LUHIT

[nagtaud iti sao a kaipapananna ti “tapi; tabla”].

Lugar a nadakamat kadagiti padto ti lunod maibusor iti Moab. (Isa 15:1, 5; Jer 48:5) Patien ti sumagmamano nga eskolar a ti Luhit ket maysa a siudad ti Moab a masarakan iti tuktok ti maysa a sasang-atan. Yantangay kunaen da Eusebius ken Jerome a dayta idi ket maysa a lugar a naawagan Loueitha, ti Luhit ket mabalin nga isu ti Rujm Madinat er Ras, agarup 20 km (12 mi) iti abagatan a laud ti Karak, wenno iti kabangibang a Khirbet Fas. Maibatay iti sabali pay a panangmatmat, ti Luhit ket saan a siudad no di ket nagan laeng ti sasang-atan wenno darisdis nga usaren idi dagiti agkamkamang ken agsangsangit a nagtalaw a Moabita.​—Idiligyo ti Nu 34:4.