Salmo

8 O Jehova nga Apomi, anian a nakatantan-ok ti naganmo iti intero a daga,

Nangatngato ngem iti langit ti kinangayedmo!*+

 2 Manipud iti ngiwat dagiti ubbing ken maladaga+ impakitam ti bilegmo

Maigapu kadagiti kabusormo,

Tapno mapagulimek ti kabusor ken ti mangibales.

 3 No tumangadak iti langit nga aramid dagiti imam,*

Ti bulan ken dagiti bituen nga insaganam,+

 4 Ania koma ti tao tapno silalagipka kenkuana,

Ken ti anak ti tao tapno aywanam isuna?+

 5 Pinagbalinmo a nababbaba bassit ngem kadagiti anghel,*

Ken kinoronaam iti dayag ken kinangayed.

 6 Pinagturaymo kadagiti inaramidmo;+

Impasakupmo kenkuana ti amin a banag iti baba dagiti sakana:

 7 Ti intero nga arban* ken ti amin a baka,

Agraman dagiti atap nga animal,*+

 8 Dagiti billit iti tangatang ken dagiti ikan iti baybay,

Ken ti aniaman nga aglanglangoy iti baybay.