Be Hiẹ Flin Ya?

Be a duvivi zinjẹgbonu Atọ̀họ̀-Nuhihọ́ lọ Tọn agọe tọn lẹ tọn hihia ya? Eyọn, pọ́n eyin a sọgan na gblọndo na kanbiọ he bọdego helẹ:

• Weta nẹmu wẹ owe Mika tọn bẹhẹn, whetẹnu wẹ e yin kinkàn, podọ ninọmẹ tẹwẹ tin-to-aimẹ to whenẹnu?

Owe Mika tọn bẹ weta ṣinawe hẹn. Yẹwhegán Mika kàn owe lọ to owhe kanweko ṣinatọ̀ntọ J.W.M., to ojlẹ he mẹ mẹhe tin to alẹnu Jiwheyẹwhe tọn mẹ lẹ yin mimá do akọta awe mẹ—yèdọ akọta Islaeli tọn po Juda tọn po.—15/8, weda 9.

• Sọgbe hẹ Mika 6:8, etẹwẹ Jiwheyẹwhe biọ to mí si?

Mí dona nọ ‘zan whẹdida dodo.’ Aliho he mẹ Jiwheyẹwhe nọ wà onú lẹ te wẹ yin nujinọtedo whẹdida dodo tọn, enẹwutu mí dona nọ hodo nunọwhinnusẹ́n nugbodidọ po tenọgligo-hinhẹn etọn po tọn. E dọna mí ‘nado yiwanna homẹdagbe.’ Klistiani lẹ ko do dagbewanyi hia to alọgigọna mẹdevo lẹ mẹ, taidi to ojlẹ nugbajẹmẹji tọn lẹ mẹ. Nado ‘yí jlẹkaji do zinzọnlin’ hẹ Jehovah, mí dona yọ́n dogbó mítọn lẹ bo dejido ewọ go.—15/8, weda 20-2.

• Eyin agbasazọ́n gble do Klistiani de, etẹwẹ e sọgan wà?

E na yin nuyọnẹnnu nado vọ́ nulẹnpọndo aliho gbẹninọ mẹdetiti tọn ji. E sọgan yọnbasi nado hẹn gbẹzan bọawu gbọn tẹnsisẹ yì owhé he ma vẹahi de gbè kavi didapana nutindo agbasa tọn he ma yin dandan tọn lẹ dali. Na jide tọn, nujọnu wẹ e yin nado doalọtena nuhiha glanglan do nuhudo egbesọ tọn lẹ ji, bo deji dọ Jiwheyẹwhe sọgan hẹn ẹn yọnbasi na mí nado tindo dandannu lẹ. (Matiu 6:33, 34)—1/9, weda 14-15.

• Etẹwẹ mí dona flin to whenuena mí to nunina alọwle tọn mọyi kavi to ninamẹ?

Nunina akuẹgegenu tọn lẹ ma yin dandan, kavi dona yin nukundo gba. Ojlo ahun mẹ tọn nunamẹtọ lọ tọn wẹ họakuẹ hugan. (Luku 21:1-4) E ma jẹ nado lá yinkọ mẹhe na nunina de tọn. Enẹ wiwà sọgan yin winyandomẹnu de. (Matiu 6:3)—1/9, weda 29.

• Naegbọn mí dona nọ hodẹ̀ magbọjẹ?

Dẹ̀hiho to gbesisọmẹ sọgan gọalọ nado hẹn haṣinṣan mítọn hẹ Jiwheyẹwhe lodo bo hẹn mí pegan nado pehẹ whlepọn sinsinyẹn lẹ. Odẹ̀ mítọn lẹ sọgan whegli kavi dite, sọgbe hẹ nuhudo lọ po ninọmẹ lọ lẹ po. Odẹ̀ nọ hẹn yise lodo bo nọ gọalọna mí nado pehẹ nuhahun lẹ.—15/9, weda 15-18.

• Nukunnumọjẹnumẹ tẹwẹ mí dona tindo gando 1 Kọlintinu lẹ 15:29 go, ehe donù baptẹm na oṣiọ lẹ go to lẹdogbedevomẹ delẹ mẹ?

