Omẹ Nankọ Wẹ Jesu Yin?

Nupinplọn gando nuhe Jesu dọ bosọ wà whenue e to aigba ji lẹ go, gọalọna mí nado yọ́n jẹhẹnu etọn delẹ he zọ́n bọ mí vẹ́ hẹ ewọ po Otọ́ etọn Jehovah po dogọ. Etẹwẹ yin delẹ to jẹhẹnu kavi walọ etọn he nọ dọnmẹ lẹ mẹ? Podọ nawẹ mí sọgan hodo apajlẹ Jesu tọn to gbẹzan mítọn titi mẹ gbọn?

1. Aliho tẹlẹ mẹ wẹ Jesu taidi Otọ́ etọn te?

Whenue Jesu to olọn mẹ, e nọ doayi nuyiwa Otọ́ owanyinọ etọn tọn lẹ go, bosọ plọnnu sọn e dè na owhe liva susu lẹ. Taidi kọdetọn de, linlẹn etọn lẹ, numọtolanmẹ etọn lẹ po walọyizan etọn po nọ taidi Otọ́ etọn tọn. (Hia Johanu 5:19.) Na nugbo tọn, Jesu nọ do jẹhẹnu Otọ́ etọn tọn lẹ hia to aliho pipé mẹ, sọmọ bọ e dọ dọ: “Mẹdepope he mọ mi ko mọ Otọ́ ga.” (Johanu 14:9) Dile a to nuplọn gando jẹhẹnu Jesu tọn lẹ go, a na yọ́n Jehovah ganji dogọ. Di apajlẹ, awuvẹmẹ he Jesu nọ dohia gbẹtọ lẹ yin kunnudenu lọ dọ onú towe nọ duahunmẹna Jehovah ga.

2. Nawẹ Jesu dohia dọ emi yiwanna Jehovah gbọn?

Jesu dọmọ: “Na aihọn nido yọnẹn dọ yẹn yiwanna Otọ́, dile Otọ́ ko degbena mi do, mọkẹdẹ wẹ yẹn to wiwà do.” (Johanu 14:31) Whenue Jesu to aigba ji, e dohia dọ emi tindo owanyi sisosiso na Otọ́ emitọn gbọn tonusisena ẹn dali, etlẹ yin to whenue mọwiwà vẹawu. Jesu sọ yiwanna nado nọ dọhona mẹdevo lẹ gando Otọ́ etọn go bosọ gọalọna gbẹtọ lẹ nado jihọntọn hẹ Jiwheyẹwhe.—Johanu 14:23.

3. Nawẹ Jesu dohia dọ emi yiwanna gbẹtọ lẹ gbọn?

Biblu dọ dọ “gbẹtọvi lẹ go wẹ homẹ [Jesu tọn] nọ hùn do taun.” (Howhinwhẹn lẹ 8:31) E do owanyi ehe hia gbọn tulinina gbẹtọ lẹ po alọgigọna yé matin ṣejannabi po dali. Azọ́njiawu he e nọ wà lẹ ma yin nado dohia dọ emi tindo huhlọn kẹdẹ gba, amọ́ nado do awuvẹmẹ etọn hia ga. (Malku 1:40-42) E nọ yinuwa hẹ mẹlẹ to aliho he jọmẹ mẹ bo masọ nọ homẹnukuntapọn. Hodidọ etọn lẹ nọ miọnhomẹna gbẹtọ ahundoponọ he nọ dotoaina ẹn lẹpo bosọ nọ na yé todido. Jesu desọn ojlo mẹ nado jiya bosọ kú do gbẹtọvi lẹpo tamẹ, na e yiwanna yé wutu. Amọ́, e sọ tindo owanyi vonọtaun na mẹhe nọ setonuna nuplọnmẹ etọn lẹ.—Hia Johanu 15:13, 14.

DINDONANU DOGỌ

4. Jesu yiwanna Otọ́ etọn

Apajlẹ Jesu tọn plọn mí lehe mí gán do owanyi mítọn na Jiwheyẹwhe hia do. Hia Luku 6:12 gọna Johanu 15:10; 17:26. To wefọ dopodopo hihia godo, nọ dọhodo kanbiọ ehe ji:

• Nawẹ mí sọgan hodo apajlẹ Jesu tọn bo nọ dohia dọ mí yiwanna Jehovah gbọn?

6. Jesu yin alọtlútọ

Jesu nọ tlúalọ dile etlẹ yindọ e ma do alọnu sọmọ, podọ e nọ dotuhomẹna mẹdevo lẹ nado tlúalọ ga. Hia Owalọ lẹ 20:35, enẹgodo dọhodo kanbiọ ehe ji:

• Sọgbe hẹ nuhe Jesu dọ, nawẹ mí sọgan yin ayajẹnọ gbọn?

Hò VIDEO lọ, enẹgodo dọhodo kanbiọ he bọdego ji.

VIDEO: “Ayajẹ Sù to Nunamẹ Mẹ”—Adà Kleun De (4:00)

• Aliho tẹlẹ mẹ wẹ mí sọgan nanúmẹ te, eyin mí ma tlẹ do alọnu sọmọ?

Be a yọnẹn ya?

Biblu plọn mí dọ mí ni nọ hodẹ̀ hlan Jehovah to oyín Jesu tọn mẹ. (Hia Johanu 16:23, 24.) Eyin mí nọ hodẹ̀ to aliho ehe mẹ, e nọ dohia dọ mí yọ́n pinpẹn nuhe Jesu wà tọn, na mí nido sọgan lẹzun họntọn Jehovah tọn lẹ.

BLADOPỌ

Jesu yiwanna Jehovah, bosọ yiwanna gbẹtọ lẹ. Na Jesu nọ yinuwa taidi Otọ́ etọn wutu, lehe mí plọn nususu gando Jesu go sọ, mọ wẹ mí na wá yọ́n Jehovah dogọ do niyẹn.

Dogbapọn

• Nawẹ mí sọgan dohia dọ mí yiwanna Jehovah dile Jesu wà do gbọn?

• Nawẹ mí sọgan dohia dọ mí yiwanna gbẹtọ lẹ dile Jesu wà do gbọn?

• Detẹ to jẹhẹnu dagbedagbe Jesu tọn lẹ mẹ wẹ a yiwanna hugan?

PỌ́N NUDỌNAMẸ DEVO LẸ

Pọ́n jẹhẹnu Jesu tọn delẹ he sin apajlẹ mí sọgan hodo.

“Nado Hodo Apajlẹ Jesu Tọn, . . .” (Jesu—Aliho lọ, Nugbo lọ po Ogbẹ̀ Po, weda 317)

Pọ́n adà titengbe he Jesu nọ yiwà na nuhe dù odẹ̀ mítọn lẹ.

“Naegbọn Mí Dona Nọ Hodẹ̀ to Oyín Jesu Tọn Mẹ?” (Alọnuwe Atọ̀họ̀-Nuhihọ́ lọ Tọn, 1^er février 2008 tọn)

Be Biblu dọ nudepope gando awusọhia wunmẹ he Jesu tindo go ya?

“Awusọhia Nankọ Wẹ Jesu Tindo?” (Hosọ Intẹnẹt ji tọn)

Etẹwẹ mí sọgan plọn sọn aliho he mẹ Jesu yinuwa hẹ yọnnu lẹ te mẹ?

“Jiwheyẹwhe Nọ Do Sisi po Yẹyi po Hia Yọnnu Lẹ” (Atọ̀họ̀-Nuhihọ́ lọ Tọn, octobre-décembre 2012 tọn)