Osọhia

21 Yẹn sọ mọ olọn yọyọ de po aigba yọyọ de po;+ na olọn hoho lọ po aigba hoho lọ po ko juwayi,+ ohù+ masọ tin ba. 2 Yẹn mọ tòdaho wiwe lọ, yèdọ Jelusalẹm Yọyọ, to tejẹ sọn olọn sọn Jiwheyẹwhe dè+ bo yin awuwlena taidi asiyọyọ he yè doaṣọ́na na asu etọn.+ 3 Enẹwutu, n’sè ogbè lélé de sọn ofìn lọ kọ̀n dọmọ: “Mì pọ́n! Gòhọ Jiwheyẹwhe tọn tin to gbẹtọvi lẹ dè, ewọ nasọ nọhẹ yé, yé nasọ yin omẹ etọn lẹ. Podọ Jiwheyẹwhe lọsu na tin po yé po.+ 4 Ewọ nasọ súnsún dasin lẹpo sẹ̀ sọn nukun yetọn mẹ,+ okú ma nasọ tin ba,+ mọjanwẹ aluẹmẹninọ kavi avi kavi awufiẹsa ma nasọ tin ba.+ Onú hoho lẹ ko juwayi.”

5 Podọ Mẹhe sinai to ofìn ji+ lọ dọmọ: “Pọ́n! Yẹn to nulẹpo hẹn zun yọyọ.”+ Humọ, e dọmọ: “Kanwe, na ohó ehelẹ tindo jidide bo yin nugbo wutu.” 6 Ewọ sọ dọna mi dọmọ: “Yé ko yin hinhẹndi! Yẹn wẹ Alfa podọ Omega,* yèdọ bẹjẹeji po opodo po.+ Mẹdepope he nugbla to hùhù wẹ yẹn na na sọn asisa osin* ogbẹ̀ tọn lọ mẹ vọnu.*+ 7 Mẹdepope he gbawhàn wẹ na dugu onú ehelẹ tọn, yẹn nasọ yin Jiwheyẹwhe etọn bọ ewọ na yin visunnu ṣie. 8 Ṣigba, na nuhe dù butọnọ lẹ, mẹhe ma tindo yise lẹ,+ mẹhe yin awuhiọnu to dihó yetọn mẹ lẹ, hlọnhutọ lẹ,+ mẹhe nọ tindo mahẹ to fẹnnuwiwa zanhẹmẹ tọn*+ mẹ lẹ, mẹhe nọ tindo mahẹ to afinyọnnuwiwa mẹ lẹ, boṣiọ-sẹ̀ntọ lẹ po lalonọ lẹpo po,+ otẹn yetọn na tin to agbàdo miyọ́n tọn he yí whèmi do to jiji lọ mẹ.+ Ehe nọtena okú awetọ.”+

9 Dopo to angẹli ṣinawe he tindo agbán ṣinawe he gọ́ na azọ̀nylankan ṣinawe+ he gbọngodo lọ lẹ mẹ wá bo dọna mi dọmọ: “Wá, yẹn na do asiyọyọ lọ, yèdọ asi Lẹngbọvu lọ tọn hia we.”+ 10 Enẹwutu, e ze mi gbọn huhlọn gbigbọ tọn dali yì osó daho he yiaga taun de ji, e sọ do tòdaho wiwe lọ hia mi, yèdọ Jelusalẹm he to tejẹ sọn olọn sọn Jiwheyẹwhe dè+ 11 bo tindo gigo Jiwheyẹwhe tọn.+ Sisẹ́ etọn taidi zannu he họakuẹ taun de, taidi zannu jaspali tọn he to sisẹ́ di klistali.+ 12 E tindo adó daho he yiaga taun de bo tindo họngbo 12, bọ angẹli 12 tin to họngbo lọ lẹ ji, oyín hẹnnu 12 ovi Islaeli tọn lẹ tọn sọ yin kinkan do họngbo lọ lẹ ji. 13 Họngbo atọ̀n to whèzẹtẹn, họngbo atọ̀n to agewaji, họngbo atọ̀n to hùwaji, podọ họngbo atọ̀n to whèyihọ.+ 14 Adó tòdaho lọ tọn sọ tindo zannu dodonu tọn 12 ga, podọ oyín 12 apọsteli 12+ Lẹngbọvu lọ tọn lẹ tọn yin kinkan do yé go

15 Todin, mẹhe to hodọ hẹ mi hẹn ofánpò sika tọn de di nujlẹnu, na e nido sọgan jlẹ tòdaho lọ po họngbo etọn lẹ po gọna adó etọn.+ 16 Tòdaho lọ sọ sọzẹn to adà ẹnẹ lẹ mẹ bọ tedidi etọn po gbigblo etọn po yin nudopolọ. E sọ yí ofánpò lọ do jlẹ tòdaho lọ, yèdọ nudi kilomẹtlu 2 220;* tedidi po gbigblo etọn po gọna jiyiyi etọn sọzẹn. 17 E sọ jlẹ adó etọn, yèdọ awagbà 144,* sọgbe hẹ nujlẹnu gbẹtọ tọn, podọ nujlẹnu angẹli tọn ga. 18 Todin, adó lọ yin dido po jaspali po,+ tòdaho lọ sọ yin sika akú taidi mẹpọ́nnu he mọnú gblegede de. 19 Dodonu adó tòdaho lọ tọn yin aṣọ́dona po zannu he họakuẹ wunmẹ lẹpo po: dodonu tintan yin jaspali, awetọ yin safili, atọ̀ntọ yin kalkedoni, ẹnẹtọ yin emẹlaldi, 20 atọ́ntọ yin sadoniki, ṣidopotọ yin saldiu, ṣinawetọ yin klisọlite, ṣinatọ̀ntọ yin belili, ṣinẹnẹtọ yin topazi, aotọ yin klizoplasu, widopotọ yin hayakintu podọ wiawetọ yin amẹtisti. 21 Humọ, họngbo 12 lọ lẹ yin peali 12; dopodopo họngbo lọ lẹ tọn yin bibasi po peali dopodopo po. Alihogbó tòdaho lọ tọn sọ yin sika akú bo taidi mẹpọ́nnu he nọ mọnú jẹ awà awetọ ji.

22 Yẹn masọ mọ tẹmpli de to e mẹ, na Jehovah* Jiwheyẹwhe Ganhunupotọ+ lọ po Lẹngbọvu lọ po wẹ tẹmpli etọn. 23 Tòdaho lọ masọ tindo nuhudo owhè tọn kavi osun tọn nado họ́n do e ji, na gigo Jiwheyẹwhe tọn wẹ to hinhọ́n na ẹn,+ podọ miyọ́ngbán etọn wẹ Lẹngbọvu lọ.+ 24 Akọta lẹ nasọ zinzọnlin to hinhọ́n etọn mẹ,+ podọ ahọlu aigba ji tọn lẹ na hẹn gigo yetọn wá e mẹ. 25 Họngbo etọn lẹ ma nasọ yin súsú gbede to okle, na ozán ma na nọ kú to finẹ paali.+ 26 Yé nasọ hẹn gigo po gbégbò akọta lẹ tọn po wá e mẹ.+ 27 Ṣigba, nudepope he yin hinhẹnflu podọ mẹdepope he nọ wà nuhe hiọawu po nuhe yin oklọ po ma na biọ e mẹ to aliho depope mẹ;+ oyín mẹhe tọn yin kinkan do owe-hihá ogbẹ̀ tọn Lẹngbọvu lọ tọn mẹ lẹ kẹdẹ wẹ na biọ e mẹ.+