Job

14 “Ti tao nga inyanak ti babai,

Ket ababa ti biagna+ ken napno iti riribuk.+

 2 Agukrad a kas iti sabong ket intono kuan, malaylayen;*+

Lumabas ken mapukaw a kas iti anniniwan.+

 3 Wen, sipsiputam ti tao,

Ken sika a mismo ti mangidarum kenkuana.*+

 5 No naikeddengen dagiti aldawna,

Ammom ti bilang dagiti bulanna;

Inkeddengmo ti pagpatinggaanna tapno saan a lumbes iti dayta.+

 6 Isardengmon ti panangkitam kenkuana tapno aginanan,

Agingga a malpasna ti agmalem nga obrana a kas iti matangtangdanan a trabahador.+

No mapukan, agsaringitto manen,

Ket agtultuloy a dumakkel dagiti saringitna.

 8 No lumakay ti ramutna iti daga

Ken matay ti pungdolna iti nagtubuanna,

 9 No matedtedan iti danum, agsaringit dayta;

Ken agsanga a kas iti baro a mula.

10 Ngem matay ti tao ken awanen ti gawayna;

No mauyos ti biag ti tao, sadinon ti ayanna?+

11 Agpukaw ti danum ti baybay,

Ket maatianan ken agmaga ti karayan.

Agingga nga awanen ti langit, saandan nga agriing,

Wenno agkuti iti pannaturogda.+

13 O ilemmengnak koma iti Tanem,*+

Tapno idulinnak agingga a bumaaw ti pungtotmo,

Tapno mangikeddengka iti tiempo para kaniak ket lagipennak!+

Agurayak iti amin nga aldaw ti inkapilitan a panagserbik,

Agingga nga umay ti pannakabang-arko.+

16 Ngem ita, bilbilangem ti tunggal addangko;

Ti laeng basolko ti sipsiputam.

17 Inkabilmo ti basolko iti bag ket siniglotam,

Ken pinagtalinaedmo ti kamalik.*

18 Kas iti matebbag ken margaay a bantay,

Ken iti dakkel a bato a naikkat iti ayanna,

19 Kas iti danum a mangrunot kadagiti bato

Ken mangyanud iti daga,

Kasta ti panangdadaelmo iti namnama ti tao.

20 Abakem agingga a matay;+

Baliwam ti langana sa papanawem.

21 Mapadayawan ti annakna, ngem dina ammo dayta;

Agbalinda a nanumo, ngem dina mapanunot dayta.+

22 Mariknana ti ut-ot bayat nga adda pay la lasagna;

Agledleddaang bayat a sibibiag pay.”