Be Kunnudetọ Jehovah Tọn lẹ Nọ Wà Azọ́n Mẹdehlan Tọn Wẹ Ya?

Mọwẹ. Mahopọnna fie yé nọ nọ̀, Kunnudetọ Jehovah tọn lẹpo wẹ nọ dovivẹnu nado tindo pọndohlan mẹdehlan lẹ tọn nkọ, enẹ wẹ nado nọ dọ nuyise yetọn lẹ na mẹhe yé dukosọ hẹ lẹ.—Matiu 28:19, 20.

Humọ, Kunnudetọ delẹ nọ yì dla fihe gbẹtọ he ma ko sè wẹndagbe lọ sọn Biblu mẹ lẹ sù te hugan lẹ pọ́n, kavi yé nọ sẹtẹn nado yì gbọṣi finẹ. Kunnudetọ devo lẹ nọ sẹtẹn yì tògodo nado sọgan lá wẹndagbe lọ na mẹsusu dogọ. E nọ vivi na yé nado gọalọ na dọdai he Jesu dọ lọ nido mọ hẹndi: “Mìwlẹ na yin kunnudetọ ṣie . . . kaka yì awà he dẹn hugan aigba tọn lẹ ji.”—Owalọ lẹ 1:8.

To 1943, Kunnudetọ lẹ do wehọmẹ de ai nado na azọ́nplọnmẹ titengbe de mẹdehlan yetọn delẹ. Sọn whenẹnu, Kunnudetọ he hugan 8 000 lẹ wẹ ko mọ gbedewema yí sọn wehọmẹ enẹ he nọ yiylọdọ Wehọmẹ Biblu Pinplọn Watchtower Giliadi tọn.