Johanu

17 To whenue Jesu dọ onú ehelẹ godo, e ze nukun etọn lẹ daga hlan olọn bo dọmọ: “Otọ́ E, ojlẹ lọ ko wá. Pagigona visunnu towe, na visunnu towe nido sọgan pagigona we,+ 2 bọ kẹdẹdile hiẹ ko na ẹn aṣẹ do agbasalan* lẹpo ji do,+ ewọ nido sọgan na ogbẹ̀ madopodo+ mẹhe hiẹ ko na ẹn lẹpo.+ 3 Ehe wẹ ogbẹ̀ madopodo,+ dọ yé ni wá yọ́n* hiẹ Jiwheyẹwhe nugbo dopo kẹdẹ lọ,+ podọ mẹhe hiẹ dohlan, yèdọ Jesu Klisti.+ 4 N’ko pagigona we to aigba ji,+ na n’ko dotana azọ́n he hiẹ na mi nado wà.+ 5 Enẹwutu todin, Otọ́ E, yí gigo he n’ko tindo to apá towe whẹpo aihọn do wá tintin mẹ lọ do pagigona mi to apá towe.+

6 “N’ko do oyín towe hia* mẹhe hiẹ na mi sọn aihọn mẹ lẹ.+ Towe wẹ yé, bọ hiẹ yí yé na mi, yé ko sọ payi* ohó towe go. 7 Todin, yé ko wá yọnẹn dọ nuhe hiẹ na mi lẹpo, dè we wẹ yé wá sọn; 8 na yẹn ko na yé ohó he hiẹ na mi lẹ+ bọ yé ko kẹalọyi yé bo ko wá yọnẹn na taun tọn dọ yẹn wá taidi afọzedaitọ towe,+ podọ yé ko yise dọ hiẹ wẹ do mi hlan.+ 9 Yẹn basi obiọ gando yé go; yẹn basi obiọ, e ma yin gando aihọn lọ go gba, ṣigba gando mẹhe hiẹ na mi lẹ go, na towe wẹ yé yin wutu; 10 podọ nuhe n’tindo lẹpo, towe wẹ, bọ towe lẹ sọ yin ṣie,+ n’ko sọ yin gigopana to ṣẹnṣẹn yetọn.

11 “Yẹn masọ to aihọn lọ mẹ ba, ṣigba yewlẹ tin to aihọn lọ mẹ+ bọ yẹn ja dè we. Otọ́ Wiwe, họ́ yé+ na oyín towe* he hiẹ ko na mi lọ wutu, na yé nido sọgan yin dopo* kẹdẹdile míwlẹ te do.+ 12 To whenue n’tin po yé po, n’nọ họ́ yé,+ na oyín towe he hiẹ ko na mi lọ wutu; n’ko sọ basi hihọ́na yé bọ dopo tata to yé mẹ ma yin vivasudo+ adavo visunnu vasudo tọn lọ,+ na adà Owe-wiwe tọn lọ nido sọgan yin hinhẹndi.+ 13 Ṣigba todin, n’ja dè we, yẹn sọ to onú ehelẹ dọ to whenue n’gbẹ́ pò to aihọn lọ mẹ, na yé nido sọgan tindo ayajẹ ṣie to gigọ́ mẹ.+ 14 N’ko na ohó towe yé, ṣigba aihọn lọ ko gbẹwanna yé, na yé ma yin apadewhe aihọn lọ tọn wutu,+ kẹdẹdile yẹn ma yin apadewhe aihọn tọn do.

15 “Yẹn ma biọ dọ hiẹ ni de yé sẹ̀ sọn aihọn lọ mẹ gba, ṣigba dọ hiẹ ni họ́ yé, na mẹylankan lọ tọn wutu.+ 16 Yé ma yin apadewhe aihọn tọn,+ kẹdẹdile yẹn ma yin apadewhe aihọn tọn do.+ 17 Hẹn yé zun wiwe* gbọn nugbo lọ gblamẹ;+ ohó towe wẹ nugbo.+ 18 Kẹdẹdile hiẹ do mi hlan aihọn mẹ do, yẹnlọsu do yé hlan aihọn lọ mẹ.+ 19 Yẹn sọ to dee hẹn zun wiwe na yetọn wutu, na yelọsu nido sọgan yin hinhẹn zun wiwe gbọn nugbo gblamẹ.

20 “N’basi obiọ, e ma yin gando ehelẹ kẹdẹ go, ṣigba gando mẹhe to yise tindo to yẹn mẹ gbọn ohó yetọn gblamẹ lẹ go ga, 21 na yemẹpo nido sọgan yin dopo,+ kẹdẹdile hiẹ, Otọ́, tin to kọndopọ mẹ hẹ mi bọ yẹn tin to kọndopọ mẹ hẹ we do,+ na yelọsu nido sọgan tin to kọndopọ mẹ hẹ mí, na aihọn lọ nido sọgan yise dọ hiẹ wẹ do mi hlan. 22 N’ko na yé gigo he hiẹ na mi, na yé nido sọgan yin dopo kẹdẹdile míwlẹ yin dopo do.+ 23 N’tin to kọndopọ mẹ hẹ yé podọ hiẹ tin to kọndopọ mẹ hẹ mi, na yé nido sọgan yin hinhẹn zun pipé to dopo* mẹ, na aihọn nido yọnẹn dọ hiẹ wẹ do mi hlan bọ hiẹ sọ yiwanna yé kẹdẹdile hiẹ yiwanna mi do. 24 Otọ́ E, n’jlo dọ fihe n’te wẹ mẹhe hiẹ na mi lẹ lọsu ni tin te hẹ mi,+ na yé nido sọgan nọ pọ́n gigo ṣie he hiẹ ko na mi, na hiẹ ko yiwanna mi jẹnukọnna didá aihọn tọn wutu.+ 25 Otọ́ dodonọ E, na nugbo tọn, aihọn lọ ma ko yọ́n we,+ ṣigba yẹn yọ́n we,+ podọ ehelẹ ko yọnẹn dọ hiẹ wẹ do mi hlan. 26 N’ko hẹn oyín towe zun yinyọnẹn na yé bo nasọ hẹn ẹn zun yinyọnẹn,+ na owanyi he hiẹ tindo na mi nido sọgan tin to yé mẹ bọ yẹn na tin to kọndopọ mẹ hẹ yé.”+