Pwovèb

7 Pitit mwen, koute pawòl mwen,

Epi konsève kòmandman m yo tankou yon trezò+.

 2 Obeyi kòmandman m yo pou w ka viv+.

Veye sou lòd* mwen ba ou tankou gla je w.

 3 Mare yo nan dwèt ou,

Ekri yo sou kè w+.

 4 Se pou w di sajès: “Ou se sè m”

E se pou w rele bon konprann: “Fanmi m”,

 5 Pou w ka pwoteje tèt ou anba fi ki deregle a*+,

Anba fi ki imoral la* e anba pawòl dous* li yo+.

 6 Pandan m te nan fenèt lakay mwen,

Mwen t ap gade anba, nan fant fenèt la.

 7 E pandan m t ap gade moun ki pa konprann anyen yo*,

Mwen te rive wè yon jèn gason pami yo ki pa gen bonsans*+.

 8 Li pase nan wout ki toupre kafou kote fi a rete a,

Li mache al nan direksyon kay fi a,

 9 Solèy te gentan kouche, se te nan aswè+,

Li t apral lannuit e li t apral fè nwa.

10 Lè sa a, mwen te wè fi a vin rankontre l.

Fi a te abiye tankou* yon pwostitye+, li mètdam anpil.

11 Li renmen fè eskandal e li angran+.

Li pa janm ret* lakay li.

12 Yon lè l deyò, apre sa, li sou plas piblik yo,

Li kache kò l bò chak kafou+.

13 Li met men sou jennonm nan epi li bo l,

Li fè figi l byen di pou l di jennonm nan:

14 “Mwen te gen pou m fè sakrifis kominyon*+.

Jodi a, mwen sot respekte ve m te fè yo.

15 Se sa k fè mwen soti vin rankontre w,

Pou m chèche wè w, e mwen jwenn ou!

16 Mwen ranje kabann mwen ak bèl dra,

Ak twal len tout koulè ki sot nan peyi Ejip+.

18 Vini non, ann fè lanmou jis li jou.

Ann pran plezi nou nan fè lanmou.

19 Paske, mari m pa lakay la,

Li vwayaje al byen lwen.

20 Li pati ak yon sak lajan,

E l ap retounen jis lè lalin nan plenn.”

21 Fi a twonpe l paske l fò anpil nan pran tèt moun+.

Li sedui l ak bèl ti pawòl dous.

22 Menm kote a, misye mache dèyè fi a tankou yon towo bèf y ap mennen labatwa,

Tankou yon moun sòt y ap met nan chenn pou yo pini l+,

23 Jiskaske yon flèch fann fwa l.

Menm jan yon zwazo kouri al antre nan yon pèlen, misye pa konnen si sa ap lakòz li pèdi lavi l*+.

24 Kounye a, pitit mwen yo, koute m.

Pran san nou pou n koute pawòl m ap di yo.

25 Pa kite kè nou fè n chankre al nan wout fi sa a.

Pa vire al nan chemen l yo+.

26 Paske li deja lakòz anpil moun mouri+,

E se pa ni de ni twa moun li touye+!

27 Se nan Tonm* kay li mennen,

E se anba, kote mò yo ye a, kay li prale.