Սաղմոսներ

51 Ո՛վ Աստված, քո հավատարիմ սիրուց մղված՝ իմ հանդեպ բարեհաճ եղիր,+

Քո մեծ գթասրտությունից մղված՝ հանցանքներս ջնջիր:+

 2 Հանցանքիս աղտից ինձ մաքրիր,+

Իմ մեղքը սրբիր:+

 3 Ես լավ գիտակցում եմ հանցանքս,

Միշտ աչքիս առաջ է* մեղքս:+

 4 Գլխավորապես քո դեմ* եմ մեղք գործել,+

Ինչը քո աչքին չար է, դա եմ արել,+

Այնպես որ դու ճիշտ ես քո խոսքերում,

Արդարացի ես քո դատաստանում:+

 5 Ահա իմ ծնված օրից ես հանցավոր եմ,

Մորս արգանդում իմ սկզբնավորման պահից մեղավոր եմ:+

 6 Քեզ հաճելի է, երբ մարդն անկեղծ է իր սրտում,+

Ուսուցանիր ինձ, որ ճշմարիտ իմաստությունն ըմբռնեմ սրտիս խորքում:*

 7 Զոպայով* մաքրագործիր ինձ, որ ես մեղքից մաքրվեմ,+

Լվա ու մաքրիր ինձ, որ ձյունից ճերմակ լինեմ:+

 8 Օգնիր, որ նորից հաճույքով լսեմ ցնծության և ուրախության ձայները,

Որ առողջանան* քո ձեռքով փշրված իմ ոսկորները:+

 9 Իմ մեղքերից հայացքդ թեքիր,+

Իմ բոլոր սխալները ջնջիր:+

10 Ո՛վ Աստված, մաքուր սիրտ ստեղծիր իմ ներսում+

Եվ տուր նոր ոգի,+ որ վճռականությամբ է լեցուն:

11 Ինձ մի՛ զրկիր քո հավանությունից*

Եվ քո սուրբ ոգին մի՛ վերցրու ինձնից:

12 Թող որ նորից զգամ այն ուրախությունը,

Որ բերում է քո տված փրկությունը:+

13 Եվ ես օրինազանցներին կճանաչեցնեմ քո ուղիները,+

Որ քեզ մոտ վերադառնան մեղսագործները:

14 Արյունապարտությունից փրկիր ինձ,+ ո՛վ Աստված, իմ փրկի՛չ Աստված,+

Որ քո արդարության մասին հռչակեմ՝ ուրախությամբ լցված:+

15 Ո՛վ Եհովա, բացիր շուրթերիս կապանքը,

Որ քեզ գովաբանի իմ բերանը:+

16 Չէ՞ որ դու զոհ չես ուզում,

Այլապես ես այն կմատուցեի քեզ:+

18 Գթասիրտ եղիր և Սիոնի հետ բարությամբ վարվիր,

Երուսաղեմի պարիսպները վերաշինիր:

19 Այդժամ քեզ հաճելի կլինեն անարատությամբ մատուցված զոհերը,

Հրկիզվող զոհերն ու ողջակեզները,

Եվ ցլեր կմատուցվեն զոհասեղանիդ վրա:+