Iosua

10 Adoni-sedeka, Ierusalema ena king, ia kamonai Iosua ese Ai siti ia hadikaia bona ena king ia hamasea,+ guna Ieriko bona ena king dekenai ia karaia bamona,+ bona ia kamonai Gibeona taudia be Israela taudia ida maino idia karaia+ bona edia huanai idia noho, unai neganai 2 ia gari dikadika,+ badina Gibeona be siti badana, king ese ia lohiaia siti ta bamona. Unai siti ese Ai siti ia hereaia,+ bona iena tatau ibounai be tuari taudia goadadia. 3 Vadaeni Ierusalema ena king, Adoni-sedeka ese inai hereva be Heberona ena king, Hohama,+ Iaramutu ena king, Pirama, Lakisi ena king, Iapia, bona Egalona ena king, Debiri dekenai ia siaia:+ 4 “Umui mai lau umui durua bona Gibeona taudia ita tuari henia, badina idia be Iosua bona Israela taudia ida maino idia karaia.”+ 5 Vadaeni Amoro taudia edia king 5,+ unai be Ierusalema ena king, Heberona ena king, Iaramutu ena king, Lakisi ena king, bona Egalona ena king be edia tuari taudia ida idia hebou, bena idia raka lao bona Gibeona kahirakahira idia kamepa, Gibeona taudia tuari henia totona.

6 Bena Gibeona taudia ese Gilegala ena kamepa ai Iosua dekenai inai hereva idia siaia, idia gwau:+ “Emu igui hesiai taudia oi rakatania* lasi.+ Oi mai haraga! Ai oi durua bona hamauria! Ororo gabudiai idia noho Amoro ena king ibounai be idia haboua, ai idia tuari henia totona.” 7 Vadaeni Iosua bona tuari taudia goadadia ibounai be Gilegala amo idia daekau lao.+

8 Bena Iehova be Iosua dekenai ia gwau: “Idia dekenai oi gari lasi,+ badina lau ese idia be emu imana dekenai lau atoa.+ Idia ta be do ia hegeregere lasi oi idia tuari henia totona.”+ 9 Iosua bona ena tuari taudia be Gilegala amo hanuaboi ibounai idia raka, bona edia inai taudia idia diba lasi negana ai idia tuari henia. 10 Bena Iehova ese idia dekenai daradara ia havaraia, Israela taudia edia vairanai,+ bona Gibeona ai Israela taudia ese idia momo herea idia hamasea, bona ma haida be Bete-horono ororo ia lao henia dalana amo idia lulua lao bona idia aladia mase noho ela bona Aseka bona Makeda dekenai. 11 Israela taudia amo idia heau bona Bete-horono amo idia diho noho lalonai, Iehova ese idia latanai guba amo aisi nadi badadia ia hadihoa ela bona Aseka dekenai bona idia ibounai idia mase ore. Momokani, unai aisi nadi amo idia mase taudia edia namba ese Israela taudia edia tuari kaia amo idia mase taudia edia namba ia hereaia.

12 Vadaeni Iehova ese unai dina ai Amoro taudia be Israela taudia vairanai ia halusia, bena Iosua be Israela taudia edia vairanai Iehova dekenai ia gwau:

13 Vadaeni dina be ia gini noho bona hua be ia marere lasi ela bona Israela taudia ese edia inai taudia idia halusia. Unai sivarai be Iasara buka lalonai ia noho, ani?+ Dina ta ibounai lalonai, dina be guba ena huanai ia gini noho bona ia diho lasi. 14 Guna negadia eiava gabeai negadia ai, dina ma ta be unai dina hegeregerena lasi, badina Iehova ese unai dina ai tau ta ena hereva ia kamonai,+ bona Iehova be Israela taudia totona ia tuari.+

15 Unai murinai, Iosua bona Israela tatau ibounai be edia kamepa ia noho gabuna Gilegala dekenai idia giroa lou.+

16 To, unai king 5 be idia heau lao bona Makeda ena kohua lalonai idia hunia.+ 17 Bena haida ese Iosua idia hamaoroa: “Unai king 5 ai davaria vadaeni, idia be Makeda ena kohua lalonai idia hunia noho.”+ 18 Vadaeni Iosua ia gwau: “Nadi badadia amo kohua ena vareai gabuna umui koua bona tatau haida umui abia hidi idia gimaia totona. 19 To namona be umui haida umui tuari noho. Bona emui inai taudia edia murinai umui heau lao bona idia umui alaia mase.+ Namo lasi edia siti lalodiai idia vareai, badina Iehova emui Dirava ese idia be emui imana dekenai ia atoa vadaeni.”

