SAMOTRACIA

[mabalin a, Samos ti Tracia].

Maysa a kabambantayan nga isla iti amianan a daya a paset ti Baybay Aegeano, nga adda maysa a siudad iti makin-amianan a deppaar a kanagnaganna. Nalabit nga idi primavera ti 50 K.P., bayat ti maikadua a panagbaniaga ni Pablo kas misionero, ti barko a naglugananna ket “nagtartarus” iti isla ti Samotracia manipud Troas iti amianan a laud nga Asia Menor. Nupay kasta, saan a nadakamat no simmanglad sadiay ni Pablo. (Ara 16:11) Iti agdama, awan ti nasayaat a sasangladan iti daytoy nga isla (Samothraki), nupay adu a pasetna ti mabalin a natalged a pagsangladan.