Lomunu lẹ

9 Nugbo wẹ yẹn to didọ to Klisti mẹ; yẹn ma to lalodo, na ayihadawhẹnamẹnu ṣie gbọn gbigbọ wiwe dali to kunnude na mi, 2 dọ yẹn tindo awubla daho po awufiẹsa po to ahun ṣie mẹ to whepoponu. 3 Na yẹn na ko jlo dọ yẹnlọsu ni yin kinklandovo sọn Klisti go taidi mẹhodẹ̀do do ota mẹmẹsunnu ṣie lẹ tọn mẹ, yèdọ hẹnnumẹ ṣie lẹ to agbasa-liho, 4 mẹhe yin Islaelivi lẹ. Yewlẹ tọn wẹ sọdodovi,+ gigo, alẹnu lẹ,+ Osẹ́n lọ ninamẹ,+ sinsẹ̀nzọn wiwe+ po opagbe lẹ po yin.+ 5 Yewlẹ tọn wẹ tọgbo lẹ yin+ podọ kúnkan yetọn mẹ wẹ Klisti wá sọn to agbasa-liho.+ Jiwheyẹwhe, mẹhe tindo aṣẹ do nulẹpo ji, ni yin pipà kakadoi. Niṣẹ.*

6 Etomọṣo, e ma yindọ ohó Jiwheyẹwhe tọn ko gboawupo wẹ gba. Na e ma yin mẹhe wá sọn kúnkan Islaeli tọn mẹ lẹpo wẹ yin “Islaeli” na taun tọn gba.+ 7 Mọdopolọ, e ma yindọ yé yin kúnkan* Ablaham tọn wẹ zọ́n bọ yemẹpo do yin ovi etọn lẹ gba;+ kakatimọ, “Mẹhe na yin yiylọdọ kúnkan* towe na wá gbọn Isaki gblamẹ.”+ 8 Enẹ wẹ yindọ, ovi lẹ to agbasa-liho ma nọ yin ovi Jiwheyẹwhe tọn lẹ na taun tọn gba,+ ṣigba ovi opagbe tọn lẹ+ wẹ nọ yin pinpọnhlan taidi kúnkan* lọ. 9 Na ohó opagbe tọn lọ dọmọ: “To ojlẹ ehe lọ mẹ, yẹn na wá bọ Sala na ji visunnu de.”+ 10 E ma yin to whenẹnu kẹdẹ, ṣigba to whenue Lebeka mọhò ahoho lẹ tọn sọn dawe lọ, yèdọ Isaki tọgbo mítọn dè ga;+ 11 na sọn whenue gbọ́n yé ma ko yin jiji kavi ma ko wà nudagbe kavi ylankan depope, na lẹndai Jiwheyẹwhe tọn gando dide yé go nido sọgan zindonukọn, e ma yin sinai do azọ́n lẹ ji, ṣigba do Mẹlọ he nọ ylọ omẹ ji, 12 wẹ e ko yin didọna yọnnu lọ dọmọ: “Mẹho lọ na yin afanumẹ na yọpọ lọ.”+ 13 Kẹdẹdile e ko yin kinkandai do dọmọ: “Yẹn yiwanna Jakọbu, bo gbẹwanna Esau.”+

14 To whelọnu lo, etẹwẹ mí na dọ? Be whẹdida mawadodo tin to Jiwheyẹwhe dè wẹ ya? Gbede pọ́n!+ 15 Na e dọna Mose dọmọ: “Yẹn na do lẹblanu hia mẹdepope he yẹn de nado do lẹblanu hia, podọ yẹn na do awuvẹmẹ hia mẹdepope he yẹn de nado do awuvẹmẹ hia.”+ 16 Enẹwutu, to whelọnu lo, nado de omẹ, e ma nọ sinai do ojlo mẹde tọn kavi vivẹnudido etọn ji gba,* ṣigba do Jiwheyẹwhe, he nọ do lẹblanu hia lọ ji.+ 17 Na adà Owe-wiwe tọn de dọ gando Falo go dọmọ: “Na ehe wutu wẹ yẹn ko hẹn we gbọṣi aimẹ: nado sọgan gbọn hiẹ dali do huhlọn ṣie hia podọ na oyín ṣie nido sọgan yin lilá to aigba lẹpo ji.”+ 18 Enẹwutu, to whelọnu lo, mẹdepope he e jlo wẹ e nọ do lẹblanu hia, ṣigba mẹdepope he e jlo wẹ e nọ dike e ni lẹzun tasinyẹntọ.+

