Sòm

56 Fè m favè, o Bondye, paske gen moun k ap atake m*.

Tout lajounen, y ap lite kont mwen, yo kontinye ap fè m abi.

 2 Tout lajounen, ènmi m yo kontinye ap pale di avè m.

Gen anpil moun k ap lite kont mwen avèk awogans.

 4 Mwen met konfyans mwen nan Bondye, Sila a mwen fè louwanj pou pawòl li a.

Mwen met konfyans mwen nan Bondye, mwen pa pè.

Ki sa yon moun* ka fè m+?

 5 Tout lajounen y ap ban m pwoblèm.

Sèl sa yo gen nan panse yo se fè m sa ki mal+.

 6 Yo kache kò yo yon kote pou yo atake m.

Yo veye tout sa m ap fè+

Nan espwa y ap touye m*+.

 7 Voye yo jete akoz mechanste y ap fè yo,

Se pou w detwi nasyon yo pandan w an kòlè, o Bondye+.

 8 Ou te avè m nan tout deplasman m yo+.

Se pou w mete tout dlo ki sot nan je m yo nan bidon an po w la+.

Èske w pa ekri tout move bagay ki rive m yo nan liv ou a+?

 9 Ènmi m yo ap fè bak lè m mande w pou w ede m+.

Mwen gen asirans Bondye avè m+.

10 Mwen met konfyans mwen nan Bondye, Sila a mwen fè louwanj pou pawòl li a.

Mwen met konfyans mwen nan Jewova, Sila a mwen fè lwanj pou pawòl li a.

11 Mwen met konfyans mwen nan Bondye, mwen pa pè+.

Ki sa yon moun ka fè m+?

12 Mwen gen obligasyon pou m respekte pwomès mwen fè w yo, o Bondye+,

M ap ofri w sakrifis pou m remèsye w+.

13 Paske, ou te delivre m* anba lanmò+

E w te anpeche m bite+,

Yon fason pou m ka mache devan w, o Bondye, nan limyè ki klere moun ki vivan yo+.