69 Samtang nagapungko si Pedro sa luwang sa gua, ginpalapitan sia sang alagad nga babayi, nga nagasiling: “Kaupod ka man ni Jesus nga taga-Galilea!”+ 70 Apang ginpanghiwala niya ini sa atubangan nila tanan, nga nagasiling: “Wala ako makahibalo sang imo ginasiling.”

66 Sang didto si Pedro sa idalom sa luwang, nagpalapit ang isa sa mga alagad nga babayi sang mataas nga saserdote.+ 67 Sang nakita niya si Pedro nga nagapainit-init, ginhimutaran niya sia kag nagsiling: “Kaupod ka man ni Jesus nga Nazaretnon.” 68 Apang ginpanghiwala niya ini, nga nagasiling: “Wala ako makakilala sa iya kag wala ako makahangop sang imo ginasiling,” kag naggua sia pakadto sa gawang.

55 Sang nagdabok sing kalayo ang mga tawo sa tunga sang luwang kag nagpinungko, si Pedro nag-upod man sa ila.+ 56 Apang nakita sang isa ka alagad nga babayi si Pedro nga nagapungko malapit sa dabok. Ginhimutaran niya sia kag nagsiling: “Ini nga tawo kaupod man niya.” 57 Apang nagpanghiwala sia, nga nagasiling: “Babayi, wala ako makakilala sa iya.”

25 Sina man nga tion, si Simon Pedro nagatindog sa tupad sang kalayo kag nagapainit-init. Ginpamangkot nila sia: “Indi bala isa ka man sa iya mga disipulo?” Nagpanghiwala sia kag nagsiling: “Indi.”+