Hosea

3 Enẹgodo, Jehovah dọna mi dọmọ: “Whladopo dogọ, yiwanna yọnnu he sunnu devo ko yiwanna bọ e to ayọde,+ kẹdẹdile Jehovah yiwanna omẹ Islaeli tọn lẹ do+ dile yé tlẹ lẹhlan yẹwhe devo lẹ+ bo yiwanna akla hìhì ovẹn sinsẹ́n tọn lẹ.”*

2 Enẹwutu, n’yí fataka-kuẹ 15 podọ ojlẹnu homẹli* tọn dopo po ojlẹnu balekun tọn daa po do họ̀ yọnnu lọ. 3 N’sọ dọna ẹn dọ: “Hiẹ na yin ṣie na ojlẹ dindẹn. Hiẹ ma dona lọga* mọ a ma dona tindo kọndopọ zanhẹmẹ tọn hẹ sunnu devo, yẹnlọsu nasọ yinuwa hẹ we to aliho dopolọ mẹ.”*

4 Na mọ wẹ omẹ Islaeli tọn lẹ ma na tindo ahọlu,+ ahọvi, avọ́sinsan, dòtin, efọdi*+ po boṣiọ tẹlafimi tọn* lẹ+ po na ojlẹ dindẹn* do. 5 Enẹgodo, omẹ Islaeli tọn lẹ na lẹkọwa bo na dín Jehovah Jiwheyẹwhe yetọn+ po Davidi ahọlu yetọn po,+ yé nasọ wá Jehovah dè po sisọsisọ po nado dín dagbewà etọn to azán godo tọn lẹ mẹ.+