Ṣigba, “glesi” lọ lẹ sayana “afanumẹ” he yin didohlan yé lẹ bo hù yé. Jesu basi zẹẹmẹ dọmọ: “[Klunọ vẹngle lọ tọn] tindo omẹ dopo dogọ, yèdọ visunnu yiwanna etọn. To godo mẹ, e do ewọ hlan yé, bo dọ dọ, ‘Yé na na sisi visunnu ṣie.’ Ṣigba, glesi lọ lẹ dọ to yedelẹ ṣẹnṣẹn dọ, ‘Gudutọ lọ die. Mì wá, bo gbọ mí ni hù i bọ ogú lọ na lẹzun mítọn.’ Enẹwutu, yé wle e bo hù i.”—Malku 12:6-8.

Wekantọ lẹ po yẹwhenọgán lẹ po doayi e go dọ “emilẹ hodọ wẹ [Jesu] te to apajlẹ ehe mẹ.” (Luku 20:19) Todin, yé magbe sinsinyẹn nado hù i, yèdọ ewọ mẹhe yin “gudutọ” jlọjẹnọ lọ. Ṣigba, yé dibusi gbẹtọgun lọ lẹ, he nọ pọ́n Jesu hlan taidi yẹwhegán de, enẹwutu yé ma tẹnpọn nado hù i to ojlẹ enẹ mẹ.