Salmo

34 Idaydayawko ni Jehova iti amin a tiempo;

Kanayon nga iyebkasko ti panangidaydayawko.

 2 Ipagpannakkelko ni Jehova;+

Mangngegto dagiti naemma ket maragsakanda.

 3 Itan-oktayo ni Jehova,+

Agkakaduatayo a mangidaydayaw iti naganna.

 5 Rimmagsak dagidiay nagtalek kenkuana;

Saanda a naibabain.

 7 Bambantayan ti anghel ni Jehova dagidiay agbuteng iti Dios,+

Ket isalakanna ida.+

 8 Nanamenyo ken kitaenyo a ni Jehova ket naimbag;+

Naragsak ti tao nga agkamang kenkuana.

 9 Dakayo amin a nasantuan, agbutengkayo ken Jehova,

Ta saan nga agkurang iti aniaman dagidiay agbuteng kenkuana.+

10 Nabisinan uray dagiti napigsa a bumaro a leon,*

Ngem saan nga agkurang iti aniaman a nasayaat dagidiay mangsapsapul ken Jehova.+

11 Umaykayo, annakko, dumngegkayo kaniak;

Isurok kadakayo ti panagbuteng ken Jehova.+

12 Asino kadakayo ti maragragsakan iti biag

Ken mayat a makakita iti adu a nasayaat nga aldaw?+

13 Igawidmo ngarud ta dilam iti panagsao iti dakes,+

Ken dagiti bibigmo iti panagsao iti makaallilaw.+

14 Adaywam ti dakes ken aramidem ti naimbag;+

Sapulem ti kappia ken surotem dayta.+

15 Nakaturong dagiti mata ni Jehova kadagiti nalinteg,+

Ken denggen dagiti lapayagna ti panagpatulongda.+

16 Ngem busoren ti rupa ni Jehova dagidiay agar-aramid iti dakes,

Tapno pukawenna ti amin a pakalaglagipan kadakuada ditoy daga.+

17 Imkisda, ket nangngeg ida ni Jehova,+

Insalakanna ida iti amin a rigatda.+

18 Asideg ni Jehova kadagiti nasaktan ti pusoda;+

Isalakanna dagidiay nadudog ti espirituda.*+

19 Adu ti rigat* daydiay nalinteg,+

Ngem manipud amin kadagita, isu ket ispalen ni Jehova.+

20 Amin a tulangna ket salsalakniban ti Dios;

Awan uray maysa ti natukkol.+

21 Dagiti managdakdakes ket matayto iti didigra;

Dagidiay manggurgura kadagiti nalinteg ket makedngan a nakabasol.

22 Subboten ni Jehova ti biag* dagiti adipenna;

Awanto ti masarakan a nakabasol kadagidiay agkamang kenkuana.+