“Ang Bug-os nga Uniberso sa Sulod sang Bagol”

“Ang utok sang tawo isa ka bug-os nga uniberso sa sulod sang bagol. Amo lamang ini ang organo sang tawo nga halos wala sing latid ang mga posibilidad,” siling sang sientipiko kag espesyalista sa utok sang Sobyet nga si Natalya Bekhtereva.

Agod malagulad ina nga mga posibilidad, dapat gamiton ang utok. Kag ang labing importante nga pagtuon nga magamitan sang tawo sang iya hunahuna amo ang Desinyador sang utok, si Jehova nga Dios.

Sa amo ang maalam nga manunulat sang hulubaton nagsiling: “Kon pangitaon mo ini [kaalam] subong sang pilak, kag subong sang bahandi nga natago, nian mahangop mo ang kahadlok kay Jehova, kag makita mo ang ihibalo sang Dios.”—Hulubaton 2:1-5.

Ginagamit mo bala ang imo utok sa pagpangita sinang bilidhon nga “ihibalo sang Dios”?