Lagani 2008 Ena Tiokratik Haroro Sikuli Ena Sediual
KARAIA DALANA
Lagani 2008 lalonai, Tiokratik Haroro Sikuli be henunai ai torea dalana dekenai do umui karaia.
BUKA: Buka Helaga, Gima Kohorona [w], Tiokratik Haroro Sikuli amo Heduru Oi Abia [be], “Buka Helaga Ibounai”—Ia Momokani Bona mai Ena Namo [bsi08-1 bona bsi08-2].
Sikuli be NEGA KORIKORI AI ane, guriguri, bona hanamoa herevana amo hamatamaia, bena henunai ai torea bamona umui karaia. Sikuli naria tauna ese kahana ta ta idia henia taudia ta ta ia boiria be namo.
HEREVA KARANA: Miniti 5. Sikuli naria tauna, sisiba henia tauna iharuana, eiava ia manada elda tauna ma ta ese Haroro Sikuli bukana amo hereva karana ta do ia herevalaia. (Kongrigeisen ai elda be momo lasi neganai, ia manada hesiai tauna ta umui gaukaralaia diba.)
HEREVA NAMBA 1: Miniti 10. Inai kahana be ia manada vadaeni elda ta eiava hesiai tauna ta ese ia karaia be namo, bona unai be Tiokratik Haroro Sikuli amo Heduru Oi Abia, eiava “Buka Helaga Ibounai”—Ia Momokani Bona mai Ena Namo amo do ia abia. Namona be miniti 10 lalonai instraksen tok do ia henia. Gau badana be unai kahana ibounai ia herevalaia sibona lasi to ena namo ia gwauraia, dahaka ese kongrigeisen do ia durua bada ia hahedinaraia. Namona be ai torea hedinarai sinado gaukaralaia. Inai hereva idia henia tadikaka ese edia nega idia hanaia lasi be gau badana. Bema sisiba ia abia be namo, ia sibona ida iena sisiba herevalaia.
BAIBEL ENA HEREVA BADADIA: Miniti 10. Miniti ginigunadia faiv lalonai, ia manada vadaeni elda ta eiava hesiai tauna ta ese iena kongrigeisen do ia durua bada dalana ai inai kahana ia herevalaia. Ia ese pura ena Baibel duahiduahi ena kahana idauidau ia herevalaia diba. Namo lasi unai karoa edia sivarai ia gwauraia sibona. Gau badana be helai taudia ia durua, bena do idia laloparara badina be dahaka bona edena bamona unai hereva be mai ena namo. Hereva henia tauna ese kahana ginigunana ena miniti faiv ia hanaia lasi be namo. Namona be miniti faiv ia atoa helai taudia idia haere totona. Namona be helai taudia ia noia, haere kwadogidia (ta ta be sekeni 30 bamona) amo Baibel duahiduahi lalonai idia laloa bada gauna bona ena namo idia herevalaia. Bena sikuli naria tauna ese sikuli iharuana ena stiuden taudia do ia siaia.
HEREVA NAMBA 2: Miniti 4 hanaia lasi. Inai be tadikaka ta ese do ia karaia. Namona be stiuden ese ia abia kahana sibona ia duahia, hamatamaia eiava dokona herevana ia gwauraia lasi. Namona be sikuli naria tauna ese stiuden do ia durudia laloparara, hereva namonamo, mai anina herevadia idia hahedinaraia maoro, gado regena idia haidaua, laga-ani dalana maorona, bona sibona edia hereva dalana ai idia duahiduahi. Namona be stiuden ese ena kahana ibounai duahia ore karana ia laloa lasi, to ena duahiduahi karana ia laloa bada. Bema stiuden ena kahana be lata herea bona miniti foa lalonai ia duahia ore lasi, ia ese miniti foa gauna sibona ia duahia diba bona hereva oredia ia duahia lasi.
HEREVA NAMBA 3: Miniti 5. Inai be taihu ta ese do ia karaia. Inai kahana idia abia taihu ese Haroro Sikuli buka ena rau 82 ena lista amo karaia dalana ta do idia abia hidi diba eiava idia totona ta do idia torea hedinarai. Namona be stiuden ese ena sinado ia gaukaralaia bena haroro gaukara karaia dalana korikorina ta bona ena teritori ai idia badinaia diba dalana ia haheitalaia. Bema referens ai torea lasi, stiuden ese eda buka idauidau lalonai inai kahana ena hereva do ia tahua bona hegaegaelaia be namo. Ia do ia durua indeks namona ta be “Gima Kohorona Edia Hereva Iboudiai.” Lagani ta ta ai, ia be January 1, Gima Kohorona ai idia atoa. Bona heduru gauna ma ta be Baibel Siri Indeks. Stiuden matamatadia dekenai, namona be kahana ta mai ena referens umui henia. Sikuli naria tauna be stiuden ese iena kahana ia herevalaia dalana bona ruma tauna ia durua Baibel siridia ia laloa namonamo bona point badadia ia lalopararalaia daladia do ia laloa. Sikuli naria tauna ese durua taihuna ta do ia abia hidi.
