Be Hiẹ Flin Ya?

Be a duvivi zinjẹgbonu Atọ̀họ̀-Nuhihọ́ lọ Tọn agọe tọn lẹ hihia tọn ya? Pọ́n eyin a sọgan na gblọndo na kanbiọ he bọdego helẹ:

• Linlẹn tẹ mẹ wẹ Jiwheyẹwhe sọgan hẹn we yin adọkunnọ te?

To hohowhenu, Jehovah dona mẹdelẹ, taidi Ablaham po Sọlọmọni po, bo hẹn yé jẹ̀ adọkun to agbasa-liho. Ṣigba adọkun he Klistiani lẹ tindo nuhudo etọn hugan bọ Jiwheyẹwhe sọgan gọalọna yé nado tindo lẹ bẹ yise, jijọho, pekọ, po ayajẹ po hẹn.—1/9, weda 3-7.

• Etẹwẹ mí sọgan plọn sọn lehe Jesu whlẹn Pita gbọn to whenue e to sisiọ to ohù ji mẹ? (Mat. 14:28-31)

Eyin e họnwun na mí dọ yise mẹmẹsunnu de tọn to didepo, mí sọgan dlẹnalọ mítọn to yẹhiadonu-liho bo gọalọna ẹn nado hẹn yise etọn lodo dogọ.—15/9, weda 8.

• Etẹwẹ whlẹngán mítọn biọ to Jehovah si?

Jehovah doakọnnanu to whenue Ovi etọn yin yasana bo yin ṣinṣanko. Podọ dile Ablaham desọn ojlo mẹ bo ze visunnu etọn jo do, Jehovah doakọnnanu to whenue Ovi etọn yin hùhù taidi sẹ́nhẹngbatọ de.—15/9, weda 28-29.

• Etẹwẹ Howhinwhẹn lẹ 24:27 plọn mí gando hogbe lọ “gbá ohọ̀ towe” go?

Sunnu he jlo na wlealọ dona wleawu nado didá azọngban he e bẹhẹn. Enẹ biọ dọ e ni tin to gbesisọ mẹ nado wleawuna whẹndo lọ to agbasa-liho podọ nado yin tatọ́ whẹndo lọ tọn to gbigbọ-liho.—15/10, weda 12.

• Nawẹ Jehovah po Jesu po ze apajlẹ walọ dagbe tọn dai na mí gbọn?

Mahopọnna dọ Jehovah tin to otẹn he yiaga mẹ, e nọ yí homẹdagbe po sisi po do yinuwa hẹ gbẹtọvi lẹ. Jiwheyẹwhe sọ nọ dotoaina gbẹtọvi lẹ. (Gẹn. 18:23-32) Jesu lọsu wàmọ ga, e hẹn ede tin-to-aimẹ bo jlo nado gọalọna mẹhe lẹdo ẹ lẹ.—15/11, weda 25.