20 Iosua bona Israela taudia ese idia momo herea idia aladia mase ela bona kahirakahira idia ibounai idia haorea, to idia roho mauri taudia haida be idia heau bona siti mai magu aukadia lalonai idia vareai. 21 Unai murinai Israela taudia be Iosua dekenai idia giroa lou Makeda ena kamepa ai, idia be dika ta idia davaria lasi. Bona tau ta be Israela taudia dekenai hereva ta ia gwauraia lasi. 22 Bena Iosua ia gwau: “Kohua ena vareai gabuna amo nadi umui kokia bona unai king 5 be lau dekenai umui hakaua mai.” 23 Vadaeni kohua amo ia dekenai inai king 5 idia hakaua lao: Ierusalema ena king, Heberona ena king, Iaramutu ena king, Lakisi ena king, bona Egalona ena king.+ 24 Unai king 5 be Iosua dekenai idia hakaua mai neganai, ia ese Israela tatau ibounai ia boiria bona ia idia bamoa tuari taudia edia biagudia dekenai ia gwau: “Umui mai, bona emui aena be inai king taudia edia aiona ena murina kahana dekenai umui atoa.” Vadaeni idia mai kahirakahira bona edia aena be unai king edia aiona ena murina kahana dekenai idia atoa.+ 25 Bena Iosua be idia dekenai ia gwau: “Namo lasi umui gari.+ Do umui boga-auka bona goada, badina emui inai taudia ibounai, umui tuari henia taudia dekenai Iehova be unai bamona do ia karaia.”+

26 Bena Iosua ese idia ia alaia mase bona au 5 dekenai idia ia tauadae, bona unuseni idia noho ela bona adorahi momokani. 27 Dina ia diho neganai, Iosua ese oda ia henia, bona au amo unai king taudia edia tauanina idia abia diho+ bona guna idia hunia kohua lalonai idia negea vareai. Bena kohua ena vareai gabuna be nadi badadia amo idia koua, bona unai nadi idia noho ema bona hari.

28 Iosua ese unai dina ai Makeda ia abia+ bona tuari kaia amo unai tano taudia ia alaia mase. Unai tano ena king bona unai tano dekenai idia noho taudia ibounai ia hadikaia ore, ta ia roho mauri lasi.+ Makeda ena king dekenai ia karaia karana+ be guna Ieriko ena king dekenai ia karaia danu.

29 Bena Iosua bona Israela tatau ibounai be Makeda amo Libina dekenai idia lao bona Libina taudia idia tuari henia.+ 30 Bona Iehova ese Libina bona ena king danu+ be Israela taudia edia imana dekenai ia atoa, bona unai tano taudia ibounai be tuari kaia amo idia alaia mase, ta ia roho mauri lasi. Unai tano ena king dekenai idia karaia karana be guna Ieriko ena king dekenai idia karaia danu.+

31 Vadaeni Iosua bona Israela tatau ibounai be Libina amo Lakisi dekenai idia lao+ bona unuseniai idia kamepa bona idia tuari henia. 32 Iehova ese Lakisi be Israela taudia edia imana dekenai ia atoa, bona dina iharuana ai idia abia. Idia ese unai siti ai idia noho taudia ibounai be tuari kaia amo idia hamasea,+ Libina dekenai idia karaia bamona.

33 Bena Gesere ena king Horama+ ia daekau lao Lakisi ia durua totona, to Iosua ese ia bona ena taunimanima ia alaia mase, ta ia roho mauri lasi.

34 Bena Iosua bona Israela tatau ibounai be Lakisi amo Egalona dekenai idia lao+ bona unuseniai idia kamepa bona idia tuari henia. 35 Unai dina ai unai siti idia abia bona unai siti ai idia noho taudia idia hamasea. Bona ia lalonai idia noho taudia ibounai be tuari kaia amo idia hamasea, Lakisi dekenai idia karaia bamona.+

36 Bena Iosua bona Israela tatau ibounai be Egalona amo Heberona dekenai idia daekau lao+ bona idia tuari henia. 37 Unai siti bona ena badina taonidia idia abia bona unai siti bona taoni ai idia noho taudia bona edia king be tuari kaia amo idia hamasedia, ta ia roho mauri lasi. Egalona dekenai ia karaia bamona, ia ese unai tano bona ia lalonai idia noho taudia ibounai ia hadikaia ore.

38 Dokonai, Iosua bona Israela tatau ibounai be Debiri dekenai idia lao+ bona idia tuari henia. 39 Ia ese unai tano, ena king bona ena badina taoni ibounai ia abia, bona tuari kaia amo unai taoni lalonai idia noho taudia ibounai ia hadikaia ore,+ ta ia roho mauri lasi.+ Debiri bona ena king dekenai ia karaia karana be Heberona bona Libina bona ena king dekenai ia karaia danu.

40 Iosua ese ororo gabudia ai idia noho tano ibounai, Negebe, Sepala, bona ena koura gabudia,+ bona edia king ibounai ia halusia, ta ia roho mauri lasi. Ia ese taunimanima ibounai ia hadikaia ore,+ Iehova, Israela ena Dirava ena hereva hegeregerena.+ 41 Iosua ese idia ia halusia, Kadesi-baranea amo ia lao+ Gasa+ bona Gosena ena tano ibounai+ ela bona Gibeona.+ 42 Iosua ese inai king taudia ibounai bona edia tano be nega tamona ia abia, badina Iehova, Israela ena Dirava, be Israela totona ia tuari.+ 43 Bena Iosua bona Israela tatau ibounai be Gilegala dekenai idia giroa lou, edia kamepa ia noho gabuna ai.+