Jideji Ayidego Tọn Hẹn Họgbigbá Niyaniya Tọn Zun Dandan — WESẸDOTẸN INTẸNẸT JI TỌN Watchtower Tọn

‘Mí Wá Dè E, . . . Yẹn Nasọ Fakọna Mí’

Jideji Ayidego Tọn Hẹn Họgbigbá Niyaniya Tọn Zun Dandan

‘MÌ WÁ dè e, . . . yẹn nasọ fakọna mì,’ wẹ Jesu Klisti dọ. (Matiu 11:28) Oylọ basinamẹ homẹmiọnnamẹ tọn nankọ die sọn mẹhe yin Ota agun Klistiani tọn dè! (Efesunu lẹ 5:23) Eyin mí lẹnnupọndo hogbe enẹlẹ ji, mí ma sọgan nọ ma yọ́n pinpẹn asisa tangan kọfanamẹ enẹ tọn—yèdọ gbẹdido hẹ mẹmẹsunnu po mẹmẹyọnnu gbigbọmẹ tọn mítọn lẹ po to opli Klistiani tọn lẹ ji. Na jide tọn mí kọngbedopọ hẹ psalm-kàntọ lọ he jihàn dọmọ: “Na e yin dagbe bosọ yọ́n do na mẹmẹsunnu lẹ nado nọ nọpọ́ to dopo mẹ!”—Psalm 133:1.

Na nugbo tọn, mẹhe mí nọ pli hẹ to opli mọnkọtọn lẹ ji na sinsẹ̀n-bibasi lẹ yin hagbẹ dagbe hugan lẹ, podọ lẹdo gbigbọnọ lọ nọ tindo hihọ́ bo nọ hẹn ayajẹ wá. Abajọ, jọja Klistiani de dọ po whẹwhinwhẹ́n dagbe po dọmọ: “Yẹn nọ yì wehọmẹ na azán lọ blebu, bọ e sọ nọ hẹn nuṣikọna mi. Ṣigba opli lẹ taidi nọtẹn awumiọnnamẹ tọn de to danfafa ji, fie yẹn nọ yin kọfana nado sọgan pehẹ nuhahun wehọmẹ tọn lẹ na azán devo te.” Jọja Nigerianu de dọmọ: “Yẹn ko mọdọ gbẹdido pẹkipẹki hẹ mẹhe yiwanna Jehovah lẹ nọ gọalọna mi nado dọnsẹpọ ewọ.”

Plitẹnhọ Ahọluduta tọn heyin Kunnudetọ Jehovah tọn lẹ tọn nọ yinuwa po gbesisọ po taidi nọtẹn sinsẹ̀n-bibasi wiwe ṣeke tọn to lẹdo lọ mẹ. To fisusu, opli lẹ nọ yin bibasi to Plitẹnhọ Ahọluduta tọn mẹ e whè gbau whlaawe to osẹ dopo mẹ, bọ mẹhe to Biblu plọn lẹ nọ yin tulina nado jẹ yìyì ji dile e sọgan yawu yọnbasi do nado mọaleyi sọn gbẹdido kọfanamẹ tọn mẹ to finẹ.—Heblu lẹ 10:24, 25.

Nuhudo Niyaniya Tọn De

Nalete, e jẹna ayidego dọ e mayin Kunnudetọ Jehovah tọn lẹpo wẹ tindo Plitẹnhọ Ahọluduta tọn dagbe de na yizan gba. Jideji ayidego tọn to sọha wẹnlatọ Ahọluduta tọn lẹ mẹ lẹdo aihọn pé ko fọ́n nuhudo niyaniya tọn de dote. Nuhudo gbẹ́ tin na Plitẹnhọ Ahọluduta tọn fọtọ́n susu, titengbe to otò he mayin adọkunnọ lẹ mẹ.—Isaia 54:2; 60:22.