HEREVA NAMBA 4: Miniti 5. Namona be stiuden ese ena sinado ena anina ia hahedinaraia. Bema referens ai torea lasi, stiuden ese eda buka idauidau lalonai inai kahana ena hereva do ia tahua bona hegaegaelaia be namo. Ia do ia durua indeks namona ta be “Gima Kohorona Edia Hereva Iboudiai.” Lagani ta ta ai, ia be January 1, Gima Kohorona ai idia atoa. Bona heduru gauna ma ta be Baibel Siri Indeks. Tadikaka ta ese inai kahana ia abia neganai, Kingdom Hall lalonai idia helai taudia vairanai hereva do ia henia. Taihu ta ese inai kahana ia abia neganai, namona be nega ibounai Hereva Namba 3 bamona ia karaia. Sikuli naria tauna ese tadikaka dekenai Hereva Namba 4 do ia henia, bema ia laloa tadikaka ta ese unai ia karaia be namo. Mani emu kara, bema sinado ta ena badinai asterisk (*) maka ia noho, namona be hanaihanai tadikaka dekenai henia, bena idia ese hereva do idia henia. Eiava bema emu kongrigeisen dekenai elda bona hesiai taudia be momo Haroro Sikuli bona Hesiai Hebou ena kahana idauidau idia naria totona, vadaeni idia ta oi gaukaralaia unai tok ia karaia be namo.
SISIBA: Miniti 1. Sikuli naria tauna be stiuden ena sisiba namba do ia gwauraia guna lasi. Hereva Namba 2, 3, bona 4 murinai, sikuli naria tauna be stiuden ia karaia namonamo gaudia haida do ia herevalaia. “Namo herea” sibona ia gwauraia lasi, to hereva idia henia namonamo ena badina namodia haida ia gwauraia danu. Bema stiuden ta ta ese kahana haida ia hanamoa be namo, vadaeni hebou murinai eiava ma nega ta ai, sikuli naria tauna bona stiuden sibona be unai idia herevalaia diba.
NEGA: Namona be ibounai, sikuli naria tauna danu, ese nega idia hanaia lasi. Hereva Namba 2, 3, bona 4 hadokoa negana korikori ia ginidae neganai, namona be mai aonega ida hadokodia. Bema hereva karana, Hereva Namba 1, eiava Baibel ena hereva badadia idia henia tadikaka ese edia nega idia hanaia, vadaeni hebou murinai, sisiba tauna iharuana ese unai tadikaka ia sisiba henia be namo. Namona be ibounai ese edia nega idia laloa bada bona idia hanaia lasi. Sikuli ena nega ibounai be miniti 45, ane bona guriguri edia miniti ita duahia lasi.
SISIBA PEPANA: Sikuli bukana dekenai.
SISIBA HENIA TAUNA IHARUANA: Bema ia manada vadaeni elda ta ia noho sikuli naria tauna durua totona, elda oreana ese ia idia abia hidi bona ia be sisiba henia tauna iharuana ai do ia lao. Bema kongrigeisen ai elda taudia be momo, vadaeni lagani ta ta ai idia manada vadaeni elda taudia idauidau ese inai maduna idia huaia diba. Sisiba henia tauna iharuana ena maduna be, Hereva Namba 1 bona Baibel ena hereva badadia idia henia tadikaka do ia sisiba henidia, bema ia laloa kahana haida idia hanamoa be namo. Elda eiava hesiai taudia ese unai bamona hereva ta ta idia henia murinai sisiba ia abia be anina lasi.
TIOKRATIK HARORO SIKULI ENA RIVIU: Miniti 30. Hua rua rua murinai, sikuli naria tauna ese riviu do ia hakaua. Hereva karana bona Baibel ena hereva badadia be ataiai ai gwauraia hegeregerena idia henia murinai, unai riviu do umui karaia. Riviu lalonai do umui herevalaia gaudia be hua gunadia rua bona riviu ena pura amo do ia abia. Bema Tiokratik Haroro Sikuli Ena Riviu purana dekenai emu kongrigeisen be sekit hebouhebou do idia abia, vadaeni riviu (bona pura ena program ibounai) be pura vaira ai do umui karaia, bona pura vaira ena program be riviu purana ai do umui karaia be namo. Bema riviu purana dekenai sekit naria tauna do ia vadivadi, vadaeni sediual hegeregerena, program be ane, hereva karana, bona Baibel ena hereva badadia amo do umui karaia be namo. Instraksen tok (hereva karana murinai idia henia gauna) be pura vaira ena program amo umui abia hanai be namo. Pura vaira ena Tiokratik Haroro Sikuli be sediual hegeregerena hereva karana bona Baibel ena hereva badadia do umui karaia guna, bena riviu do umui karaia.
Sediual
Jan. 7 Baibel duahiduahi: Mataio 1-6 Ane 62
Hereva Karana: Oi Gwauraia Hedinarai (be rau 228 par. 2-3)
No. 1: Mataio Ena Hamatamaia Herevadia (bsi08-1 rau 3-5 par. 1-10)
No. 2: Mataio 5:1-20
No. 3: Dahaka Dainai Taunimanima Idia Mase? (rs rau 274-75 par. 6)
No. 4: Edena Dala ai Dirava Ena Lauma Helaga ese Ita Ia Durua?
Jan. 14 Baibel duahiduahi: Mataio 7-11 Ane 224
Hereva Karana: Kudouna Ena Gaukara (be rau 228 par. 4–rau 229 par. 1)
No. 1: Dirava Ena Hereva Oi Moalelaia (be rau 9 par. 1–rau 10 par. 1)
No. 2: Mataio 10:1-23
No. 3: Dahaka Dainai Ita Koikoi Lasi be Namo?
