Ti Kapatgan a Petsa iti Pakasaritaan ti Tao

Iti dayta a petsa a natay ni Jesu-Kristo. Apay a nakapatpateg ti ipapatayna? Adu ti makagapu.

Ti kinamatalek ni Jesus agingga ken patay ti nangpaneknek a kabaelan ti tao ti agtalinaed a natarnaw iti Dios.

Ti ipapatay ni Kristo ti nangipaay met iti gundaway iti dadduma iti sangatauan tapno makipagturayda kenkuana idiay langit. Maysa pay, dayta ti nangted iti gundaway iti ad-adu pay tapno tagiragsakenda ti biag nga agnanayon iti paraiso a daga.

Iti rabii sakbay ti ipapatay ni Jesus, inusarna ti awan lebadurana a tinapay ken nalabaga nga arak kas simbolo ti naayat a sakripisiona kas tao. Kastoy met ti imbagana kadagiti adalanna: “Itultuloyyo nga aramiden daytoy kas panglaglagip kaniak.” (Lucas 22:19) Laglagipemto kadi daytoy a napateg a pasamak?

Maragsakan dagiti Saksi ni Jehova a mangawis kenka a makikadua kadakuada a dumar-ay iti Pananglaglagip iti ipapatay ni Jesus. Iti daytoy a tawen, maangay dayta inton Huebes, Abril 9, kalpasan ti ilelennek ti init. Mabalinmo ti tumabuno iti Kingdom Hall a kaasitgan iti pagtaengam. Pangngaasim ta damagem kadagiti Saksi ni Jehova iti lugarmo ti eksakto nga oras ken pakaangayanna.