Di dohia: Plitẹnhọ Ahọluduta tọn ao poun wẹ agun 290 nọ yizan to tatọ́-tònọ République démocratique du Congo tọn mẹ. Otò enẹ tindo nuhudo niyaniya tọn na Plitẹnhọ Ahọluduta tọn susu. Suhugan agun he tin to Angola lẹ tọn nọ pli to gbangba na Plitẹnhọ Ahọluduta tọn vude poun wẹ tin wutu. Nuhudo mọnkọtọn tin to otò susu devo lẹ mẹ.

Enẹwutu, sọn 1999 gbọ́n, tito pọmẹ tọn de ko yin bibasi nado gọalọ to Plitẹnhọ Ahọluduta tọn gbigbá mẹ to otò he mayin adọkunnọ sọmọ lẹ mẹ. Kunnudetọ numimọnọ azọ́nyọnẹntọ lẹ ko ze yedelẹ jo nado penukundo azọ́n họgbigbá tọn lẹ go to otò mọnkọtọn lẹ mẹ. Eyin vivẹnudido mọnkọtọn lẹ yin kinkọndopọ hẹ gbigbọ ojlo tintindo mẹdezejotọ lẹdo lọ mẹ tọn lẹ tọn, kọdetọn lọ lẹ nọ namẹ tuli taun. To alọ devo mẹ, Kunnudetọ lẹdo lọ mẹ tọn lẹ to alemọyi sọn azọ́nplọnmẹ he yé mọyi mẹ. Ehe lẹpo to alọgọ nado jẹ nuhudo Plitẹnhọ Ahọluduta tọn gbigbá tọn lẹ kọ̀n to otò yetọn lẹ mẹ.

Gbọnmọ dali, alọgọ yọn-na-yizan to yinyin nina to aliho bọawu de mẹ nado yí aliho azọ́nwiwa tọn po azọ́nwanu lẹdo tọn lẹ po zan na Plitẹnhọ Ahọluduta tọn lẹ gbigbá. Yanwle lọ mayin nado jẹ nuhudo pligidi Plitẹnhọ Ahọluduta tọn lẹ kọ̀n kẹdẹ wẹ gba ṣigba nado sọ wleawuna tito nukunpedonugo tọn de he sọgbe hẹ ninọmẹ lẹdo lọ tọn lẹ ga.—2 Kọlintinu lẹ 8:14, 15.

Nujijọ Kọfanamẹ Tọn Lẹ

Nugandomẹgo tẹwẹ vivẹnudido ehelẹ nado wleawuna nọtẹn sinsẹ̀n-bibasi tọn lẹ ko tindo? To bẹjẹeji 2001 tọn, linlin de sọn Malawi dọmọ: “Nuhe ko yin wiwadotana to otò ehe mẹ sẹhundaga taun. To osun awe he ja lẹ mẹ, mí nasọ dotana Plitẹnhọ Ahọluduta tọn devo lẹ.” (Yẹdide 1 po 2 po) Mẹdezejotọ lẹ penugo nado gbá Plitẹnhọ Ahọluduta tọn jlẹkaji tọn delẹ to osun agọe tọn lẹ mẹ to Togo. (Yẹdide 3) Azọ́n dagbe he mẹdezejotọ lẹ to wiwà sọ to alọgọ nado wleawuna Plitẹnhọ Ahọluduta tọn dagbe lẹ to Mexique, Brésil, po otò devo lẹ po mẹ.

Agun lẹ doayi e go dọ eyin Plitẹnhọ Ahọluduta tọn de yin gbigbá, mẹhe tin to lẹdo lọ mẹ lẹ nọ yọnẹn dọ Kunnudetọ Jehovah tọn lẹ na nọ̀ finẹ kakadoi wẹ. E taidi dọ mẹsusu ko nọ whleawu nado dogbẹ́ hẹ Kunnudetọ lẹ kakajẹ whenue nọtẹn sinsẹ̀n-bibasi tọn dagbe de yin gbigbá. Agun Nafisi tọn to Malawi na linlin dọmọ: “Todin he mí tindo Plitẹnhọ Ahọluduta tọn dagbe de, kunnudide dagbe de to yinyin nina. Enẹwutu, e nọ bọawu nado bẹ plọnmẹ Biblu lẹ jẹeji.”

