Sòm
Pou moun k ap dirije mizisyen yo. Se pou yo akonpaye chante sa a ak enstriman akòd. Maskil*. Yon chante David te ekri.
2 Se pou w koute m, se pou w reponn mwen+.
Pwoblèm mwen an panike m+,
Mwen santi m boulvèse
3 Poutèt tout sa ènmi an ap di yo,
E poutèt presyon mechan an ap fè sou mwen.
Yo pa sispann ban m pwoblèm,
Yo fache kont mwen e yo pa vle wè m+.
5 Mwen pè, m ap tranble,
Mwen tresayi.
6 Se toutan m ap di: “Si m te gen zèl tankou yon toutrèl,
Mwen t ap vole m ale, mwen ta al ret yon kote m santi m an sekirite.
8 Mwen t ap kouri al yon kote pou m pran refij,
Mwen ta al lwen gwo van k ap vante a, lwen tanpèt la.”
9 O Jewova! Lage yo nan konfizyon, dejwe plan y ap fè yo*+,
Paske mwen wè vyolans ak hinghang nan vil la.
10 Lajounen kou lannuit, y ap mache sou tèt miray vil la,
Anndan vil la menm gen mechanste ak pwoblèm+.
11 Vil la chaje ak pwoblèm.
Moun ap fè moun abi e y ap twonpe moun sou plas piblik la+.
12 Se pa yon ènmi k ap atake m+.
Si se te sa, mwen t ap ka sipòte.
Se pa yon moun ki rayi m ki leve kont mwen avèk awogans.
Si se te sa, mwen t ap kapab kache pou li.
14 Nou te bon zanmi.
Nou te konn mache monte al nan kay Bondye a ansanm avèk foul moun yo.
15 Se pou moun sa yo peri+!
Se pou yo desann nan Tonm nan* tou vivan!
Paske, gen move bagay kote yo abite yo ak mechanste nan kè yo.
16 Men, mwen menm, se Bondye m ap rele.
Jewova ap sove m+.
18 L ap delivre* m, paske, moun ki leve kont mwen* yo anpil,
L ap fè moun k ap konbat mwen yo ban m lapè m+.
19 Bondye ap tande m e l ap reponn yo+,
Wi, Sila a ki chita sou twòn nan depi lontan an+. (Sela)
Moun ki pa gen krentif pou Bondye yo+
Pap vle chanje.