PAGADALAN NGA EDISION

Tagtagiragsaken ti ili ni Jehova ti naisangsangayan a naespirituan nga aglawlaw iti organisasion ti Dios ditoy daga. Kasano a naan-anay a maipakitatayo nga ap-apresiarentayo daytoy a probision ni Jehova, ken ania ti maaramidan ti tunggal maysa kadatayo tapno mapapintas dayta? Masungbatan iti daytoy nga artikulo dagita a saludsod.

Ilawlawag daytoy nga artikulo ti dadduma kadagiti makapagagar a pasamak iti masanguanan. Adalentayo met no apay a makapagtalektayo a kabaelan a sanguen ti ili ti Dios ti dakkel a rigat.

Iti daytoy a lubong nga iturturayan ni Satanas, nadumaduma ti dasigan dagiti tattao. Nupay kasta, inkari dagiti Kristiano nga agmatalekda ken Jehova. Usigentayo iti daytoy nga artikulo no apay a saantayo a makiraman kadagiti isyu iti lubong ken no kasano a masanaytayo ti isip ken konsiensiatayo tapno makapagtalinaedtayo a neutral.

Iti intero a lubong, agtataripnong dagiti Saksi ni Jehova iti rinibribu a Kingdom Hall ken iti dadduma a pasilidad tapno agdayawda. Usigentayo iti daytoy nga artikulo dagiti prinsipio ti Biblia a makatulong kadatayo no kasanotayo a matmatan, suportaran, ken manteneren dagiti lugar a pagdaydayawantayo tapno maidaydayaw ni Jehova.