Iosua

19 Bena nega iharuana idia karaia gadara*+ be Simeona iduhu+ bona edia famili ta ta totona, bona edia ahuna idia abia. Bona idia ese Iuda taudia huanai edia tano idia abia.+ 2 Idia abia tanodia be Bere-sieba+ bona Sieba, Molada,+ 3 Hasara-suala,+ Balaha, Eseme,+ 4 Elitolada,+ Betulu, Horoma, 5 Sikilaga,+ Bete-makaboto, Hasa-susa, 6 Bete-lebaoto,+ bona Saruhene, siti ibounai 13 mai edia hanua maragidia danu. 7 Aina, Rimono, Etere, bona Asahana,+ siti ibounai 4 mai edia hanua maragidia danu, 8 bona unai siti badinai idia noho hanua maragidia ibounai ela bona Balata-bere, ladana ma ta be Rama, saut kahanai ia noho. Unai tanodia be Simeona iduhu ese ia abia, ena famili ta ta hegeregerena. 9 Simeona bese taudia edia tano be Iuda bese taudia edia kahana amo idia abia, badina Iuda taudia edia tano be bada herea. Vadaeni Simeona bese taudia be Iuda taudia edia huana amo edia tano kahana idia abia.+

10 Bena nega iharuana idia karaia gadara*+ be Sebuluno bese ena famili ta ta totona,+ bona idia abia tano ena hetoana be ia lao ela bona Saridi dekenai. 11 Edia tano hetoana be west kahana amo ia daekau lao Mareala, bona ia lao ela bona Dabesete dekenai, bena ia lao Iokoneama vairanai ia noho koura dekenai. 12 Bena Saridi amo ist ena dina daekau kahanai ia lao, ela bona Kisaloto-taboro ena boda bona Daberata dekenai,+ bena ia lao Iapia. 13 Bona unuseni amo ist ena dina daekau kahanai ia lao ela bona Gata-hepere dekenai,+ bona Eta-kasino, bona Rimono, bona ia hanaia lao Nea dekenai. 14 Bona not kahana ai, unai tano hetoana be ia giroa lao Hanatoni dekenai, bona Ipita-hele Koura dekenai ia doko. 15 Bona Katata, Nahalala, Simarona,+ Idala, bona Betelehema+ idia abia danu, siti ibounai 12 mai edia hanua maragidia danu. 16 Unai be Sebuluno ena bese taudia edia tano, edia famili ta ta hegeregerena.+ Unai be edia siti mai edia hanua maragidia danu.

17 Nega namba 4 idia karaia gadara*+ be Isakara iduhu totona,+ ena bese taudia edia famili ta ta hegeregerena. 18 Bona edia tano hetoana ia lao ela bona Ieserele,+ Kesuloto, Suneme,+ 19 Haparaimi, Sihono, Anaharata, 20 Rabiti, Kisiono, Ebese, 21 Remete, Ene-ganima,+ Ene-hada, bona Bete-pase. 22 Bona edia tano be ia lao ela bona Taboro Ororo,+ Sahasuma, bona Bete-semese dekenai, bona edia tano boda be Ioridane dekenai ia doko, siti ibounai 16 mai edia hanua maragidia danu. 23 Unai be Isakara ena iduhu taudia edia tano, edia famili ta ta hegeregerena.+ Unai be siti mai edia hanua maragidia danu.