No. 4: Mase Taudia be Edeseniai, Bona Idia be Edena Bamona? (rs rau 275 par. 7–rau 277 par. 3)
Jan. 21 Baibel duahiduahi: Mataio 12-15 Ane 133
Hereva Karana: Diba Idia Abia (be rau 230 par. 1-6)
No. 1: Dina Iboudiai Baibel Oi Duahia (be rau 10 par. 2–rau 12 par. 3)
No. 2: Mataio 14:1-22
No. 3: Dahaka Dainai Iehova Ena Witnes Taudia ese Sene Taudia Edia Kara, Mase Taudia Taitailaia Karana, Idia Karaia Lasi? (rs rau 278 par. 1–rau 279 par. 2)
No. 4: Keriso Tuari Henia Taudia be Daidia?
Jan. 28 Baibel duahiduahi: Mataio 16-21 Ane 176
Hereva Karana: Tahua Karana amo Oi Abia Dibana be Tok Lalonai Oi Gaukaralaia (be rau 231 par. 1-3)
No. 1: ‘Emu Kamonai Oi Naria Namonamo’ (be rau 13 par. 1–rau 14 par. 5)
No. 2: Mataio 17:1-20
No. 3: Mase Dekenai Idia Vara Lalohadai Kereredia Haerelaia Dalana (rs rau 279 par. 3–rau 280 par. 1)
No. 4: Keristani Taudia ese Idia Hahelagaia Gaudia Haida be Dahaka?
Feb. 4 Baibel duahiduahi: Mataio 22-25 Ane 151
Hereva Karana: Siri Edia Anina Oi Gwauraia Hedinarai (be rau 231 par. 4-5)
No. 1: Emu Kamonai Karana Hebou Maragidia Bona Badadia Dekenai (be rau 15 par. 1–rau 16 par. 5)
No. 2: Mataio 23:1-24
No. 3: Dahaka Dainai Mauri Hanaihanai Do Ita Hesikulaia Lasi?
No. 4: Nihi—Dirava amo Idia Mai Nihidia Bona Idia Vara Kava Nihidia (rs rau 313-14)
Feb. 11 Baibel duahiduahi: Mataio 26-28 Ane 110
Hereva Karana: Hereva Edia Anina Oi Gwauraia (be rau 232 par. 1)
No. 1: Mataio—Ena Namo (bsi08-1 rau 5 par. 29-33)
No. 2: Mataio 27:1-22
No. 3: Dahaka Dainai Ita Abia Dae Dirava be Ia Mauri Noho Bona Ita Abidadama Henia be Namo?
No. 4: Keristani Taudia ese Edena Drag Idia Gaukaralaia be Taravatu? (rs rau 106-8 par. 3)
Feb. 18 Baibel duahiduahi: Mareko 1-4 Ane 167
Hereva Karana: Siri Oi Herevalaia Namonamo (be rau 232 par. 2-4)
No. 1: Mareko Ena Hamatamaia Herevadia (bsi08-1 rau 6-7 par. 1-11)
No. 2: Mareko 2:1-17
No. 3: Dahaka Dainai Keristani Taudia ese Mariuana Idia Dadaraia? (rs rau 109 par. 1-4)
No. 4: Lalokau Dainai Ita Lalogoada Dalana
Feb. 25 Baibel duahiduahi: Mareko 5-8 Ane 72
Hereva Karana: Kamonai Taudia ese Namo Idia Abia Diba Herevadia Abia Hidi (be rau 233 par. 1-5)
Tiokratik Haroro Sikuli Ena Riviu
Mar. 3 Baibel duahiduahi: Mareko 9-12 Ane 195
Hereva Karana: Idia Henia Gauna Gaukaralaia (be rau 234 par. 1–rau 235 par. 3)
No. 1: Emu Laloatao Karana Oi Hanamoa Diba (be rau 17 par. 1–rau 19 par. 1)
No. 2: Mareko 11:1-18
No. 3: Dahaka Dainai Dirava Ia Koikoi Diba Lasi?
