Zakari
3 Apre sa, li* te fè m wè Jozye+, gran prèt la, ki te kanpe devan zanj Jewova te voye a e Satan+ te kanpe adwat Jozye pou l opoze avè l. 2 Epi, zanj Jewova a di Satan: “O Satan, se pou Jewova regle w+. Wi, se pou Jewova, ki te chwazi Jerizalèm nan+, regle w. Èske mesye sa a pa tankou yon bout bwa ki tou limen yo rale nan dife?”
3 Twouve, Jozye te gen rad sal sou li e li te kanpe devan zanj lan. 4 Zanj lan te di lòt yo ki te kanpe devan Jozye yo: “Retire rad sal la sou li.” Apre sa, li di: “Gade! Mwen fè peche w yo al lwen w* e y ap met bon kalite rad* sou ou+.”
5 Se poutèt sa, mwen di: “Se pou yo vlope tèt li ak yon gwo mouchwa pwòp+.” Epi, yo te vlope tèt li ak gwo mouchwa pwòp la e yo te met rad sou li. Zanj Jewova a te kanpe toupre a. 6 Apre sa, zanj Jewova a di Jozye: 7 “Men sa Jewova, Chèf lame yo, di: ‘Si w mache nan chemen m yo e ou fè sa m ba w fè, ebyen, w ap vin jij pou pèp ki nan kay mwen an+, e w ap pran swen* lakou kay mwen an. M ap kite w parèt devan m san pwoblèm nan mitan sila ki kanpe la yo.’
8 “‘Tanpri, o Jozye, ou menm gran prèt la ansanm ak konpayon w yo ki chita devan w yo, koute. Paske, mesye sa yo se yon siy ki montre sa k pral rive alavni. Gade! M ap fè sèvitè m nan+ ki rele Boujon vini+. 9 Men m met yon wòch devan Jozye. Sou wòch sa a gen sèt je. M ap grave yon pawòl sou li e m ap retire peche peyi sa a nan yon sèl jou.’ Se sa Jewova, Chèf lame yo, di+.
10 “‘Jou sa a, nou chak pral envite lòt vin anba pye rezen nou e anba pye fig frans nou.’ Se sa Jewova, Chèf lame yo, di+.”