Do Ojlo Hia to Mẹdevo lẹ Mẹ

Nuhe Jesu Wà

VIDEO: Jesu po Nawe He Wá Dotọ̀ Kọ̀n lọ Po

1. Pọ́n VIDEO lọ, kavi hia Johanu 4:6-9. Enẹgodo, lẹnnupọndo kanbiọ he bọdego lẹ ji:

1. Etẹ go wẹ Jesu doayi gando nawe lọ go whẹpo do bẹ hodọdopọ de jẹeji?

2. Jesu dọmọ: “Na mi osin vude nado nù.” Naegbọn enẹ do yin aliho dagbe de nado bẹ hodọdopọ lọ jẹeji?

Etẹwẹ Nuyiwa Jesu Tọn Ehe Plọn Mí?

2. E yọnbasi dọ mí ni bẹ hodọdopọ dagbe de jẹeji hẹ mẹde eyin mí dọhodo nuhe mẹ mẹlọ tindo ojlo te de ji.

Hodo Apajlẹ Jesu Tọn

3. Nọ diọalọ. Ma tẹkudeji dọ hosọ he a tindo to ayiha mẹ de ji janwẹ a na dọhodo blo. Bẹjẹeji po nuhe mẹdevo lẹ to linlẹn to azán lọ gbè po. Kanse dewe dọ:

1. ‘Etẹwẹ linlin lẹ to didọ?’

2. ‘Etẹlẹ ji wẹ kọmẹnu, azọ́nwatọgbẹ́ kavi klasigbẹ́ ṣie lẹ to hodọdo?’

4. Nọ doayinugo. Kanse dewe dọ:

1. ‘Etẹ wà mẹlọ te to alọnu? Etẹ ji wẹ e gán to nulẹnpọndo?’

2. ‘Etẹwẹ nusisọ́, awusọhia kavi owhé etọn dohia gando nuyise etọn lẹ kavi aṣa he mẹ e wá sọn go?’

3. ‘Be ojlẹ dagbe lọ die nado dọhona ẹn ya?’

5. Nọ dotoai.

1. Ma nọ dọho susu blo.

2. Na tuli mẹlọ nado dọho. Nọ kàn kanbiọ lẹ sè whenue e sọgbe nado wàmọ.