No. 4: Dahaka Dainai Keristani Taudia be Kuku Idia Ania Lasi? (rs rau 110 par. 1–rau 112 par. 1)
Mar. 10 Baibel duahiduahi: Mareko 13-16 Ane 87
Hereva Karana: Henanadai Gaukaralaia Namonamo (be rau 236 par. 1-5)
No. 1: Mareko—Ena Namo (bsi08-1 rau 7-8 par. 31-3)
No. 2: Mareko 14:1-21
No. 3: Ita Manadalaia Kara Dikadia Ita Hanaia—Edena Dala Amo? (rs rau 112 par. 2–rau 113)
No. 4: Dahaka Dainai “Taunimanima Edia Badu ese Dirava Ena Kara Maoromaoro Ia Havaraia Diba Lasi”? (Iam. 1:20)
Mar. 17 Baibel duahiduahi: Luka 1-3 Ane 13
Hereva Karana: Henanadai Gaukaralaia Lalohadai Badadia Hahedinaraia Totona (be rau 237 par. 1-2)
No. 1: Luka Ena Hamatamaia Herevadia (bsi08-1 rau 8-10 par. 1-9)
No. 2: Luka 1:1-23
No. 3: “Bema Oi Abidadama, To Kara Namodia Oi Karaia Lasi, Vadaeni Oiemu Abidadama be Anina Lasi”—Dahaka Dainai? (Iam. 2:20)
No. 4: Tanobada Besedia ese Dirava Ena Ura, Tanobada Totona, be Do Idia Hadikaia Lasi (rs rau 366-67 par. 1)
Mar. 24 Baibel duahiduahi: Luka 4-6 Ane 156
Hereva Karana: Henanadai Gaukaralaia Gau ta Oi Herevalaia Lalonai (be rau 237 par. 3–rau 238 par. 2)
No. 1: Laloatao Karana Dekenai Dirava Ena Lauma Ena Gaukara (be rau 19 par. 2–rau 20 par. 2)
No. 2: Luka 4:1-21
No. 3: Iehova ese Lahi amo Tanobada Do Ia Araia Ore, A? (rs rau 367 par. 2–rau 368 par. 4)
No. 4: Dirava Gari Henia Karana ese Ita Ia Hagoadaia Diba Kara Dika Ita Dadaraia Totona
Mar. 31 Baibel duahiduahi: Luka 7-9 Ane 122
Hereva Karana: Henanadai Gaukaralaia Hemami Idia Hahedinaraia Totona (be rau 238 par. 3-5)
No. 1: Dahaka Dainai Duahiduahi Karana Oi Goadalaia? (be rau 21 par. 1–rau 23 par. 3)
No. 2: Luka 7:1-17
No. 3: Gau Momo ese Idia Hamomokania Dirava be Ita Ia Lalokau Henia Bona Ia Ura Ita Moale
No. 4: Kara Dika Taudia Do Idia Haoredia Murinai, Ierusalema Matamatana Ena Orea Taudia be Tanobada Dekenai Do Ia Siaidia Lou Lasi (rs rau 369 par. 1-2)
Apr. 7 Baibel duahiduahi: Luka 10-12 Ane 68
Hereva Karana: Henanadai Gaukaralaia Gau ta Hahedinaraia Namonamo Totona (be rau 239 par. 1-2)
No. 1: Duahiduahi Karana Oi Goadalaia Dalana (be rau 23 par. 4–rau 26 par. 4)
No. 2: Luka 11:37-54
No. 3: Dirava ese Ena Ura, Tanobada Totona, be Ia Haidaua Vadaeni, A? (rs rau 370 par. 1–rau 371 par. 2)
No. 4: Apokalupo 17:17 Ena Anina be Dahaka?
Apr. 14 Baibel duahiduahi: Luka 13-17 Ane 86
Hereva Karana: Henanadai Gaukaralaia Lalohadai Kereredia Oi Hahedinaraia Totona (be rau 239 par. 3-5)
No. 1: Stadi Dalana (be rau 27 par. 1–rau 31 par. 2)
No. 2: Luka 16:1-15
No. 3: Dirava Ena Taravatu Aniani Gogoa Karana Dekenai ese Dahaka Ia Hadibaia Ita Dekenai? (Lev. 19:9, 10)
No. 4: Gorere Taudia be Edena Bamona Ita Hagoadaia Diba? (rs rau 254 par. 1-4)
Apr. 21 Baibel duahiduahi: Luka 18-21 Ane 182
Hereva Karana: Hahegeregerea Dalana amo Oi Hadibaia (be rau 240 par. 1–rau 241 par. 1)
No. 1: Luka—Ena Namo (bsi08-1 rau 10-11 par. 30-5)
No. 2: Luka 18:1-17
No. 3: Edia Lalokau Tauna ta Ia Mase Dainai Idia Lalohisihisi Taudia Ita Hagoadaia Dalana (rs rau 254 par. 5–rau 255 par. 3)
No. 4: ‘Do Ita Maumau Lasi’ Ena Anina be Dahaka? (Fili. 2:14)
Apr. 28 Baibel duahiduahi: Luka 22-24 Ane 218
Hereva Karana: Haheitalai Oi Gaukaralaia (be rau 241 par. 2-4)
Tiokratik Haroro Sikuli Ena Riviu
May 5 Baibel duahiduahi: Ioane 1-4 Ane 31
Hereva Karana: Baibel Lalonai Idia Noho Haheitalai (be rau 242 par. 1-2)
No. 1: Ioane Ena Hamatamaia Herevadia (bsi08-1 rau 11-13 par. 1-9)
No. 2: Ioane 3:1-21
No. 3: Davida Ia Ura Lasi King Saulo Ia Alaia Karana amo Dahaka Ita Dibaia?
No. 4: Dirava Ena Ura Idia Karaia Dainai Dagedage Idia Davaria Taudia Edia Lalona Hagoadaia Herevadia (rs rau 255 par. 4-9)
May 12 Baibel duahiduahi: Ioane 5-7 Ane 150
Hereva Karana: Do Idia Lalopararalaia, A? (be rau 242 par. 3–rau 243 par. 1)
No. 1: Stadi Ena Namo be Bada (be rau 31 par. 3–rau 32 par. 4)
No. 2: Ioane 6:1-21
No. 3: Anania Bona Sapira Edia Sivarai amo Dahaka Ita Dibaia?
