Ammoyo Kadi?

(Masarakan dagiti sungbat daytoy a quiz kadagiti naipaay a teksto ti Biblia, ket nayimprenta iti panid 22 ti kompleto a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)

1. Siasino ti nakita ni apostol Juan “iti tengnga dagiti pagsaadan ti silaw” a nangted kenkuana kadagiti mensahe para iti pito a kongregasion? (Apocalipsis 1:13)

2. Imbes nga ipalubostayo a ‘parmekennatayo ti dakes,’ ania ti imbalakad ni Pablo nga aramidentayo? (Roma 12:21)

3. Ania ti kayat a sawen ni Jesus idi kinunana: “No ti asinoman iti sidong ti kinaturay pilitennaka nga agserbi iti maysa a milia, kumuyogka kenkuana iti dua a milia”? (Mateo 5:41)

4. Imbes a panangsallapid iti buok ken panangikapet kadagiti balitok a pagarkos, ania ti imbalakad ni Pedro nga iyarkos dagiti Kristiano nga assawa a babbai iti bagida? (1 Pedro 3:3, 4)

5. Ania ti inyawag ni Isaias ken Abraham, a mangipasimudaag nga isu ti natauan nga ama ti nasion ti Israel? (Isaias 51:1, NW)

6. Apay a saan nga ininum ni David ti danum a naggapu idiay Betlehem nga insangpet ti tallo a maingel a lallaki idi isut’ adda iti rukib idiay Adullam? (2 Samuel 23:15-17)

7. Ania ti ar-aramiden ni Bat-seba idi damo a nakita ni David? (2 Samuel 11:2)

8. Imbes a tinta, ania ti imbaga ni Pablo a naisurat iti puso dagiti Kristiano a taga Corinto? (2 Corinto 3:3)

9. Babaen ti ania a pamay-an a pinaksiat ni Jehova dagiti dudon iti maikawalo a saplit isu nga awan a pulos ti nabati idiay Egipto? (Exodo 10:19)

10. Ania dagiti makagapu a pinapatay ni Jehova ni Saul? (1 Cronicas 10:13)

11. Iti ania a sangladan a siudad a naglugan ni Pablo iti sabali a barangay kas balud a naipan idiay Roma? (Aramid 27:5)

12. Kasano nga impakita ni Jehova ti pannakaseknanna kadagiti balo ken ulila idiay nagkauna nga Israel? (Exodo 22:22-24; Deuteronomio 24:17-21)

13. Ania ti impanagan ti papadi iti talon a nagatang babaen ti kuarta nga imbelleng ni Judas idiay templo? (Mateo 27:3-8; Aramid 1:19)

14. Apay a kasta unay ti panangbabalaw ni Pedro ken Simon iti panangitukonna iti kuarta agpaay iti kinaturay a mangipaay ti nasantuan nga espiritu? (Aramid 8:20, 21)

15. Mano ti tawen ni Sara idi impasngayna ni Isaac? (Genesis 17:17)

16. Sadino ti immakaran da Elimelec ken ni baketna a Naomi gapu iti bisin a sadiay nga inkallaysa ti anakda a ni Mahalon ni Ruth? (Ruth 1:1-4)

Dagiti Sungbat ti Quiz

1. Ni Jesu-Kristo ti dineskribir ni Juan nga “umasping iti anak ti tao”

2. “Itultuloymo a parmeken ti dakes babaen ti naimbag”

3. Inyilustrarna a kasapulan ti situtulok a panagtulnog kadagiti nainkalintegan a kalikagum

4. “Ti di agrupsa a pagan-anay ti naulimek ken naalumamay nga espiritu”

5. “Ti bato a nakatagaanyo”

6. Agsipud ta inrepresentarna ti darada, nga inrisgoda tapno maalada dayta

7. Agdigdigus

8. “Babaen ti espiritu ti sibibiag a Dios”

9. Napigsa unay nga angin a naggapu iti laud a nangipalais kadagitoy idiay Nalabaga a Baybay

10. Naglabsing a maikaniwas ken Jehova babaen ti saanna a panangtungpal kadagiti bilinna ken ti panagsapulna iti patigmaan ti maysa a baglan

11. Mira ti Licia

12. Inyurnosna ti pagimbagan ken pannakataraonda

13. Akeldama, wenno “Talon ti Dara”

14. Nangipakita iti dakes a motibo idi pinadasna a gatangen daytoy “awan bayadna a sagut ti Dios,” ken ti pusona “saan a nalinteg iti imatang ti Dios”

15. Agtawen iti 90

16. Moab