Pwovèb
8 Sajès ap rele byen fò
E bon jijman kontinye leve vwa l+.
2 Li sou tèt mòn yo+, bò wout yo,
Li kanpe nan mitan kafou yo,
3 Li kontinye rele byen fò
Toupre pòtay vil la
Ak nan papòt yo, li di+:
4 “Se nou menm, lèzòm, m ap rele,
M ap leve vwa m pou m rele tout moun*.
5 Nou menm ki pa gen eksperyans, chèche gen lespri+.
Nou menm ki sòt, se pou nou chèche gen yon kè ki gen bon konprann*.
6 Koute m, paske sa m ap di a enpòtan,
Se sa ki dwat mwen pale ak bouch mwen,
7 Paske se verite k ap sot nan bouch mwen,
Epi mwen rayi di pawòl manti.
8 Tout pawòl ki sot nan bouch mwen kòrèk.
Pa gen youn ladan yo ki tòde oswa ki kwochi.
9 Pou moun ki entèlijan yo, yo tout dwat,
E pou moun ki gen konesans yo, yo kòrèk.
10 Aksepte disiplin mwen olye nou aksepte ajan,
E chwazi konesans nan plas pi bon kalite lò a+,
11 Paske sajès pi bon pase koray*.
Okenn lòt bagay ki gen anpil valè pa ka parèt devan l.
12 Mwen menm, sajès, mwen rete menm kote ak entèlijans.
Mwen gen konesans e mwen konn reflechi+.
13 Yon moun gen lakrentif pou Jewova lè l rayi sa ki mal+.
Mwen rayi moun ki grandizè, moun ki gen ògèy+, moun k ap aji mal, e mwen rayi moun k ap pale pawòl devègonde+.
15 Se grasa mwen wa yo kontinye ap dirije,
E gwo otorite yo fè lwa ki bon+.
16 Se grasa mwen chèf yo kontinye ap dirije
E moun ki nan gwo pozisyon yo fè jijman ki dwat.
17 Mwen renmen moun ki renmen m yo,
E moun k ap chèche m yo ap jwenn mwen+.
18 Mwen gen richès e mwen gen glwa,
Richès mwen pap janm fini* e m ap toujou dwat.
19 Sa yon moun jwenn nan men m pi bon pase lò, menm pase pi bon kalite lò a,
E sa ki sot nan mwen gen plis valè pase pi bon kalite ajan an+.
20 Mwen mache nan chemen ki dwat la,
Nan mitan wout kote m ap jije selon lalwa a.
21 Mwen bay moun ki renmen m yo yon gwo eritaj,
E mwen plen depo yo genyen yo.
22 Jewova te fè m an premye nan tout sa l te fè+.
Se mwen ki premye nan tout sa l fè depi byen lontan yo+.
25 Anvan li te met mòn yo nan plas yo,
Anvan l te fè ti mòn yo, li te fè m,
26 Lè l potko fè ni tè a, ni jaden ki sou li yo,
Ni premye kouch tè a.
27 Mwen te la lè l te fè syèl la+,
Lè l te trase yon liy* pou l separe syèl la ak lanmè a+,
28 Lè l te met nyaj yo* anlè a,
Lè l te fè dlo plen fon lanmè a,
29 Lè l te bay dlo lanmè yo lòd
Pou yo pa depase limit yo+
E lè l te fè fondasyon* tè a,
30 Lè sa a, mwen te bò kote l kòm yon moun ki konn travay byen+.
Chak jou, se mwen ki te ba l plis kè kontan+,
Mwen te toujou kontan ret bò kote l+.
31 Lè m te gade tè l la li te fè pou moun rete a, sa te fè m kontan,
Epi, se pitit lèzòm yo* mwen te pi renmen.
32 Kounye a, pitit mwen yo, koute m.
Wi, byennere moun ki kontinye suiv chemen m yo.
33 Koute lè y ap ban nou disiplin+ pou nou ka gen sajès.
Pinga nou janm neglije l!
34 Byennere moun ki koute sa m di,
Ki vin byen bonè* nan papòt kay mwen chak jou
E ki ret tann bò papòt kay mwen.
35 Paske, moun ki jwenn mwen ap gen lavi+,
E Jewova ap fè l favè.