“Musika a Makaagas”

Adda babai a taga España a nagsurat iti sanga ti Watch Tower Society idiay Alemania: “Agyamanak unay ket kayatkay a suratan tapno maibagak kadakayo daytoy.” Apay nga agyamyaman unay?

“Agsiam a tawenen nga agnanaedak iti España,” inlawlawagna “ket adda maysa ket kagudua a tawenen ti napalabas, idi dua nga agtutubo a kaduayo inyadalandak iti Biblia. Idi nabasak ti artikulo iti Ti Pagwanawanan maipapan iti musika a makaagas, imbilinko a yalaandak kadagita a cassette.

“Adda tiempo kalpasanna, a gapu ta malmaldaanganak ken adda an-anayek, nagpatukarak. Anian a giddiatna! Apagapaman laeng, nagawan ti emosional nga an-anayek, ket simmarantaak unay. Anian ti ragsakko a naaddaan kadagita a cassette! Nanipud idin, masansan nga immimdengak kadagita no kadagiti rabii a diak makaturog. Talaga a musika a makaagas daytoy.”

Adun dagidiay nangapresiar iti album a Sing Praises to Jehovah, a naglaon ti walo a cassette dagiti musika ti piano. No interesadokayo itoy nga album, suratanyo ken ipatulodyo toy kupon ditoy baba.

Daytoy ket paset ti sangalubongan a trabaho a panangisuro ti Biblia a supsuportaran dagiti boluntario a donasion.

Tarigagayak ti makaawat ti album a Sing Praises to Jehovah nga addaan walo a cassette tape ti musika. (No iti ruar ti Filipinas, suratanyo ti lokal a sanga ti Watch Tower maipaay iti impormasion. Kitaenyo ti panid 2.)