Առակներ

 2 Ի՞նչ ասեմ, որդի՛ս,

Ի՞նչ ասեմ, արգանդիցս դուրս եկած որդի՛,

Ո՛վ երդումներիս որդի:+

 3 Ուժերդ մի՛ վատնիր կանանց վրա,*+

Ոչ էլ թագավորներին կործանող ուղին բռնիր:+

 4 Թագավորներին վայել չէ, ո՛վ Լեմուել,

Թագավորներին վայել չէ գինի խմելը,

Եվ կառավարչին վայել չէ ասելը, թե՝ «Որտե՞ղ է խմիչքս»,+

 5 Որ չխմեն ու մոռանան օրենքը

Եվ խեղաթյուրեն խեղճերի իրավունքները:

 6 Ոգելից խմիչքը տվեք նրանց, ովքեր կործանման եզրին են,+

Եվ գինին՝ նրանց, ում հոգին դառնացած է:+

 7 Թող նրանք խմեն ու մոռանան իրենց աղքատությունը

Եվ այլևս չհիշեն իրենց սրտի ցավը:

 8 Խոսիր ի պաշտպանություն նրանց, ովքեր չեն կարողանում իրենց պաշտպանել,

Պաշտպանիր բոլոր նրանց իրավունքները, ովքեր կործանման եզրին են:+

 9 Խոսիր և արդարությամբ դատիր,

Պաշտպանիր խեղճի ու աղքատի իրավունքները:+

11 Նրա ամուսինը ողջ սրտով վստահում է նրան,

Եվ ոչ մի արժեքավոր բանի պակաս չունի:

12 Իր կյանքի բոլոր օրերում

Նա բարիքով է հատուցում ամուսնուն, ոչ թե չարիքով:

13 Նա բուրդ ու կտավ է ձեռք բերում

Եվ հաճույք է ստանում իր ձեռքերով աշխատելուց:+

14 Վաճառականի նավերի նման+

Նա ուտելիքը հեռվից է բերում:

15 Նա վեր է կենում, երբ դեռ գիշեր է,

Ու հոգ է տանում տնեցիներին կերակուր տալու

Եվ իր աղախիններին իրենց բաժինը հատկացնելու մասին:+

17 Նա ծանր աշխատանք է հանձն առնում*+

Եվ իր ձեռքերով ջանադրաբար աշխատում է:

19 Նա մեկնում է իր ձեռքը ճախարակին

Եվ իլիկն* ափի մեջ առնում:+

20 Նա օգնության ձեռք է մեկնում կարիքավորին

Ու առատաձեռնորեն տալիս է աղքատին:+

21 Ձյան ժամանակ նա չի անհանգստանում իր տնեցիների համար,

Որովհետև իր բոլոր տնեցիները տաք* հագուստներ են հագած:

23 Նրա ամուսինը ճանաչված է քաղաքի դարպասների մոտ,+

Որտեղ նստում է այդ շրջանի երեցների հետ:

24 Նա վուշե հագուստներ* է կարում ու վաճառում

Եվ գոտիներ է վաճառքի տալիս առևտրականներին:

25 Ուժն ու պատիվը նրա զգեստն են,

Եվ նա վստահությամբ է նայում ապագային:

26 Նա իմաստությամբ է խոսում,+

Եվ բարության օրենքը* նրա լեզվի վրա է:

27 Նա հետևում է իր տան գործերին

Ու երբեք ձեռքերը ծալած չի նստում:+

28 Նրա որդիները վեր են կենում և գովում նրան,

Նրա ամուսինը վեր է կենում ու նրան գովեստի խոսքեր ասում:

29 Առաքինի շատ կանայք կան,

Բայց դու գերազանցում ես նրանց բոլորին:

30 Հմայքը կարող է խաբուսիկ լինել, և գեղեցկությունը՝ անցողիկ,*+

Բայց այն կինը, որը վախենում է Եհովայից, գովասանքի կարժանանա:+

31 Վարձահատույց եղեք նրան իր արածների համար,+

Եվ թող քաղաքի դարպասների մոտ գովաբանեն նրան իր գործերի համար:+