Hesiai Hebou Ena Sediual

Itaia: November bona December lalonai, Iseda Basileia Gaukara dekenai be pura ta ta ena Hesiai Hebou ena sediual do ia hedinarai. Kongrigeisen ibounai ese “Keriso Badinaia!” Distrik Hebouhebou dekenai do idia lao dainai, gau haida idia haidaua be namo. Bema mai dalana hebouhebou ita do lao lasi neganai, Hesiai Hebou ena kahana ginigabena ai, miniti 15 oi gaukaralaia inai Iseda Basileia Gaukara lalonai idia udaia pepana amo mai anina bada sisiba herevadia oi riviulaia lou totona. Emui hebouhebou ia ore bena hua ta o rua murinai, namona be dala oi karaia Hesiai Hebou (reana kongrigeisen durua herevana) dekenai miniti 15 o 20 oi gaukaralaia, hebouhebou ena program riviulaia totona. Namona be inai riviu kahana be haroro naria tauna ese ia naria. Helai taudia oi nanadaia edena bamona unai hereva be edia haroro gaukara dekenai idia badinaia.

October 8 Purana

Ane 56

8 min: Kongrigeisen ena hadibaia herevadia. Rau 10 ai idia noho magasin herevalaia daladia eiava emu teritori ai oi gaukaralaia diba hamatamaia hereva ma haida amo, September 15 Watchtower bona September Awake! hariharilaia dalana haheitalaia. Haheitalai ta ta lalonai, ena be magasin tamona oi hahedinaraia, to Watchtower bona Awake! magasin ruaosi oi hariharilaia be namo.

17 min: Iehova Ena Orea Kahirakahira Noho. Hereva henia bona helai taudia ida Iehova Ena Ura Ia Karaia Orea bukana ena karoa 17 kikilaia.

20 min: “Tanobada Hegegemadai ‘Keriso Badinaia!’ Distrik Hebouhebou Ena Boiboi Pepana Hariharilaia.”a Paragraf 3 oi herevalaia neganai, helai taudia oi noia lagani 2007 ena distrik hebouhebou ena boiboi pepapepana hariharilaia karana amo idia davaria ekspiriens idia herevalaia totona, o lagani 2007 ena Yearbook, rau 7 ia lao rau 10 ai ia noho hereva kwara maragina dekenai ekspiriens haida herevalaia.

Ane 10

October 15 Purana

Ane 67

10 min: Kongrigeisen ena hadibaia herevadia. Iseda Basileia Gaukara amo Hadibaia Herevadia haida abia hidi.

20 min: Stiuden Tauna Oi Durua Iehova Ena Turana ai Ia Lao Totona. Hereva henia bona helai taudia ida June 1, 2000, Gima Kohorona, rau 17-​19 kikilaia. Edena dala ai Baibel Hadibaia bukana ese hadibaia tauna ia durua stiuden tauna ena kudouna dekenai ia noho gaudia ia diba gaudia oi herevalaia. Hegeregere, karoa 1, paragraf 19; karoa 2, paragraf 4; karoa 3, paragraf 24; bona karoa 4, paragraf 18 ai idia noho gaudia oi herevalaia. Pablisa taudia oi hagoadaia unai buka dekenai idia noho gaudia idia gaukaralaia namonamo totona.

15 min: Natudia Durua Haroro Dekenai Idia Goada Idia Lao Totona. Elda ta ese July 2005, Iseda Basileia Gaukara pepana ena rau 3 amo hereva ia henia. Haheitalai ta hegaegaelaia, tama eiava sina ta be ena natuna ida auka lasi kiki herevana ta idia gaukaralaia. Bena dokonai, tama eiava sina ese tanobada ibounai gaukarana ita durua dalana ia herevalaia sisina.

Ane 151

October 22 Purana

Ane 175

10 min: Kongrigeisen ena hadibaia herevadia. Akaun ripoti duahia bona kontribusen dainai hanamoa hereva gwauraia. Rau 10 ai idia noho magasin herevalaia daladia eiava emu teritori ai oi gaukaralaia diba hamatamaia hereva ma haida amo, October 1 Watchtower bona October Awake! hariharilaia dalana haheitalaia.

15 min: Kongrigeisen durua herevana.

20 min: Diari Taudia Bamona Ita Noho. Hereva henia bona inteviu haida karaia. Ita be inai tanobada ena dibura ita rakatania bona Iehova ena diari ese ita ia hakaua. (Efe. 5:​8, 9) Unai ese iseda mauri ia hanamoa bona iseda mauri be mai ena badina. (1 Tim. 4:​8) Unai ese helaro ia henia ita dekenai. (Roma 15:4) Pablisa rua o toi inteviu henia, idia be Iehova ida edia hetura karana idia hanamoa totona dahaka hahetoho gaudia idia hanaia. Hereva momokani idia dibaia neganai, dahaka hekwakwanai idia davaria? Edena dala ai unai idia hanaia? Edena dala ai hari inai negai edia mauri ia namo? Dahaka ese idia ia durua hereva momokani dekenai idia gini goada totona? Dokonai, ibounai oi hagoadaia, Iehova ida edia hetura karana idia hagoadaia bona Iehova ese ia hahedinaraia hereva momokani idia laloa bada totona.​​—2 Pet. 1:​5-8.

Ane 23

October 29 Purana

Ane 124

8 min: Kongrigeisen ena hadibaia herevadia. Pablisa taudia hadibaia lou October ena haroro ripoti idia henia totona. November ena henia gauna gwauraia, bona kiki herevana ta haheitalaia.

15 min: Lauma Dalanai Tahua Gaudia Gaukaralaia Emu Havaraia Tauna Hanamoa Totona. Hereva henia bona helai taudia ida July 15, 2004, Watchtower, rau 21-3 kikilaia. Helai taudia oi noia, dahaka tahua gaudia idia atoa bona dahaka idia karaia unai idia hagugurua totona idia herevalaia. Reana pablisa ta eiava rua oi abia hidi guna edia ekspiriens idia herevalaia totona.

22 min: “Hemataurai Karana amo Keriso Badinaia.”b Kongrigeisen ena seketere ese do ia henia. Papua New Guinea lalonai distrik hebouhebou do idia karaia gabudia gwauraia. “Distrik Hebouhebou Hadibaia Herevadia” ena maua riviulaia.

Ane 7

November 5 Purana

Ane 156

7 min: Kongrigeisen ena hadibaia herevadia.

18 min: Emu Natudia Edia Turadia Oi Diba, A? Inai hereva be Ruma Bese Ena Moale Havaraia Dalana bukana ena rau 95-7 amo.

20 min: “Ta Ta Ita Hagoadaia Heheni.”c Helai taudia noia, sekit naria tauna ena vadivadi karana ese idia ia hagoadaia dalana idia herevalaia totona. Reana pablisa ta eiava rua oi abia hidi guna edia ekspiriens idia herevalaia totona.

Ane 192

[Footnotes]