“Daytat’ Saan a Nakasalsalikawkaw”

Ti panagdakkel kadagitoy panawen a nariribuk ket saan a nalaka. Naipasango dagiti agtutubo kadagiti baro a situasion ken masapul nga agaramidda kadagiti napapateg a desision. Rebbeng aya nga aginumak? Umawat ti droga? Ania a kababalin ti maiyanatup iti maysa a di kasekso? Kasapulan dagiti agtutubo dagiti epektibo a sungbat a saan a nakasalsalikawkaw. Iti pannakabasana ti baro a libro a Dagiti Saludsod nga Iyimtuod ti Agtutubo​—Dagiti Sungbat nga Epektibo, maysa nga agtutubo a taga Greensboro, North Carolina, ti nagsurat:

“Daytoy a libro ket nalawat’ saklawenna ken nagsasayaat dagiti pangariganna para iti tunggal problema. Oras a rugiam a basaen daytoy, ngangngani saanmon a maibaba, dagiti kapitulona ket makapainteresda unay. Daytat’ saan a nakasalsalikawkaw, no ar-arigen, ngem mangted kadagiti direkta a sungbat kadagiti problema.

“Iti am-amin, daytoy a libro ket talaga a nakaskasdaaw, napudno, pantastiko, . . . di maiyebkas dagiti sasao no kasanot’ kinanaisangsangayan daytoy a libro. Irekomendak un-unay daytoy a libro kadagiti isuamin, nangnangruna kadagiti agtutubo.”

Umawatkayo iti daytoy baro, napintas ti pannakaiyilustrarna a libro babaen ti panangsuratyo ken panangipakoreoyo iti kupon. Daytoy ket paset ti sangalubongan a trabaho a panangisuro iti Biblia a suportaran dagiti boluntario a kontribusion.

Pangngaasiyo ta patulodandak, a nabayadanen ti seliona, ti 320-panid, natangken ti abbongna a libro a Dagiti Saludsod nga Iyimtuod ti Agtutubo​—Dagiti Sungbat nga Epektibo.