No. 4: Kara Gageva Dainai Idia Lalohisihisi Taudia Edia Lalona be Edena Bamona Ita Hagoadaia Diba? (rs rau 256 par. 1-4)
May 19 Baibel duahiduahi: Ioane 8-11 Ane 102
Hereva Karana: Haheitalai be Idia Diba Gaudia Amo (be rau 244 par. 1-2)
No. 1: Baibel amo Tahua Karana Karaia Dalana (be rau 33 par. 1–rau 35 par. 2)
No. 2: Ioane 11:38-57
No. 3: Ogogami Dainai Idia Hekwarahi Taudia Edia Lalona be Edena Bamona Ita Hagoadadia Diba? (rs rau 256 par. 5–rau 257 par. 2)
No. 4: Bema Ita be Taunimanima Edia Lalohadai Ita Diba Lasi, Vadaeni Dahaka Dainai Dirava ese Esodo 20:17 Ena Taravatu Ia Henia?
May 26 Baibel duahiduahi: Ioane 12-16 Ane 3
Hereva Karana: Emu Kamonai Taudia Dekenai Idia Hegeregere Haheitalaidia (be rau 244 par. 3–rau 245 par. 4)
No. 1: Tulu Ma Haida Gaukaralaia Dalana Oi Dibaia (be rau 35 par. 3–rau 38 par. 4)
No. 2: Ioane 12:1-19
No. 3: Sibodia Edia Kerere Eiava Edia Manoka Dainai Idia Lalohisihisi Taudia Edia Lalona Hagoadaia Herevadia (rs rau 257 par. 3-6)
No. 4: Edena Dala ai Iseda Lalohekwarahi be Iehova Dekenai Ita Henia? (Sal. 55:22)
June 2 Baibel duahiduahi: Ioane 17-21 Ane 198
Hereva Karana: Idia Itaia Gaudia Gaukaralaia Namonamo (be rau 247 par. 1-2)
No. 1: Ioane—Ena Namo (bsi08-1 rau 13-14 par. 30-5)
No. 2: Ioane 21:1-14
No. 3: Dahaka Dainai Ita Itaia Diba Lasi Diravana Ita Abidadama Henia?
No. 4: Evolusen—Saiens Hekwakwanai Ta (rs rau 113-15 par. 1)
June 9 Baibel duahiduahi: Kara 1-4 Ane 92
Hereva Karana: Iesu ese Taunimanima Idia Itaia Gaudia Ia Gaukaralaia Dalana (be rau 247 par. 3)
No. 1: Kara Ena Hamatamaia Herevadia (bsi08-1 rau 14-15 par. 1-8)
No. 2: Kara 1:1-14
No. 3: Evolusen, Turia Gunadia, Bona Laloa Maoromaoro Karana (rs rau 115 par. 2–rau 117 par. 3)
No. 4: Dahaka ese ta Ia Durua “mai Gari Lasi Danu” Ia Hereva Totona? (1 Tim. 3:13)
June 16 Baibel duahiduahi: Kara 5-7 Ane 2
Hereva Karana: Idia Itaia Gaudia Gaukaralaia Daladia (be rau 248 par. 1-3)
No. 1: Autlain Karaia Dalana (be rau 39-42)
No. 2: Kara 5:1-16
No. 3: Evolusen Herevana Idia Abia Dae Taudia Edia Hereva Idauidau Haerelaia Dalana (rs rau 117 par. 4–rau 120)
No. 4: Dahaka Dainai Lohiabada Gari Henia Karana be Aonega Hamatamaia Ena Dala? (Sal. 111:10)
June 23 Baibel duahiduahi: Kara 8-10 Ane 116
Hereva Karana: Mapu, Idia Printaia Hebouhebou Program, Bona Vidio Gaukaralaia (be rau 248 par. 4–rau 249 par. 2)
No. 1: Sikuli Dekenai Stiuden Edia Kahana Hegaegaelaia Dalana (be rau 43 par. 1–rau 44 par. 3)
No. 2: Kara 8:1-17
No. 3: Edena Dala ai Iesu be ‘Ogogami Taudia Do Ia Durua’? (Sal. 72:12)
No. 4: Dahaka Dainai Taunimanima Momo be Abidadama Lasi? (rs rau 25-6 par. 2)
June 30 Baibel duahiduahi: Kara 11-14 Ane 79
Hereva Karana: Hutuma Vairanai, Idia Itaia Gaudia Oi Gaukaralaia Dalana (be rau 249 par. 3–rau 250 par. 1)
Tiokratik Haroro Sikuli Ena Riviu
July 7 Baibel duahiduahi: Kara 15-17 Ane 203
Hereva Karana: Gau ta be mai Laloa Manada ida Herevalaia Ena Badina (be rau 251 par. 1-3)
No. 1: Do Oi Herevalaia Gauna Bona Karaia Dalana (be rau 44 par. 4–rau 46 par. 1)
No. 2: Kara 16:1-15
No. 3: Mai Gari Lasi ida Iehova Ita Hesiai Henia Ena Badina Idauidau
No. 4: Ta ese Abidadama be Edena Bamona Ia Abia Diba? (rs rau 26 par. 3–rau 27 par. 1)
July 14 Baibel duahiduahi: Kara 18-21 Ane 32
Hereva Karana: Hamatamaia Dalana (be rau 251 par. 4–rau 252 par. 3)
No. 1: Kongrigeisen Totona Hereva Hegaegaelaia Dalana (be rau 47 par. 1–rau 49 par. 1)
No. 2: Kara 20:1-16
No. 3: Emu Kara amo Oi Hamomokania mai Abidadama ida Kara Maoromaoro Negana Matamatana Oi Naria Noho (rs rau 27 par. 3–rau 28)
No. 4: Esodo 23:19 Ia Gwau, “Nani Ena Natuna be Iena Sinana Ena Rata Lalonai Do Umui Nadua Lasi,” Unai Hahegani amo Dahaka Ita Dibaia?
