Ammoyo Kadi?
(Masarakan dagiti sungbat daytoy a pannubok kadagiti naipaay a sitas ti Biblia, ket nayimprenta iti panid 28 ti intero a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)
1. Asino ti kangrunaan a kabusor ni Jehova? (Apocalipsis 20:2)
2. Nupay “Jehovah” ti pagaammo unay a pannakaibalikas ti nadibinuan a nagan iti Ingles, ania ti anamongan ti kaaduan nga eskolar iti Hebreo?
3. Aniat’ nagbalinan ti inauna nga anak ni Abraham a ni Ismael tapno makapagbiag iti let-ang? (Genesis 21:20)
4. Asino ti di nangipakita iti panagraem ken amana a nakailunodan ti anakna? (Genesis 9:22-25)
5. Tangay dina palubosan a pumanaw, inkari ni Solomon nga ikkanna ni balasang a Sulamita kadagiti ania a pagarkos? (Kanta ni Solomon 1:11)
6. Manipud iti ania a lugar a nakita ni Moises ti Naikari a Daga, nupay di napalubosan a sumrek iti dayta? (Deuteronomio 3:27)
7. Ania ti naibetun iti uneg ken ruar ti daong ni Noe? (Genesis 6:14)
8. Ania ti kinuna ni Pablo a masapul nga aramidentayo tapno ‘buyogen ti panagibtur a tarayentayo koma ti lumba a naikabil iti sanguanantayo’? (Hebreo 12:1)
9. Asino ti nangaramid iti immuna a nairekord a panangpagungar? (1 Ar-ari 17:21-23)
10. Sigun iti imbaga ni Jesus, apay a saan a maikabil ti baro nga arak kadagiti daan a supot a lalat? (Marcos 2:22)
11. Ania a rekord ti masarakan iti kapitulo 6 agingga iti 9 ti Genesis? (Genesis 6:9)
12. Mainayon iti balitok, pirak, ken marfil, ania a dua a kita ti animal ti insangpet dagiti bunggoy dagiti naglayag a barko ni Solomon sadi Tarsis iti kada tallo a tawen? (1 Ar-ari 10:22)
13. Aniat’ napasamak idi a da Ari Roboam ken Adoram, a mangay-aywan kadagiti trabahador a napilit nga agtrabaho, simrekda iti teritoria dagiti simmina a makin-amianan a tribu? (2 Cronicas 10:18)
14. Ania ti kuna ti Dios a “pagbatayan dagiti saka[na]”? (Aramid 7:49)
15. Asino ti nagbalin nga ulila idi natay ni nanangna a nagpasngay kenkuana, kalpasan a nadamagna a napapatay ni lakayna? (1 Samuel 4:19-21)
16. Para kadagidiay awanan iti ania a ti Dios “pawadwadenna iti pigsa”? (Isaias 40:29)
17. No maidaton iti Dios, ania ti saan koma a nalaokan iti lebadura wenno “diro”? (Levitico 2:11)
18. Ania ti impadto ti Mikias a din sursuruen dagiti nasion? (Mikias 4:3)
19. Sigun ken Jesus, ania ti Sao ti Dios? (Juan 17:17)
20. Asino ti ama ni Jonas? (Jonas 1:1)
21. Ania ti inaramid ni Ari Asuero maipaay kadagiti papanguluenna iti masakupanna a distrito a pangselebrar iti panamagbalinna ken ni Ester kas reynana? (Ester 2:18)
22. Ania ti naaramid a mangipakita a ti bag-en a Hebreo ket situtulok a di mawayawayaan no di ket agtalinaed nga agserbi ken ni apona? (Exodo 21:5, 6)
23. Nangipanan ti naasi a Samaritano iti nasugatan a lalaki tapno mataripato? (Lucas 10:34)
Dagiti Sungbat iti Pannubok
1. Satanas a Diablo
2. Yahweh
3. Pumapana
4. Cam
5. “Sallapid a balitok” ken “butones a pirak”
6. Tapaw ti Pisga
7. Galagala
8. “Ikkatentayo met koma ti tunggal dadagsen ken ti basol a silalaka a mangsagud kadatayo”
9. Elias
10. Mabtak dagiti lalat, ket masayang ti arak ken kasta met dagiti lalat
11. Ti pakasaritaan ni Noe
12. Dagiti bakes ken paboreal
13. Ni Adoram ket inuborda a pinatay, idinto ta ni Roboam ket naglibas a nakaispalan ti biagna
14. Ti daga
15. Icabod
16. Kabaelan
17. Daton a bellaay
18. Gubat
19. Kinapudno
20. Amittai
21. Panangpakawan
22. Tebbengennanto ti lapayagna iti kulukol
23. Pagdagusan