19 Enẹwutu, hiẹ na dọna mi dọmọ: “Naegbọn ewọ gbẹ́ pò to nuṣiwa dín? Na mẹnu wẹ ko jẹagọdo ojlo etọn?” 20 Ṣigba, hiẹ dawe, mẹnu wẹ hiẹ yin nado nọ to gbèdána Jiwheyẹwhe?+ Be nuhe yin bibasi nọ dọna basitọ etọn dọ, “Naegbọn hiẹ do basi mi to aliho ehe mẹ?”+ 21 Be hiẹ ma yọnẹn dọ zẹ́ndotọ wẹ nọ tindo aṣẹ do okò ji+ nado basi núzinzan de na yizan yẹyi tọn podọ devo na yizan madoyẹyi tọn sọn okọ́ yinyan dopolọ mẹ ya? 22 To whelọnu lo, etẹwẹ eyin Jiwheyẹwhe tindo ojlo nado do homẹgble etọn hia podọ nado hẹn huhlọn etọn zun yinyọnẹn, bo gbọn homẹfa susu dali na dotẹnmẹ núzinzan homẹgble tọn lẹ he jẹna vasudo? 23 Podọ eyin ehe yin wiwà nado hẹn gigo susugege etọn zun yinyọnẹn do núzinzan lẹblanu tọn lẹ ji,+ he e ko wleawuna jẹnukọn, na gigo, 24 enẹ wẹ míwlẹ, mẹhe e ylọ, e ma yin sọn Ju lẹ kẹdẹ ṣẹnṣẹn gba, ṣigba sọn akọta lẹ ṣẹnṣẹn ga,+ etẹwẹ na yin mimọdọ do enẹ go lo? 25 Kẹdẹdile ewọ dọ to Hosea mẹ do ga dọmọ: “Mẹhe ma yin omẹ ṣie lẹ+ wẹ yẹn na ylọdọ ‘omẹ ṣie lẹ,’ podọ yọnnu he ma yin wanyina dọ ‘mẹyiwanna’;+ 26 podọ to fie e yin didọna yé te dọ, ‘Mì ma yin omẹ ṣie lẹ,’ finẹ wẹ yé na yin yiylọ te dọ ‘visunnu Jiwheyẹwhe ogbẹ̀nọ lọ tọn lẹ.’”+

27 Humọ, Isaia yí ogbè lélé do dọ gando Islaeli go dọmọ: “Dile etlẹ yindọ sọha ovi Islaeli tọn lẹ tọn sọgan sù taidi tọkẹ́n ohù tọn, pipotọ de wẹ na yin whinwhlẹngán.+ 28 Na Jehovah* na dawhẹ to aigba ji, bo dotana ẹn bosọ sán ẹn dogli.”*+ 29 Humọ, kẹdẹdile Isaia ko dọ dọdai etọn do dọmọ: “Eyin Jehovah* awhànpa lẹ tọn ma ko jo kúnkan* de dai na mí wẹ, mí na ko lẹzun Sodọmi nkọ, bo na ko sọ taidi Gomọla.”+

30 To whelọnu lo, etẹwẹ mí na dọ? Dile etlẹ yindọ omẹ akọta lẹ tọn, he ma nọ doafọna dodowiwa, mọ dodowiwa yí,+ yèdọ dodowiwa he yise nọ hẹnwa;+ 31 ṣigba dile Islaeli tlẹ nọ to afọdona osẹ́n dodowiwa tọn de, yé ma jẹ yanwle osẹ́n enẹ tọn kọ̀n. 32 Na whẹwhinwhẹ́n tẹ wutu? Na yé doafọna ẹn, e ma yin gbọn yise dali, ṣigba taidi dọ e sinai do azọ́n lẹ ji wẹ nkọ. Yé dahli to “zannu ahlidida tọn” lọ ji;+ 33 dile e yin kinkandai do dọmọ: “Mì pọ́n! Yẹn to zannu ahlidida tọn po osé he nọ hẹnmẹ klẹnafọ de po zedai to Ziọni,+ ṣigba mẹhe ze yise etọn sinai do e ji ma na yin hinhẹn jẹflumẹ.”+