July 21 Baibel duahiduahi: Kara 22-25 Ane 200
Hereva Karana: Laloa Manau Negadia (be rau 252 par. 4–rau 253 par. 2)
No. 1: Hesiai Hebou Bona Tok Ma Haida Hegaegaelaia Dalana (be rau 49 par. 2–rau 51 par. 1)
No. 2: Kara 22:1-16
No. 3: Edena Dala ai Iehova Ena Witnes Taudia be Ioane 13:34, 35 Idia Badinaia?
No. 4: Peroveta Koikoi Taudia be Edena Bamona Ita Dibaia Diba? (rs rau 329-31 par. 2)
July 28 Baibel duahiduahi: Kara 26-28 Ane 29
Hereva Karana: Henanadai Bona Badina Oi Gwauraia (be rau 253 par. 2–rau 254 par. 2)
No. 1: Kara—Ena Namo (bsi08-1 rau 15-17 par. 32-40)
No. 2: Kara 26:1-18
No. 3: Peroveta Momokani Taudia be Gau Momo Idia Perovetalaia, to Idia Diba Lasi Edena Dala ai Bona Edena Negai Unai Gaudia Do Idia Vara (rs rau 331 par. 3-8)
No. 4: Dahaka Dainai Iehova Ia Haheauka?
Aug. 4 Baibel duahiduahi: Roma 1-4 Ane 170
Hereva Karana: Dirava Ena Hereva Sibona amo Badina Maorodia Gwauraia (be rau 255 par. 1–rau 256 par. 3)
No. 1: Roma Ena Hamatamaia Herevadia (bsi08-1 rau 17-19 par. 1-7)
No. 2: Roma 3:1-20
No. 3: Edena Dala ai Aneru ese Dirava Ena Hesiai Taudia Idia Gimaia Bona Hagoadaia?
No. 4: Iehova Ena Witnes Taudia be Tomadiho Momokani Idia Abia Isi (rs rau 332 par. 1-2)
Aug. 11 Baibel duahiduahi: Roma 5-8 Ane 207
Hereva Karana: Hamomokania Gaudia Ma Haida amo Badina Gwauraia (be rau 256 par. 4-6)
No. 1: Pablik Tok Hegaegaelaia Dalana (be rau 52 par. 1–rau 54 par. 1)
No. 2: Roma 6:1-20
No. 3: Iehova Ena Witnes Taudia be Edia Kara amo Ita Dibaia (rs rau 332 par. 3–rau 334 par. 1)
No. 4: Edena Dala ai Kara Maoromaoro ese Ita Do Ia Gimaia?
Aug. 18 Baibel duahiduahi: Roma 9-12 Ane 152
Hereva Karana: Hamomokania Gaudia Idia Hegeregere (be rau 256 par. 6–rau 257 par. 3)
No. 1: Roma—Ena Namo (bsi08-1 rau 19-20 par. 20-5)
No. 2: Roma 9:1-18
No. 3: Ma Haida Ita Maumauraia Ena Dika Haida be Dahaka?
No. 4: Ita Idia Gwauraia Peroveta Koikoi Taudia Ita Haere Henia (rs rau 334 par. 2–rau 335 par. 2)
Aug. 25 Baibel duahiduahi: Roma 13-16 Ane 16
Hereva Karana: Kudouna Hamarerea Karana (be rau 258 par. 1–rau 259 par. 1)
Tiokratik Haroro Sikuli Ena Riviu
Sept. 1 Baibel duahiduahi: 1 Korinto 1-9 Ane 199
Hereva Karana: Taunimanima Edia Kudouna Gaudia Oi Dibaia (be rau 259 par. 2-4)
No. 1: Korinto Ginigunana Ena Hamatamaia Herevana (bsi08-1 rau 20-1 par. 1-7)
No. 2: 1 Korinto 4:1-17
No. 3: Dirava ese Taunimanima Ta Ta Edia Mase Dinana Ia Gwauraia Hidi Lasi (rs rau 294-95 par. 1)
No. 4: Bema Tau ta Ena Kohu Bona Moni be Momo Herea, Ita Gwau Diba Dirava be Unai Gaudia Ia Henia, A?
Sept. 8 Baibel duahiduahi: 1 Korinto 10-16 Ane 35
Hereva Karana: Hemami Namona Oi Havaraia (be rau 259 par. 5–rau 260 par. 1)
No. 1: Korinto Ginigunana—Ena Namo (bsi08-1 rau 21-2 par. 23-6)
No. 2: 1 Korinto 13:1–14:6
No. 3: Dahaka Dainai Dirava Ena Hereva Ia Kamonai Sibona Lasi to Karana Ia Karaia Tauna Ia Moale?