Nuhe dọ apọsteli Paulu te wẹ yindọ Klistiani yiamisisadode lẹ nọ yin bibaptizi, kavi yin yinylọndosinmẹ, hlan aliho gbẹzan tọn de he na planmẹ jẹ okú tenọgligo-hinhẹn tọn kọ̀n taidi Klisti tọn. Enẹgodo, yé na yin finfọnsọnku do ogbẹ̀ gbigbọmẹ tọn mẹ taidi Klisti.—1/10, weda 29.

• Nawẹ mí wagbọn do yọnẹn dọ lilẹzun Klistiani de bẹ onú susu hẹn hú didapana onú ylankan he yin nùdego to 1 Kọlintinu lẹ 6:9-11 mẹ lẹ?

Apọsteli Paulu ma nọte do finẹ poun to whenuena e donù onú ylankan enẹlẹ taidi galilọ, boṣiọ-sinsẹ̀n, po ahànnumu po go gba. Nado dohia dọ diọdo devo lẹ sọgan yin dandan, e zindonukọn to wefọ he bọdego mẹ dọmọ: “Onú lẹpo wẹ jẹ na mi, ṣigba onú popo ma yin ale tọn.”—15/10, weda 18-19.

• Mẹnu wẹ yin delẹ to yọnnu hohowhenu tọn he hẹn homẹ Jiwheyẹwhe tọn hùn lẹ mẹ?

Yé bẹ ajinọ Ṣifla po Pua po, he ma setonuna Falo nado hù visunnu he ṣẹṣẹ yin jiji gbọn Islaelivi lẹ dali lẹ hẹn. (Eksọdusi 1:15-20) Galọtọ Kenani tọn, Lahabi he basi hihọ́na amẹ́ awe Islaeli tọn lẹ. (Jọṣua 2:1-13; 6:22, 23) Abigaili he yí nuyọnẹn zan bo gọalọ nado whlẹn ogbẹ̀ lẹ gán podọ nado glọnalina Davidi sọn hùnhọdudu mẹ. (1 Samuẹli 25:2-35) Yé yin apajlẹ lẹ na yọnnu lẹ to egbehe.—1/11, weda 8-11.

• Aliho tẹmẹ wẹ ‘sunwhlẹvu lẹ hoavùn sọn olọn mẹ’ sọta Sisela te, dile e yin didọ to Whẹdatọ 5:20 mẹ do?

Mẹdelẹ lẹndọ ehe dlẹnalọdo godonọnamẹ Jiwheyẹwhe tọn. Mẹdevo lẹ dlẹnalọdo e di alọgọ angẹli lẹ tọn, aijijẹ whèmi (météorites) tọn taidi jikun, kavi jidide he Sisela tindo do dọdai sunwhlẹvu-plọntọ lẹ tọn mẹ. Na Biblu ma basi zẹẹmẹ gigọ́ lẹ do e ji wutu, mí sọgan mọnukunnujẹ hogbe ehe mẹ taidi alọgọ Jiwheyẹwhe tọn wunmẹ de do ota awhànpa Islaeli tọn mẹ.—15/11, weda 30.

• To whenuena vọdonanu po ojlo matindo to sinsẹ̀n mẹ po ko gbayipe lẹdo aihọn pé, naegbọn mẹsusu sọmọ gbẹ́ pò to alọsọakọ́n nado yise to Jiwheyẹwhe mẹ?

Mẹdelẹ nọ yì ṣọṣi nado dín jijọho ahun mẹ tọn. Mẹdevo lẹ tindo todido nado nọgbẹ̀ kakadoi to okú godo, kavi nado tindo agbasalilo, adọkun, po kọdetọn dagbe po. To awà delẹ ji, gbẹtọ lẹ nọ to dindin nado hẹn pekọwana nuhudo gbigbọmẹ tọn he wá aimẹ dile yanwle capitaliste tọn lẹ diọtẹnna linlẹn Communiste tọn. Yinyọ́n whẹwhinwhẹ́n enẹlẹ sọgan gọalọna Klistiani de nado bẹ hodọdopọ he tindo zẹẹmẹ lẹ jẹeji hẹ gbẹtọ lẹ.—1/12, weda 3.