Sòm

17 O Jewova, koute siplikasyon m fè w pou w fè m jwenn jistis,

Koute m lè m rele w pou m mande w sekou,

Koute priyè mwen fè w avèk senserite a+.

 2 Se pou w fè m jwenn jistis+,

Se pou w wè mwen te aji yon fason ki dwat.

 3 Ou egzamine kè m, ou egzamine m nan nuit+,

Ou pirifye* m+,

Ou wè mwen pa t planifye pou m fè anyen ki mal,

E mwen pa t di anyen ki mal ak bouch mwen.

 4 Kèlkeswa sa lèzòm ta fè,

Pawòl ki sot nan bouch ou pèmèt mwen evite chemen vòlè yo+.

 5 Fè m kontinye mache nan chemen w yo

Pou m pa bite+.

 6 Mwen rele w, paske w ap reponn mwen+, o Bondye.

Panche zòrèy ou* pou w tande pawòl mwen yo+.

 7 Montre lanmou fidèl ou genyen an yon fason ki estrawòdinè+,

Ou menm ki se Sovè moun k ap chèche refij bò kote w,

Pou yo chape anba men moun ki fè rebèl avè w yo.

 8 Pwoteje m tankou gla je w+,

Kache m anba zèl ou kote m ap jwenn lonbray+.

 9 Pwoteje m kont mechan k ap atake m yo,

Kont ènmi ki antoure m e ki vle touye m yo*+.

10 Yo vin ensansib*.

Yo pale avèk awogans ak bouch yo.

11 Yo sènen nou tout kote n ale+,

Y ap chèche okazyon pou yo fè nou tonbe*.

12 Yo chak tankou yon lyon ki pa ka tann pou l dechire yon bèt,

Yo menm jan ak yon jenn lyon ki akoupi, ki kache, k ap tann pou l atake.

13 O Jewova, leve kanpe pou w koresponn ak yo+. Frape yo atè.

Sove m* anba men mechan yo ak epe w.

14 Sove m ak fòs ponyèt ou, o Jewova,

Sove m anba men moun nan monn* sa a ki enterese ak sa k gen nan lavi sa a sèlman+,

Moun ki chaje ak bon bagay ou bay yo+

E ki kite eritaj pou pakèt pitit yo genyen yo.

15 Kanta pou mwen, m ap parèt devan w paske mwen jis.

Mwen kontan lè m leve epi m wè w avè m*+.