No. 4: Idia Vara Gaudia Ibounai be Dirava Ena Ura Dainai Lasi (rs rau 295 par. 2–rau 296 par. 6)
Sept. 15 Baibel duahiduahi: 2 Korinto 1-7 Ane 58
Hereva Karana: Ma Haida Oi Durua Dirava Gari Henia Karana Idia Habadaia Totona (be rau 260 par. 2-3)
No. 1: Korinto Iharuana Ena Hamatamaia Herevana (bsi08-1 rau 22-3 par. 1-4)
No. 2: 2 Korinto 1:1-14
No. 3: Dirava be Gau Iboudiai Idia Do Vara Lasi Neganai, Ia Diba Bona Ia Lalohadailaia Lasi (rs rau 296 par. 7–rau 297 par. 2)
No. 4: Dahaka Dainai Keristani Taudia Momokanidia be Dagedage Idia Davaria Neganai Idia Moale?
Sept. 22 Baibel duahiduahi: 2 Korinto 8-13 Ane 12
Hereva Karana: Dirava be Iseda Kara Ia Laloa (be rau 260 par. 4-5)
No. 1: Korinto Iharuana—Ena Namo (bsi08-1 rau 23-4 par. 18-20)
No. 2: 2 Korinto 9:1-15
No. 3: Dahaka Dainai Keristani Taudia be Tanobada Ena Lasi?
No. 4: Gau Iboudiai Idia Do Vara Lasi Neganai, Dirava Ia Diba Guna Do Idia Vara Bona Ia Lalohadailaidia Guna, A? (rs rau 297 par. 3–rau 298 par. 3)
Sept. 29 Baibel duahiduahi: Galatia 1-6 Ane 163
Hereva Karana: Ma Haida Oi Durua Edia Kudouna Idia Tahua Totona (be rau 261 par. 1-3)
No. 1: Galatia Ena Hamatamaia Herevana Bona Ena Namo (bsi08-1 rau 24-5 par. 1-6, 14-18)
No. 2: Galatia 1:1-17
No. 3: Dirava be Vaira Negana Ia Itaia Diba, to Dahaka Dainai Ia be Adamu Do Ia Karaia Karana Ia Diba Guna Lasi? (rs rau 298 par. 4–rau 299 par. 2)
No. 4: Edena Dala ai Dirava Lalokau Henia Karana ese Tau ta Ia Hagoadaia Diba Taunimanima Ia Gari Henia Lasi Totona?
Oct. 6 Baibel duahiduahi: Efeso 1-6 Ane 99
Hereva Karana: Kudouna Ibounai ida Iehova Kamonai Henia Karana Laloa Bada (be rau 261 par. 4–rau 262 par. 3)
No. 1: Efeso Ena Hamatamaia Herevana Bona Ena Namo (bsi08-1 rau 26-8 par. 1-8, 16-19)
No. 2: Efeso 3:1-19
No. 3: Sori Gwauraia Karana be Manoka Ena Toana Lasi
No. 4: Dirava ese Iakobo, Esau, Eiava Iuda Dekenai Do Idia Vara Gaudia Ia Gwauraia Guna Lasi (rs rau 299 par. 3–rau 300 par. 1)
Oct. 13 Baibel duahiduahi: Filipi 1–Kolose 4 Ane 123
Hereva Karana: Iehova ida Gaukara Hebou Taunimanima Edia Kudouna Hamarerea Totona (be rau 262 par. 4)
No. 1: Filipi Ena Hamatamaia Herevana Bona Ena Namo (bsi08-1 rau 28-30 par. 1-7, 12-14)
No. 2: Filipi 3:1-16
No. 3: Edena Dala ai Dirava ese Keristani Kongrigeisen Ia Abia Hidi Guna? (rs rau 300 par. 2–rau 301)
No. 4: * Kolose—Ena Namo (bsi08-1 rau 30-31 par. 12-14)
Oct. 20 Baibel duahiduahi: 1 Tesalonika 1–2 Tesalonika 3 Ane 161
Hereva Karana: Nega Badinaia Dalana (be rau 263 par. 1–rau 264 par. 4)
No. 1: Tesalonika Ginigunana Bona Iharuana Edia Hamatamaia Herevadia Bona Edia Namo (bsi08-2 rau 3-4 par. 1-5, 13-15; rau 5-6 par. 1-4, 10-11)
No. 2: 1 Tesalonika 1:1–2:8
No. 3: Baibel ese Hisiu Stadilaia Babalau Taudia be Edena Bamona Ia Herevalaidia? (rs rau 301 par. 1–rau 302 par. 2)
No. 4: * Timoteo Ginigunana Bona Iharuana—Ena Namo (bsi08-2 rau 7-8 par. 15-19; rau 9-10 par. 10-12)
Oct. 27 Baibel duahiduahi: 1 Timoteo 1–2 Timoteo 4 Ane 69
Hereva Karana: Hagoadaia Namonamo (be rau 265 par. 1-3)
Tiokratik Haroro Sikuli Ena Riviu
Nov. 3 Baibel duahiduahi: Tito 1–Filemon Ane 149
Hereva Karana: Lalokau Dainai Hagoadaia Herevadia Gwauraia (be rau 266 par. 1-4)
No. 1: Tito Ena Hamatamaia Herevana Bona Ena Namo (bsi08-2 rau 10-12 par. 1-4, 8-10)
No. 2: Tito 1:1-16
No. 3: Edena Bamona Ita Diba Dirava be Ia Mauri Noho? (rs rau 100-1 par. 3)
No. 4: * Filemona—Ena Namo (bsi08-2 rau 13 par. 7-10)
Nov. 10 Baibel duahiduahi: Heberu 1-8 Ane 144
Hereva Karana: Baibel amo Hagoadaia Herevadia Gwauraia (be rau 266 par. 5–rau 267 par. 1)
No. 1: Heberu Ena Hamatamaia Herevana (bsi08-2 rau 14-17 par. 1-9)
No. 2: Heberu 3:1-19
No. 3: Ena be Kara Dika Bona Hisihisi Idia Vara, to Dirava Ia Noho Lalohadaina Ita Abia Dae be Namo (rs rau 101 par. 4-6)
No. 4: Manau Momokanina be Idau Bona Manau Koikoina be Idau
Nov. 17 Baibel duahiduahi: Heberu 9-13 Ane 28
Hereva Karana: Oi Hereva Goadagoada Diba (be rau 267 par. 2-3)
No. 1: Heberu—Ena Namo (bsi08-2 rau 15-17 par. 23-7)
No. 2: Heberu 10:1-17
No. 3: Dirava be Lauma Tauna Korikorina mai Ena Hemami Danu (rs rau 102 par. 1-6)
No. 4: Edena Dala ai Tau ta Ena Dika Gwauatao Karana ese Lalotamona Ia Havaraia?
