, na e tindo gbigbọ unbọpẹn tọn de wutu.+ 18 Fidepope he gbigbọ lọ jẹ e ji te, e nọ dlan ẹn do kọmẹ, bọ e nọ to fútúfútú tún sọn nùmẹ bosọ nọ to adúkúnkún dù bo nọ ba huhlọn pò. Yẹn sọ biọ to devi towe lẹ si nado yàn ẹn jẹgbonu, ṣigba yé ma penugo nado wàmọ.”