Ի՞նչ արեց Հիսուսը, երբ երկրի վրա էր

Շատերը Հիսուսին պատկերացնում են որպես անօգնական մի մանուկ, իմաստուն մարգարե կամ տանջալից մահով մեռնող մարդ։ Հիսուսի երկրային կյանքը ուսումնասիրելով՝ կարող ենք ավելի շատ բան իմանալ նրա մասին։ Այս դասում կքննարկենք որոշ կարևոր գործեր, որոնք Հիսուսն արեց երկրի վրա եղած ժամանակ, և կտեսնես, թե դրանք ինչպես են առնչվում քեզ։

1. Ինչո՞վ էր հիմնականում զբաղված Հիսուսը

Հիսուսի հիմնական գործը «Աստծու թագավորության բարի լուրը.... քարոզելն» էր (կարդա Ղուկաս 4։43)։ Նրա քարոզած բարի լուրն այն մասին էր, որ Աստված թագավորություն, կամ՝ կառավարություն է հաստատելու, որը լուծելու է մարդկության բոլոր խնդիրները։a Հիսուսը երեքուկես տարի եռանդորեն հայտնում էր այս բարի լուրը (Մատթեոս 9։35)։

2. Ինչո՞ւ էր Հիսուսը հրաշքներ գործում

Աստվածաշնչում խոսվում է շատ «զորավոր գործերի, հրաշքների ու նշանների [մասին].... որոնք Աստված [Հիսուսի] միջոցով կատարեց» (Գործեր 2։22)։ Աստծու զորությամբ Հիսուսը կարողացավ ղեկավարել բնության ուժերը, կերակրել հազարավորների, բուժել հիվանդների և նույնիսկ կյանքի բերել մահացած մարդկանց (Մատթեոս 8։23–27; 14։15–21; Մարկոս 6։56; Ղուկաս 7։11–17)։ Հիսուսի կատարած հրաշքները փաստում էին, որ Աստված է նրան ուղարկել։ Դրանք նաև ցույց էին տալիս, որ Եհովան ի զորու է լուծելու մեր բոլոր խնդիրները։

3. Ի՞նչ ենք սովորում Հիսուսի ապրելակերպից

Հիսուսը հնազանդվում էր Եհովային բոլոր իրավիճակներում (կարդա Հովհաննես 8։29)։ Չնայած հակառակությանը՝ նա մինչև մահ հավատարմորեն կատարեց իր Հոր կամքը։ Հիսուսը փաստեց, որ նույնիսկ դժվարությունների ներքո հնարավոր է Աստծուն ծառայել՝ այդպիսով «օրինակ թողնելով [մեզ], որ սերտորեն նրա հետքերին հետևենք» (1 Պետրոս 2։21)։

5. Հիսուսը արժեքավոր ճշմարտություններ էր սովորեցնում

Աստծու Թագավորության մասին քարոզելուց բացի՝ Հիսուսը գործնական դասեր էր սովորեցնում իր ունկնդիրներին։ Տես մի քանի օրինակ հայտնի Լեռան քարոզից։ Կարդացեք Մատթեոս 6։14, 34 և 7։12 համարները և քննարկեք հետևյալ հարցերը։

• Ի՞նչ գործնական խորհուրդներ տվեց Հիսուսը այս համարներում։

• Քո կարծիքով՝ այս խորհուրդները արդիակա՞ն են այսօր։

6. Հիսուսը հրաշքներ էր գործում

Եհովան Հիսուսին օժտել էր հրաշքներ գործելու կարողությամբ։ Նման օրինակ տեսնելու համար կարդացեք Մարկոս 5։25–34 համարները կամ դիտեք ՏԵՍԱՆՅՈՒԹԸ, այնուհետև քննարկեք հաջորդող հարցերը։

ՏԵՍԱՆՅՈՒԹ. «Հիվանդ կինը բուժվեց» (5։10)

• Ինչո՞ւմ էր համոզված այդ հիվանդ կինը։

• Այս հրաշքը ինչո՞վ է տպավորիչ քեզ համար։

Կարդացեք Հովհաննես 5։36 և քննարկեք հետևյալ հարցը։

• Այս հրաշքները ինչի՞ մասին են «վկայում» կամ ի՞նչ են փաստում։

ԱՄՓՈՓՈՒՄ

Հիսուսը քարոզում էր Աստծու Թագավորության մասին, հրաշքներ էր գործում և միշտ հնազանդվում էր Եհովային։

Վերհիշենք

• Երկրի վրա եղած ժամանակ ինչո՞վ էր հիմնականում զբաղված Հիսուսը։

• Ի՞նչի մասին են վկայում Հիսուսի հրաշքները։

• Ի՞նչ գործնական դասեր էր Հիսուսը սովորեցնում։

ԲԱՑԱՀԱՅՏԻՐ ԱՎԵԼԻՆ

Ամենաշատը ո՞ր թեմայի մասին էր խոսում Հիսուսը։

«Աստծու Թագավորություն. ինչու այն մեծ նշանակություն ունի Հիսուսի համար» («Դիտարան», 2014 թ. հոկտեմբերի 1)

Քննիր, թե ինչու կարող ենք վստահ լինել, որ Հիսուսի գործած հրաշքները իրական էին։

«Հիսուսի հրաշքները. ի՞նչ կարող եք սովորել» («Դիտարան», 2004 թ. հուլիսի 15)

Այս հոդվածից կիմանաս, թե Հիսուսի անձնազոհությունը ինչ ազդեցություն ունեցավ մի մարդու վրա։

«Կյանքս իմ շուրջն էր պտտվում» («Դիտարան», 2014 թ. հոկտեմբերի 1)

Տես Հիսուսի կատարած գործերը ժամանակագրական հաջորդականությամբ։

«Հիսուսի երկրային կյանքի հիմնական իրադարձությունները» («Աստծու Խոսքի ուսումնասիրության ուղեցույց», 4Բ)