To Bénin, wẹnlatọ Agun Krake tọn lẹ doakọnna mẹṣanko susu to ojlẹ he wayi mẹ na Plitẹnhọ Ahọluduta tọn hoho lọ ma tlẹ sọgan yin yiyijlẹdo ṣọṣi delẹ go wutu. (Yẹdide 4) Todin agun lọ tindo Plitẹnhọ Ahọluduta tọn yọyọ dagbe de he ze afọ sinsẹ̀n-bibasi nugbo tọn dai to aliho jlẹkaji tọn ṣigba he tindo yẹyi de mẹ. (Yẹdide 5) Agun ehe tindo wẹnlatọ 34 po madozẹnzẹn nudi gbẹtọ 73 tọn po na opli dimanche tọn lẹ, ṣigba gbẹtọ 651 wẹ wá klandowiwe Plitẹnhọ lọ tọn. Suhugan yetọn yin tovi he yin nuyiwadeji to aliho dagbe mẹ lẹ na yé mọdọ Kunnudetọ lẹ penugo nado gbá plitẹnhọ de to ojlẹ gli de mẹ wutu. To nulinlẹnpọn do nujijọ he wayi lẹ ji gando ehe go, alahọ Zimbabwe tọn wlan dọmọ: “To osun dopo gblamẹ he Plitẹnhọ Ahọluduta tọn yọyọ de yin gbigbá, sọha pliwatọ lẹ tọn nọ saba jideji whlaawe.”—Yẹdide 6 po 7 po.

Matin ayihaawe, Plitẹnhọ Ahọluduta tọn yọyọ susu lẹ gọalọ nado wleawuna nọtẹn kọfanamẹ gbigbọmẹ tọn de na Klistiani he ko klan yede do wiwe lẹ gọna jlodotọ lẹ. “Homẹ mítọn hùn taun,” wẹ Kunnudetọ de dọ to Ukraine to whenuena agun lẹdo lọ mẹ tọn jẹ Plitẹnhọ Ahọluduta tọn yọyọ etọn yizan ji godo. “Mí yí nukun mítọn lẹ do mọ lehe Jehovah nọ gọalọna omẹ etọn lẹ do.”

[Apotin/Yẹdide to weda 10]

Mí Yọ́n Pinpẹn Godonọnamẹ Alọtutlu Tọn

Kunnudetọ Jehovah tọn lẹ ehovah tọn lẹ jaya nado mọ jideji niyaniya tọn he ko yin bibasi nado hẹn pọngbọ wá na nuhudo niyaniya Plitẹnhọ Ahọluduta tọn lẹ tọn lẹdo aihọn pé. Jideji he tin to sọha sinsẹ̀n-basitọ Jehovah vah tọn lẹ tọn mẹ to otò voovo lẹ mẹ biọ dọ Plitẹnhọ Ahọluduta tọn yọyọ susu ni yin gbigbá to sọgodo. Di apajlẹ, to owhe sinsẹ̀nzọn 2001 tọn whenu, madozẹnzẹn agun yọyọ 32 tọn wẹ nọ yin didoai to osẹ dopodopo mẹ! Agun enẹlẹ tindo nuhudo fie yé na nọ pli bo basi sinsẹ̀n te lẹ tọn.

Kanbiọ lọ sọgan fọ́n dọ, ‘Nawẹ mí nọ mọ akuẹ bo nọ zan na azọ́n lẹ taidi Plitẹnhọ Ahọluduta tọn lẹ gbigbá, titengbe to otò he mẹ mẹmẹsunnu lẹ mayin adọkunnọ sọmọ te lẹ mẹ?’ Gblọndo lọ bẹ godonọnamẹ Jiwheyẹwhe eyẹwhe tọn po alọtutlu gbẹtọ lẹ tọn po hẹn.

