Mapatanor ken mataginayontayo ti kinamanagyaman babaen ti panangmennamennatayo kadagiti maaw-awattayo a bendision ken panagyaman ken Jehova gapu kadagita. No manangapresiartayo, maparmektayo ti di kinamanagyaman ken madaerantayo dagiti rigat. Ti tekstotayo para iti tawen 2015 ipalagipna daytoy iti intero a makatawen.

▪ No Apay a Selebrarantayo ti Pangrabii ti Apo

Ipakita daytoy nga artikulo no apay a rumbeng a laglagipentayo ti ipapatay ni Jesus. Ilawlawagna no ania ti irepresentar ti tinapay ken arak iti Memorial ken ipakitana no kasano a maammuan ti maysa no rumbeng a kanen ken inumenna dagitoy nga emblema. Tulongannatayo pay daytoy a panagadal no kasano a personal a makapagsaganatayo para iti Pangrabii ti Apo.

▪ Pagbalinenyo a Natibker ken Naragsak ti Panagasawayo

▪ Bay-anyo a Patibkeren ken Saluadan ni Jehova ti Panagasawayo

Sarsarangten ti adu a pagassawaan ti umad-adu a rigat ken sulisog. Ngem babaen iti tulong ni Jehova, posible ti maaddaan iti natibker ken naragsak a panagasawa. Ilawlawag ti umuna nga artikulo ti lima a pamay-an tapno agbalin a natibker ken manayon ti panagasawa. Ti maikadua nga artikulo usigenna no kasano a patibkeren dagiti naespirituan a depensa iti panagasawa.

▪ Di Agkupas nga Ayat—Posible Kadi?

Ania ti pudno nga ayat iti nagbaetan ti lalaki ken babai? Posible kadi ti manayon nga ayat? Kasano a mayebkas ti kasta nga ayat? Ammuentayo no ania ti isuro kadatayo ti Kanta ni Solomon maipapan iti di agkupas nga ayat.

ITI DAYTOY MET A RUAR

3 Situtulok nga Agsaksakripisioda—Iti New York

AKKUB: Maus-usar ti Biblia iti panangasaba iti Grindelwald, maysa a napintas a lugar iti sakaanan ti Bernese Alps

SWITZERLAND

POPULASION

7,876,000

AGIBUMBUNANNAG

18,646

TIMMABUNO ITI MEMORIAL (2013)

31,980