Nov. 24 Baibel duahiduahi: Iamesi 1-5 Ane 88
Hereva Karana: Hagoadaia Karana be mai Anina Bada Ena Badina (be rau 268 par. 1-3)
No. 1: Iamesi Ena Hamatamaia Herevana Bona Ena Namo (bsi08-2 rau 17-19 par. 1-7, 15-17)
No. 2: Iamesi 1:1-21
No. 3: Dirava be Ia Mauri Hanaihanai (rs rau 102 par. 7–rau 103 par. 3)
No. 4: Edena Dala ai “Bogahisihisi Ia Henia Tauna ese Kota Biaguna Ena Bogahisihisi Do Ia Davaria”? (Iam. 2:13)
Dec. 1 Baibel duahiduahi: 1 Petero 1–2 Petero 3 Ane 18
Hereva Karana: Iehova ese Ia Karaia Gaudia Oi Gwauraia (be rau 268 par. 4–rau 269 par. 2)
No. 1: Petero Ginigunana Ena Hamatamaia Herevana Bona Ena Namo (bsi08-2 rau 19-21 par. 1-5, 11-13)
No. 2: 1 Petero 2:1-17
No. 3: Hahemauri Ita Abia Totona Dirava Ena Ladana Ita Gaukaralaia be mai Anina Bada (rs rau 103 par. 4–rau 104 par. 3)
No. 4: * Petero Iharuana—Ena Namo (bsi08-2 rau 22 par. 8-10)
Dec. 8 Baibel duahiduahi: 1 Ioane 1–Iuda Ane 50
Hereva Karana: Iehova ese Ena Taunimanima Ia Durua Dalana Hahedinaraia (be rau 269 par. 3-5)
No. 1: Ioane Ginigunana, Iharuana, Bona Ihatoina Edia Hamatamaia Herevana Bona Edia Namo (bsi08-2 rau 23-5 par. 1-5, 11-13; rau 25-6 par. 1-3, 5; rau 26 par. 1-3, 5)
No. 2: 1 Ioane 4:1-16
No. 3: Dirava ese Tomadiho Iboudiai be Ia Abia Dae, A? (rs rau 104 par. 4-7)
No. 4: * Iuda—Ena Namo (bsi08-2 rau 27-8 par. 8-10)
Dec. 15 Baibel duahiduahi: Apokalupo 1-6 Ane 219
Hereva Karana: Oi Hahedinaraia Hari Dirava Ia Karaia Gaudia Oi Moalelaia (be rau 270 par. 1–rau 271 par. 2)
No. 1: Apokalupo Ena Hamatamaia Herevana (bsi08-2 rau 28-30 par. 1-6)
No. 2: Apokalupo 3:1-13
No. 3: Iesu be Edena Bamona ‘Diravana’? (rs rau 104 par. 8-9)
No. 4: Dahaka Dainai Haheauka Bona Hebogahisi be mai Edia Hetoana?
Dec. 22 Baibel duahiduahi: Apokalupo 7-14 Ane 21
Hereva Karana: Tiokratik Haroro Sikuli amo Heduru Oi Abia (be rau 5 par. 1–rau 8 par. 1)
No. 1: Apokalupo—Ena Namo (bsi08-2 rau 30-31 par. 28-34)
No. 2: Apokalupo 8:1-13
No. 3: Dirava Abia Dae Karana Dekenai Idia Gwauraia Herevadia Haerelaia Daladia (rs rau 105 par. 1–rau 106 par. 1)
No. 4: Inai Hereva Dirava be ‘Iseda Kudouna Ia Hereaia’ Ena Anina be Dahaka? (1 Ioa. 3:20)
Dec. 29 Baibel duahiduahi: Apokalupo 15-22 Ane 60
Hereva Karana: Duahia Maoro (be rau 83 par. 1–rau 84 par. 1)
Tiokratik Haroro Sikuli Ena Riviu
* Tadikaka sibona, reana elda o hesiai taudia do oi gaukaralaia.