To hẹndi mẹ hlan opagbe etọn, Jehovah vah nọ kọ̀n gbigbọ wiwe etọn do devizọnwatọ etọn lẹ ji, bo nọ hẹn yé penugo ‘nado nọ wà dagbe, nado sù to azọ́n dagbe lẹ mẹ, nado yin alọtlutọ, bo wleawu nado mánamẹ.’ (1 Timoti 6:18) Gbigbọ Jiwheyẹwhe eyẹwhe tọn nọ whàn Kunnudetọ Jehovah tọn lẹ ehovah tọn lẹ nado nọgodona azọ́n yẹwhehodidọ Ahọluduta tọn to aliho lẹpo mẹ. Yé nọ klan ojlẹ, huhlọn, azọ́nyinyọnẹn mẹdetiti tọn, po nutindo devo lẹ po dovo na nuwiwa Klistiani tọn lẹ.

Gbigbọ alọtutlu tọn nọ whàn Kunnudetọ lẹ gọna mẹdevo lẹ nado nọgodona azọ́n hẹngblo deji po họgbigbá tọn po to akuẹzinzan-liho. Gbọnvona alọgigọ nado suahọ na akuẹzinzan gbesisọmẹ agun yetọn tọn, yé nọ na nunina lẹ na azọ́n họgbigbá tọn to adà aihọn tọn devo lẹ mẹ.

To agun dopodopo mẹ, apotin lẹ tin heyin hiadogona hezeheze dọ “Nunina lẹ na Azọ́n Lẹdo Aihọn Pé Tọn—Matiu 24:14.” Omẹ dopodopo sọgan ze nunina sọn ojlo mẹ wá lẹ do yé mẹ eyin yé jlo. (2 Ahọlu lẹ 12:9) Nunina lẹpo, vude kavi susu, yin pinpẹn etọn yọnẹn. (Malku 12:42-44) Akuẹ ehelẹ nọ yin yiyizan to aliho voovo mẹ sọgbe hẹ nuhudo lọ, he bẹ Plitẹnhọ Ahọluduta tọn lẹ gbigbá hẹn. Akuẹ mọnkọtọn ma nọ yin yiyizan nado suahọ ogán he nọ yí sùnfifo-kuẹ lẹ gba, na omẹ mọnkọtọn de matin to Kunnudetọ Jehovah tọn lẹ ehovah tọn lẹ mẹ wutu.

Be nunina he nọ yin bibasi na azọ́n lẹdo aihọn pé tọn lọ to lẹndai etọn wadotana ya? Mọwẹ. Alahọ he tin to Libéria—yèdọ to otò he tòwhan ko gbakija de—na linlin dọ suhugan Kunnudetọ otò lọ mẹ tọn lẹ wẹ ma tindo agbasazọ́n bo tindo nuhahun sinsinyẹn akuẹzinzan tọn lẹ. Nawẹ omẹ Jehovah vah tọn lẹ sọgan tindo nọtẹn sinsẹ̀n-bibasi tọn dagbe lẹ gbọn? “Nunina alọtutlu tọn mẹmẹsunnu lẹ tọn to aigba devo lẹ ji na yin yiyizan na azọ́n lọ,” wẹ wekantẹn alahọ lọ tọn dọ. “Tito nuyọnẹn tọn he gọna owanyi nankọtọn die!”

Mẹmẹsunnu lẹdo lọ mẹ tọn lẹ lọsu nọ na nunina mahopọnna hẹ́njijẹ yetọn. Sierra Leone na linlin dọ: “Mẹmẹsunnu lẹdo lọ mẹ tọn lẹ nọgodona vivẹnudido lọ bosọ jaya nado ze yede gọna nunina akuẹ tọn depope he go yé pé jo nado nọgodona Plitẹnhọ Ahọluduta tọn lẹ gbigbá.”

To godo mẹ, vivẹnudido họgbigbá tọn ehe nọ hẹn pipà wá na Jehovah vah. Mẹmẹsunnu Libéria tọn lẹ dọ po zohunhun po dọmọ: “Nọtẹn sinsẹ̀n-bibasi tọn dagbe lẹ gbigbá to otò lọ blebu mẹ na dohia gbẹtọ lẹ dọ sinsẹ̀n-bibasi nugbo na gbọṣi aimẹ tofi kakadoi bo na pagigona bosọ doyẹyigona oyín daho Jiwheyẹwhe eyẹwhe mítọn tọn.”