Nọ De Huhlọn Ohó Jiwheyẹwhe Tọn Hia to Lizọnyizọn Towe Mẹ

To whenue mẹde na mí dotẹnmẹ nado lá wẹndagbe lọ na ẹn, mí nọ de huhlọn Ohó Jiwheyẹwhe tọn hia gbọn wefọ lẹ hihia sọn Biblu mẹ tlọlọ dali. Enẹ yin nùzindeji to plidopọ vonọtaun owhe he wayi tọn ji. Nugopọntọ lẹdo tọn na hodidọ de he hosọ etọn yin “Nọ Yí Huhlọn Ohó Jiwheyẹwhe Tọn Zan to Lizọnyizọn Towe Mẹ.” Be hiẹ flin nuagokun he ji e dọhodo lẹ ya?

• Naegbọn ohó Jehovah tọn do tindo huhlọn hú mítọn?—2 Tim. 3:16, 17.

• Nawẹ Biblu nọ yinuwado numọtolanmẹ mẹtọn ji, nọ vọ́ linlẹn po mẹwhinwhàn mẹtọn po jlado, bosọ nọ diọ walọ mẹtọn gbọn?—Pọ́n Atọ̀họ̀-Nuhihọ́ lọ Tọn, 15 juin 2012, w. 27, huk. 7.

• To whenue mí hia wefọ de na mẹde to lizọnyizọn lọ mẹ, nawẹ mí sọgan dọ̀n ayidonugo mẹlọ tọn wá Ohó Jiwheyẹwhe tọn ji gbọn na mẹlọ nido na sisi nuhe Biblu dọ?—Pọ́n owe lọ Mọaleyi, w. 148, huk. 3-4, gọna Lizọnyizọn Ahọluduta Tọn Mítọn mars 2013, w. 6, huk. 8.

• Naegbọn e do yin nujọnu dọ mí ni nọ basi zẹẹmẹ wefọ he mí hia lẹ tọn bosọ nọ yihojlẹdohogo gando yé go, podọ nawẹ mí sọgan wàmọ gbọn?—Owalọ 17:2, 3; pọ́n owe lọ Mọaleyi, w. 154, huk. 4 jẹ w. 156, huk. 4.