24 Bena nega namba 5 idia karaia gadara*+ be Asere iduhu taudia totona,+ edia famili ta ta hegeregerena. 25 Bona edia tano be Helekata,+ Hali, Betene, Akasapa, 26 Alamaleka, Amada, bona Misala. Bona west kahana amo ia lao Karamele+ bona Sihoro-libinata dekenai. 27 Bena ist kahana dekenai ia lou lao bona ia lao Bete-dagona dekenai, bona ma ia lao Sebuluno bona Ipita-hele Koura dekenai, unai be not kahanai, bena ia lao Bete-emeka bona Neiele dekenai, bona ma ia lao Kabulu ena lauri kahana dekenai, 28 bona Eberona, Rehoba, Hamona, bona Kanaha, ela bona Sidono Badana dekenai.+ 29 Bena tano hetoana be ia lou lao Rama dekenai, bena unai amo ia lao ela bona Turo, ia be siti mai ena magu aukana.+ Bena unai tano hetoana be Hosa dekenai ia lou lao, bona davara dekenai ia doko, unuseniai Akasiba, 30 Umaha, Apeka,+ bona Rehoba+ idia noho, siti ibounai 22 mai edia hanua maragidia danu. 31 Unai tano be Asere iduhu ese ia abia, ena famili ta ta hegeregerena.+ Unai be edia siti mai edia hanua maragidia danu.

32 Bena nega namba 6 idia karaia gadara*+ be Napatali ena bese totona, bona edia famili ta ta hegeregerena. 33 Edia tano be Helepe bona Sananima dekenai ia noho au badana amo ia matamaia,+ bona ia lao Adami-nekebe bona Iabinele dekenai, bona ela bona Lakumu, bona Ioridane dekenai ia doko. 34 West kahana amo ia lou lao Asinoto-taboro dekenai, bona unuseni amo ia lao Hukoko bona Sebuluno dekenai, unai be saut kahanai, ma ia lao Asere, unai be west kahanai ela bona Iuda, Ioridane dekenai, unai be ist kahanai. 35 Bona edia siti mai magu aukadia be Sidima, Sere, Hamataha,+ Rakata, Kinerete, 36 Adama, Rama, Hasoro,+ 37 Kedesi,+ Ederei, Ene-hasoro, 38 Irono, Migidalele, Horeme, Bete-anata, bona Bete-semese,+ siti ibounai 19 mai edia hanua maragidia danu. 39 Unai tanodia be Napatali iduhu ese ia abia, ena famili ta ta hegeregerena,+ unai be siti mai edia hanua maragidia danu.

40 Bena nega namba 7 idia karaia gadara*+ be Dano iduhu totona,+ edia famili ta ta hegeregerena. 41 Bona edia tano ena boda be Sora,+ Esetaoli, Iri-semese, 42 Salabina,+ Aialono,+ Itila, 43 Elona, Timunaha,+ Ekarona,+ 44 Eliteke, Gibetona,+ Balata, 45 Iehuda, Beneberaka, Gata-rimono,+ 46 Meia-kono, bona Rakono, unai tano ena boda be Iopa kahirakahira amo ia hanaia.+ 47 To Dano iduhu edia tano be ia bada lasi idia totona.+ Unai dainai idia daekau lao bona Leseme idia tuari henia+ bona idia abia bona unai tano taudia be tuari kaia amo idia hamasea. Bena unai tano idia abia bona noholaia, bona Leseme ena ladana idia haidaua bona idia hatoa Dano, unai be edia sene tauna Dano ena ladana.+ 48 Unai tano be Dano iduhu ese ia abia, ena famili ta ta hegeregerena. Unai be siti mai edia hanua maragidia danu.

49 Vadaeni taunimanima ese tano haria gaukarana idia karaia ore. Unai murinai, Israela taudia ese edia huana amo Nunu ena natuna Iosua dekenai, tano ta idia henia. 50 Iehova ena oda hegeregerena, ia noia siti be ia dekenai idia henia, unai be Timinata-sera,+ unai be Eparaima ena ororo gabudia ai, bena ia ese unai siti ia haginia lou bona ia noholaia.

51 Hahelaga tauna Eleasara, Nunu ena natuna Iosua, bona Israela besedia edia bese kwarana taudia ese gadara ta* amo unai tano idia haridia,+ unai be Silo ai+ Iehova ena vairanai idia karaia, hebou dubu ena vareai gabuna ai.+ Vadaeni idia ese tano haria gaukarana idia haorea.