‘Au Edia Mauri Dinadia Hegeregeredia’

LAGANI daha toi mai kahana idia lao vadaeni, Mose ese inai hereva ia torea: “Aiemai mauri lagani be 70 sibona. Bema ai be goada neganai sedira lagani 80 do ai abia, to inai lagani ibounai lalonai, hekwarahi bona lalohisihisi ai abia noho.”​—Salamo 90:10.

Ena be doketa edia diba ia bada ia lao, to taunimanima edia mauri laganidia edia momo be Mose ena negai idia noho taudia edia hegeregerena. To, gabeai taunimanima edia mauri be inai bamona do ia ore haraga lasi. Baibel bukana Isaia lalonai, Dirava ia gwau: “Au edia mauri dinadia be momo hegeregerena, lauegu bese taudia edia mauri dinadia be unai bamona. Bona lauegu abia hidi taudia ese, edia imana gaukara dekenai idia karaia gaudia do idia moalelaia.”​—Isaia 65:22.

Baibel tanodia lalonai lagani momo herea lalonai idia mauri noho audia ta be olive auna. Ena laulau be inai rau dekenai ia noho olive auna ena mauri laganidia be daha ta. Unai bamona olive audia momo be Galilea dekenai idia do tubu noho. Edena negai taunimanima edia mauri laganidia do idia momo herea? Hari peroveta herevana be ma ia gwau, unai be Dirava ese “tanobada matamata bona guba matamata” do ia karaia neganai.​—Isaia 65:17.

Apokalupo bukana danu ese “guba matamatana bona tanobada matamatana” ia perovetalaia; gaudia be gavamani matamatana guba lalonai bona nega matamatana lalonai do idia noho taudia. Unai do idia vara neganai, Dirava ese “matana ranu ibounai edia matana dekena amo do ia dahua. Mase bona lalohisihisi, bona taitai, bona hisihisi be do idia ore momokani.”​—Apokalupo 21:​1, 4.

Inai gwauhamata Dirava ena amo ena anina be kahirakahira do ia vara. Unai neganai, olive auna ena mauri dinadia iseda vairana dekenai be hora 24 sibona bamona. Bona iseda nega do ia bada dainai, iseda imana gaukarana do ita moalelaia guguru diba.