Ammoyo Kadi?

(Masarakan dagiti sungbat daytoy a pannubok kadagiti naipaay a teksto ti Biblia, ket nayimprenta iti panid 24 ti kompleto a listaan dagiti sungbat. Para iti kanayonan nga impormasion, kitaenyo ti publikasion nga “Insight on the Scriptures,” nga impablaak dagiti Saksi ni Jehova.)

1. Ania ti ginatang ni Abraham iti 400 a siklo a pirak manipud kadagiti annak ni Het? (Genesis 23:16-20)

2. Ania ti nausar iti dua a pagilasinan a kiniddaw ni Gideon kas ebidensia a tulongan ti Dios iti pannakirangetna kadagiti Midianita? (Uk-ukom 6:36-40)

3. Ania a kita ti pasdek ti nadakamat laeng kadagiti libro ti Biblia a Cronicas, Nehemias, Ester, ken Daniel? (Daniel 8:2)

4. Ania ti tinarigagayan unay ni Acan isu a sinukirna ti bilin ti Dios ken nakaigapuan ti pannakaabak dagiti Israelita idiay Ai? (Josue 7:21)

5. Kalpasan a nangparsua ti Dios iti asawa ni Adan, ania ti imbilinna a pagbalinan dagiti agassawa? (Genesis 2:24)

6. Ania dagiti aramid a nainaig iti espiritismo a kondenaren ti Biblia? (Deuteronomio 18:10, 11)

7. Kasano a sinelebraran ni Ari Asuero ti panagbalin ni Ester a reynana? (Ester 2:18)

8. Ania ti impakpakauna ni Jesus a mapasamak kadagiti pasurotna gapu iti naganna? (Mateo 10:22)

9. Asino ti Midianita a pinatay ni Finehas idi insangpet ni Zimri iti kampo ti Israel agpaay iti imoral a relasion? (Numeros 25:15)

10. Asino ti nadeskribir iti maika-31 a kapitulo ti Proverbio? (Proverbio 31:10)

11. Ania a sao ti pangrugian ti tunggal maysa kadagiti tallo a paset ti pakdaar ni Mikias maibusor iti Samaria ken Jerusalem? (Mikias 1:2; 3:1; 6:1)

12. Asino ti utek iti pannakapapatay ti inauna nga anak ni David a ni Amnon, ngem pinakawan ni David idi agangay? (2 Samuel 13:32, 33)

13. Apay a ti asawa ni David a ni Mical ‘inumsina ni David iti pusona,’ isu a natay nga awanan iti anak? (2 Samuel 6:14-16, 20-23)

14. Ania a pasamak ti nanginaigan ti Biblia iti Armagedon? (Apocalipsis 16:14, 16)

15. Idiay Listra, apay a dagus nga imbabawi ti bunggoy ti panagdatonda koma ken Pablo ket kayatda ketdin nga uboren? (Aramid 14:19)

16. Ania ti inaramid ni Pedro idi kayatna a salakniban ni Jesus manipud kadagiti soldado nga immay mangaresto kenkuana? (Juan 18:10)

17. Iti maikatlo a panangsulisogna idiay let-ang, ania ti kayat ti Diablo nga ipaaramid ken Jesus? (Mateo 4:9)

18. Ania a substansia ti nausar idiay Biblia a mangipasimudaag iti basol wenno kinadakes? (Mateo 16:6)

19. Nasirsirib kano nga amang ni Solomon ngem kadagiti asino a tattao? (1 Ar-ari 4:31)

Dagiti Sungbat ti Pannubok

1. Tanem ti pamilia

2. Linnaaw ken dutdot a delana

3. Kastilio

4. “Maysa nga opisial a kawes manipud Sinar” agraman sumagmamano a pirak ken balitok

5. “Maymaysa a lasag”

6. Panagpadles, panagsalamangka, panagsapul kadagiti partaan, panagkulam, panagilabeg, panagkonsulta kadagiti mannakiuman iti espiritu, padles dagiti espiritu, ken dadduma pay

7. Nangangay iti dakkel a bangkete, nangted iti amnestia iti intero a pagarianna, sa nangted kadagiti sagut

8. ‘Puntiria ti pananggura’

9. Ni Cozbi nga anak ni Zur

10. “Makabael nga asawa a babai”

11. “Dumngegkayo”

12. Ni Absalom, ti maikatlo nga anak a lalaki ni David

13. Inumsina ti panangipakita ni David iti rag-ona babaen ti ‘panaglaglagto ken panagsalsalana iti sango ni Jehova’

14. “Gubat ti naindaklan nga aldaw ti Dios a Mannakabalin-amin”

15. Dimteng dagiti Judio manipud Antioquia ken Iconio ket ginuyugoyda ida a mangaramid iti dayta

16. Inasutna ti kampilanna ket kinabilna ti adipen a ni Malco, a nakapingasan ti makannawan a lapayag dayta nga adipen

17. Mangaramid iti “maysa a tignay a panagdayaw” kenkuana

18. Lebadura (bubod)

19. Da Etan, Heman, Calcol, ken Darda