Salmo

84 Anian a nagpintas* ti naindaklan a tabernakulom,+

O Jehova a panguluen dagiti armada!

 2 Magagaran ti intero a kinataok,*

Wen, kasta unay ti iliwko

A mapan iti paraangan ni Jehova.+

 3 Sadiay pay ketdi nga agnanaed dagiti billit

Ken agumok ti sallapingaw,

Ket padakkelenna dagiti sibongna

Iti asideg ti naindaklan nga altarmo, O Jehova a panguluen dagiti armada,

Sika nga Arik ken Diosko!

 5 Naragsak dagiti tattao a sika ti pagtataudan ti pigsada,+

Ken mapan iti balaymo ti tartarigagayan ti pusoda.

 6 Bayat a lumaslasatda iti natikag a Tanap ti Baca,*

Imbilangda dayta a lugar dagiti ubbog;

Ken pangibuybuyatan ti nasapa a tudo* kadagiti bendision.

 7 Pumigpigsada bayat a magmagnada;+

Mapan ti tunggal maysa iti sanguanan ti Dios idiay Sion.

 8 O Jehova a Dios dagiti armada, denggem ti kararagko;

Umimdengka, O Dios ni Jacob. (Selah)

 9 Kitaem, O kalasagmi+ ken Diosmi,*

Kitaem ti rupa daydiay dinutokam.*+

Kaykayatko ti agtakder nga agserbi iti ruangan ti balay ti Diosko

Ngem ti agyan iti tolda dagiti managdakdakes.

11 Ta ni Jehova a Dios ket init+ ken kalasag;+

Mangted iti parabur ken dayaw.

Saan nga ipaidam ni Jehova ti aniaman a naimbag

Kadagidiay awan pagkuranganna.+

12 O Jehova a panguluen dagiti armada,

Naragsak ti tao nga agtalek kenka.+