Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 14 ti kompleto a listaan dagiti sungbat. Agpaay iti kanayonan nga impormasion, agkonsultakayo iti publikasion nga “Insight on the Scriptures,” nga impablaak ti Watchtower Bible and Tract Society of New York, Inc.)

1. Tao man, animal, wenno apit, ania ti kalikaguman ni Jehova a maidaton kenkuana? (Proverbio 3:9)

2. Iti Linteg, binigbig ni Jehova a nalabit di umiso a mausar a kas igam ti ania nga alikamen a pagtalon? (Exodo 21:18)

3. Kas panagsagana iti pannakaaramid ti templo, ania ti imbilin ni Ari David nga aramiden dagiti ganggannaet nga umili? (1 Cronicas 22:2)

4. Bayat a magmagna iti dalan nga agturong idiay Emmaus, siasino ti nangibaga a nalabit maysa a ganggannaet nga umili ni Jesus agsipud ta kasla dina ammo ti napasamak idiay Jerusalem? (Lucas 24:18)

5. Siasino ti kanayon a mailista a maikadua nga anak ni Noe, nupay nalabit isu ti buridek? (Genesis 5:32)

6. Siasino a padi a kaputotan ni Aaron ti nagdinamag nga eksperto a managkopia ken mannursuro iti Linteg? (Nehemias 8:13)

7. Sigun iti Deuteronomio 21:20, 21, gapu kadagiti ania nga aramid a mabalin a maubor ti nasukir nga anak agingga a matay?

8. Ti Bul, ti maikawalo a bulan iti sagrado a kalendario dagiti Judio, ket pagaammo gapu kadagiti ania nga agsusupadi a banag a nainaig iti panagdayaw dagiti Israelita? (1 Ar-ari 6:38; 12:26-33)

9. Ania a gagangay a substansia ti nagbalin a simbolo ti kinapaut ken kinapermanente? (Numeros 18:19)

10. Ania ti nakapanunotan ti manong ti barayuboy nga anak nga adda karkarna a mapaspasamak idiay balayda? (Lucas 15:25)

11. Nangipakbuan ti maikapito nga anghel iti malukong ti pungtot ti Dios? (Apocalipsis 16:17)

12. Ania ti makindaya a beddeng ti imperio ni Ari Asuero ti Persia? (Ester 1:1)

13. Iti sirmatana, siasino ti nakita ni Juan nga agtugtugaw kadagiti trono iti aglawlaw ti trono ni Jehova? (Apocalipsis 4:4)

14. Ania ti inyawag ni Jesus kadagiti managayat iti tradision a Fariseo? (Mateo 15:14)

15. Ania ti pangawag dagiti tattao idi unana iti Mediteraneo nanipud idi panawen ni Moises ken agpatpatuloy? (Numeros 34:6)

16. Ania ti ar-aramiden ti Etiope nga eunuko idi inasitgan ni Felipe ti karuahena? (Aramid 8:28)

17. Ania ti naaramid a mangipakita a saan a kayat ti maysa a Hebreo nga adipen a mawayawayaan manipud iti apona? (Exodo 21:6)

18. Nangipanan ti naimbag a Samaritano iti dandani natayen nga Israelita a nasarakanna iti kalsada? (Lucas 10:34)

19. Siasino ti kaunaan a nalinteg nga ari a nagturay iti pagarian ti Juda? (1 Ar-ari 15:11)

20. Siasino ti kangrunaan nga artesano ken nagaramid iti tabernakulo, ket siasino ti kangrunaan a katulonganna? (Exodo 31:2-6)

21. Ania ti makuna a relasion ni Jesus iti kongregasion Kristiano, a mangipaganetget iti kinaulo ken naayat a panangaywanna? (Efeso 5:22, 23; Apocalipsis 21:2)

22. Siasino ti nagdinamag a babai a nakangngeg iti panangikalintegan ni Pablo iti Areopago sadi Atenas ken nagbalin a manamati? (Aramid 17:33, 34)

23. Ania ti impukkaw ni Gobernador Festus nga ar-aramiden ti “adu nga adal” ken Pablo? (Aramid 26:24)

24. Ania nga animal ti nagsakayan ni Jesus a sibaballigi idiay Jerusalem? (Juan 12:14, 15)

Dagiti Sungbat ti Quiz

1. Umuna a bungbunga

2. Ti gabion

3. Agtikap iti batbato

4. Cleopas

5. Cam

6. Esdras

7. Kinabuklis ken panagbartek

8. Nairingpas ni Solomon ti pannakaaramid ti templo sadi Jerusalem; sipapangas a pinagbalin dayta ni Jeroboam a bulan ti piesta iti makin-amianan a pagarian tapno maibaw-ing ti atension dagiti tattao manipud Jerusalem ken kadagiti rambak sadiay

9. Asin

10. “Nangngegna ti konsierto ti musika ken panagsasala”

11. “Iti angin”

12. India

13. Duapulo ket uppat a panglakayen

14. “Bulsek a mangidaldalan”

15. Ti Dakkel a Baybay

16. Agbasbasa iti padto ni Isaias

17. Matebbengan ti lapayagna babaen ti kulukol

18. Iti maysa a pagdagusan

19. Asa

20. Bezalel, Oholiab

21. Asawa a lalaki

22. Damaris

23. Pagmauyongenna

24. Ti urbon ti asna