“Trabaho Dayta ni Jehova”

Dayta ti paulo ti maysa nga artikulo iti warnakan nga El Norte, iti Monterrey City, Mexico. Dakdakamaten ti artikulo ti maipapan iti baro nga Assembly Hall dagiti Saksi ni Jehova.

Maysa a siudad ti Monterrey nga addaan iti populasion a 2,300,000 (agraman kadagiti kabangibang nga ili) iti akin-amianan a paset ti Mexico, ken addaan iti 19,200 nga agibumbunannag iti Pagarian. Iti agarup makatawen ket kagudua, nagbibinnuligan dagiti Saksi nga ibangon ti maysa a napintas ken praktikal nga Assembly Hall nga addaan iti 3,000 a komportable a pagtugawan ken air conditioning. Naragsakan dagiti Saksi nga agnanaed sadiay idi impaay ti maysa a kameng ti Bagi a Manarawidwid ti palawag ti dedikasion. Ti programa inramanna ti ababa a pakasaritaan ti trabaho idiay Monterrey, ket napagsaludsodan dagidiay nakiraman iti panangibangon. Kalpasanna tinagiragsak dagiti 4,500 a timmabuno iti taripnong ti palawag iti dedikasion.

Daytoy ti maikatlo kadagiti nabiit pay a naibangon nga Assembly Hall idiay Mexico iti nailadawan kas maysa a kampania para iti “Ad-adu, Dakdakkel, ken Nasaysayaat a Kingdom Hall ken Assembly Hall.”

Gapu ta adda nasurok a 443,000 nga agibumbunannag idiay Mexico, ken 1,492,500 a timmabuno iti Panglaglagip idi 1995, dagiti baro nga Assembly Hall, kas ti maysa idiay Monterrey, sigurado a maaramat iti nadiosan a panggep.