Kasano Kapateg ti Langlanga?

“Marurodak unay iti langak,” insurat ti maysa nga agtutubo manipud Beaver Falls, Pennsylvania, E.U.A. “Mariknak a naalasak ken di makaay-ayo.” Inlawlawagna: “Bassit laeng ti kanek iti sumagmamano nga aldaw, ket pudno a napukawko ti sumagmamano a libras, ngem mabisinak unay iti di pannangan ket agbussogakto manen iti sumaruno nga aldaw ket mapasublik ti dati a dagsenko.”

Kalpasanna, iti maysa a Nakristianuan a kumbension, kinunana: “Kimmitaak iti sarming ket kinunak iti maysa a gayyem, ‘Nakabutbuteng ti langak!’

“Daytoy ipatpateg a gayyem sinaludsodannak no nabasakon ti seksion a ‘Panangmatmat no Kasanot’ Panaglanglangayo’ idiay libro a Dagiti Saludsod nga Iyimtuod ti Agtutubo​—Dagiti Sungbat nga Epektibo. Imbagak kenkuanat’ saan. Kinunana kaniak, ‘Ipatpategko, masapul nga agawidka inton rabii ket basaem.’ Ket daytat’ inaramidko.

“Nariknak a kasla basbasaek ti estoria ti biagko. Kalpasanna dimtengak iti saludsod a namagpanunot kaniak, ‘Asino kadi ti nangirugi ti ideya a kasapulan ti maysa a langa no kayatyo ti agbalin a popular, naballigi, wenno naragsak?’”

Ti sungbat dayta a saludsod, kinuna ti agtutubo, nangaramid ti dramatiko a panagbalbaliw iti biagna. Inleppasna: “Babaen kadagiti makatulong a singasing iti libro nga Iyimtuod ti Agtutubo, nakitak ti panagkasapulan ti panangipasdek a naurnos kadagiti rebbeng nga iyun-unak.”

Adut’ pakarigatan dagiti agtutubo itatta. Kasapulandat’ tulong tapno mapagballigianda dagitoy. Dagiti Saludsod nga Iyimtuod ti Agtutubo​—Dagiti Sungbat nga Epektibo ipaayna daytoy a tulong. Agpaay ti impormasion no kasano a magun-odan daytoy napintas ladladawanna a libro, suratanyo ken ipatulodyo ti kupon.

Pangngaasiyo ta patulodandak ti 320-panid a natangken-akkubna a libro a Dagiti Saludsod nga Iyimtuod ti Agtutubo​—Dagiti Sungbat nga Epektibo. (Agsuratkayo iti direksion iti baba a maipaay ti impormasion. Iti ruar ti Filipinas, agsuratkayo iti sanga ti Watch Tower a maipaay ti impormasion. Kitaenyo ti panid 2.)