Pwovèb

11 Fo balans* bay Jewova degoutans,

Men, yon pèz ki egzak* fè l plezi+.

 2 Lè yon moun pran dwa ki pa pou li, li gen pou l wont+,

Men, se moun ki konn limit* yo ki gen sajès+.

 3 Lefètke moun ki dwat la fidèl, l ap jwenn direksyon+,

Men, moun k ap fè kou trèt yo ap mouri paske yo pa onèt+.

 4 Richès* pap itil yon moun anyen nan jou kòlè a+,

Men, se sa ki dwat yon moun fè k ap delivre l anba lanmò+.

 5 Se sa ki dwat moun ki san repwòch la fè k ap fè chemen l dwat,

Men, mechan an ap tonbe akoz mechanste l fè+.

 6 Moun ki dwat yo ap delivre paske yo fè sa ki dwat+,

Men, anvi moun k ap fè kou trèt yo genyen yo ap yon pyèj pou yo+.

 7 Lè yon mechan mouri, espwa li genyen ale,

Espwa li gen sou fòs li ale avè l tou+.

 8 Yo delivre moun ki dwat la nan malè,

E moun ki mechan an pase nan plas li+.

 9 Aposta* a sèvi ak bouch li pou l fini ak lòt moun,

Men, moun ki dwat la jwenn delivrans grasa konesans li genyen+.

10 Grasa bon aksyon moun ki dwat la fè, moun nan yon vil ap rejwi,

Men, lè mechan an mouri, moun rele byen fò tèlman yo kontan+.

11 Grasa benediksyon moun ki dwat yo jwenn, yon vil vin gen anpil valè*+,

Men, moun ki mechan yo kraze vil la ak bouch yo+.

12 Yon moun ki pa gen bonsans* montre l pa gen respè pou* lòt moun,

Men, moun ki gen bon jijman toutbon an pa di anyen+.

13 Yon moun k ap pale moun mal mache met pawòl moun nan lari+,

Men, moun ki merite pou yo fè l konfyans lan* konn kenbe sekrè*.

14 Lè pa gen moun k ap bay bon direksyon*, sa fè moun soufri,

Men, tout bagay mache byen* lè gen anpil moun k ap bay konsèy+.

15 Moun ki bay garanti li responsab dèt yon etranje, sa ap mal pou li kanmenm+,

Men, moun ki pa prese bay moun garanti* ap evite pwoblèm.

16 Y ap fè lwanj pou yon fi ki fè moun renmen l+,

Men, gason ki san pitye yo fè dappiyanp sou anpil byen.

17 Lè yon moun bon moun*, se tèt* li l fè byen+,

Men, moun ki mechan an rale malè* sou tèt li+.

18 Bagay mechan an resevwa pou travay li fè pa itil li anyen+,

Men, moun ki simen sa ki dwat la jwenn yon bon rekonpans+.

19 Moun ki defann sa ki dwat ak tout fòs li a sou wout pou l jwenn lavi+,

Men, moun ki chofe pou l fè sa ki mal la se lanmò k ap tann li.

20 Moun ki gen vye lide nan kè yo bay Jewova degoutans+,

Men, moun k ap mache dwat yo fè kè l kontan+.

21 Ou mèt gen asirans*: Depi yon moun ap fè sa ki mal, l ap peye sa+,

Men, pitit moun ki dwat la ap chape.

22 Menm jan ak yon zanno lò ki nan nen yon kochon,

Se konsa yon fi ki bèl e ki pa gen bonsans ye.

23 Anvi moun ki dwat yo genyen an fè yo jwenn sa ki bon+,

Men, sa mechan yo ap tann nan fè kòlè tonbe sou yo.

24 Yon moun gendwa renmen bay*, epoutan, li vin gen plis+.

Yon lòt moun gendwa pa bay sa l te dwe bay la, malgre sa, li vin pòv+.

25 Moun* ki renmen bay la, zafè l ap byen mache*+,

E moun ki ankouraje* lòt moun ap jwenn ankourajman+.

26 Y ap bay moun ki pa vle vann manje angren yo genyen yo madichon,

Men, y ap beni moun ki vann lòt moun manje angren yo genyen.

27 Moun ki chofe pou l fè sa ki byen ap jwenn favè lòt moun+,

Men, moun k ap chèche fè sa ki mal, se malè k ap rive l kanmenm+.

28 Moun ki kwè nan richès li genyen ap tonbe+,

Men, moun ki dwat la ap pouse tankou fèy bwa+.

29 Moun ki lage fanmi l nan pwoblèm*, se van l ap jwenn kòm eritaj+,

E moun ki sòt la ap vin esklav moun ki gen sajès la.

30 Rezilta konduit moun ki dwat la se yon pyebwa ki bay lavi+,

E yon moun ki pouse lòt moun* fè sa ki bon se yon moun ki gen sajès+.

31 Si vrèmanvre moun ki dwat sou tè a ap jwenn sa yo merite,

Alewè pou moun ki mechan ak moun k ap fè peche+!